Джегьилер – гьоIкуматын даягъ

02 Июль 2018
K2_ITEM_AUTHOR  Майнат Имранова

Джегьилер гьоIкумат гьаIра­катехъа адаччена гудж вобна. Манбы оIлкайн даягь ва геледжагъ вобунбы. Къийна джегьилер дешин ва ишлемиш дёохьен ташкилатбы дешинбы. Эн йыIкьын, эн дагъамын ишбы манбыше гьаъа. Манбыше гьааъани ишике гьоIкуматна девлет артымишоохье ва хазна гяацIи.

Ватан дагъамийваленанкъаI, мана къорамишааъас цIебба манбы сугъооца. Дора кIел’хъаляаъас ХаIбна Ватанна даIвъий. Манчин эн уфтанни, эн гуджнани, гьаIракатыкани джегьилершин джан алеетIу. Къийнаб дюнйейл’ саакитыйвалла дешда. Гьар сураке кIарын-кIарын хабарбы къийхье. МаIъна дена ыI-мырбы заехье. Джгьилер сана-санкъулхъа аляаъа, сана-санкъве гябатIа. Маныд закIле къеджен кьоIни караке: 1)джегьилершис хъодкуйни тербие гьелес даIхийке ва хъобкуни йаIххылхъа гяагьас даIвхийке; 2) джегьилершихъаб доланджагъ гьаъасда, хизан доламишаъасда иш девхьайке.
Ушахыс тербие хизаненче гьели гигъалас ыккан; югун писинчике джураъас хаIбхъааъас вуккан; хъодкуйн чечнайс гиххьес ыккан. Ушахар цIебба гьагвани хаариджи мультфильмыбише, кинобише хъобкуни йаIххъыле гьадараъа, няъас увгье манченче саджу гябтIуйбы, эб, нягьаIкьын зинаан ишбы гьагва. Гьел’бедти ушахысыд писин, нягьаIкьын кар зарада хаIдхъехье. Гойнед ушах бахчейид, мактабейид лайикьыкван тербие, ацIаал’ аляатIа деш. ОIгийл’ эйгьений: «Югун ешаеш гьаъасдиме, хъоркура ишлемишхьес ва хъоркура ешемишхьес ыккан». ГьаIшде къеджен, тербиенани, ацIаал’нани инсаныс, агар пыл, гьаIясызыйвалла, «дайий» дешхье, гьихъа ааIсда имкам гьооле деш.
Джегьил’ инсаныс имкам гьевлес вуккан ишилхъа икIечIесда. Къийна гыргын терсинада водун. Санкъухъаб югна къуллух, хав-уджагъ, шалвар истолылхъа гьооджи гийарна, шенаса джегьил’ санаъаIт вод, иш дена мысынче хьал’ хъекIа. Хизан къурмишааъас хъаIйкьанна. Ман сурабыд гозет’ гьааъас ыккан.
Агар гьоIуматни сурале джегьилершилхъа сераасына фагьам девхьей, сихбы, терактбы, зинаан ишбы, наркоманар, ВИЧ хастал’бы хаIд х’ъихьес.
АIхреени сенбышее дюнйейл’, йишди гьоIкуматыл’, республикайл’ джураба-джур джегьилершис хыл’авхъааххъан программабы кьабыляу. Анджах манбы гьаIракатыка ишлемишхьай, шакIле къедже дешод. Бел’ки геледжагъыл’ бар алебатIа.
Дагъыстан джегьилершина республика вобна. Шахъаб манбышилхъан хаIдын умудбы ва инамбы водунбы. Республикайн геледжагъ манбышике аIссылыда водун.
27 июнь Россиейни джегьилершин йигъ водун. Манбы: къийнийн шигыртар, телебабы, джегьил’ санаъаIткарар, ааIлимар, алверчер Россияйн геледжагъ ва даягъ водун. ГьоIкуматын артымишхьай манбышди хыле водун. Джегьилершис шадна ыIмыр арзу гьааъа ва джони йигъыка табрик гьааъа.

Яндекс.Метрика
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree