1999 сенийна «пырана» август

10 Август 2018
K2_ITEM_AUTHOR  Кьурбан Омаханов

Россиейни ва дюнйейл’ни медни оIлкабышди таарыхе джурабаджур ва сай-гьыIсаб дешин гьааIдисабы ыхьа. Манчин сабарабы таарыхни китабеехъа къизлени гьаIрфбышиква одкIун, шенсабы кIаарни хатIыква. Югун гьааIдисабы экIда кIелийхан, амма писинбы геджда хъувадакка. АIсас писин гьааIдисабы табиятни фаляакатбышикайий даIвъийбышиква багълыда водунбы. Мани кьоIнчеесана инсанын иштырак водун.

 Инсан гьихъийаллани дюн-йейл’хъа мугъает ихьес ыккан. Табият хъицIараъас чалышмишхьес ыккан деш ва ман игъийцIарас лазымда дешодын. Агар ман аIгьтиятбы гьидваджее, манке зел’зелебы, сел’-сибабы, одкIулуйбы, пIаджарбы ва медын фаляакатбы эйхьи. КьоIдъэсын писин гьааIдисабы инсанни азгъуныйвалин ацIа-ацIа гьаъа. Милйонбышиква сенбы инсан дюнйейлхъа арыйн арайле адкIын, анджах гьаммашийсын суIл’гь яратмишаъас даIхийн. Дюнйейл’ не барабарыйвалла вухьана деш, нейид даIвъийн сес камхьайн деш. ДаIвъийбышихъад джурабы ыхьейид, манчини гыргынчин дюнйейлхъа оIлум адайли. ХаIббанани вахталиб манчин тахсир дешин, эн уфтанын, такьатыкван джегьилер дюнйейле алябатIа. Инсан гьихъийаллани дюн-йейл’хъа мугъает ихьес ыккан. Табият хъицIараъас чалышмишхьес ыккан деш ва ман игъийцIарас лазымда дешодын. Агар ман аIгьтиятбы гьидваджее, манке зел’зелебы, сел’-сибабы, одкIулуйбы, пIаджарбы ва медын фаляакатбы эйхьи. КьоIдъэсын писин гьааIдисабы инсанни азгъуныйвалин ацIа-ацIа гьаъа. Милйонбышиква сенбы инсан дюнйейлхъа арыйн арайле адкIын, анджах гьаммашийсын суIл’гь яратмишаъас даIхийн. Дюнйейл’ не барабарыйвалла вухьана деш, нейид даIвъийн сес камхьайн деш. ДаIвъийбышихъад джурабы ыхьейид, манчини гыргынчин дюнйейлхъа оIлум адайли. ХаIббанани вахталиб манчин тахсир дешин, эн уфтанын, такьатыкван джегьилер дюнйейле алябатIа. Мед-мед саIгьвбы къидиккасдимее, гьар инсаныкIле джуни гьоIкуматын, республикайн, районын, хивын таарых ацIахьес ыккан. ГьоIкуматни регьбераршикIле ацIахьес ыккан: къийна гъу медни оIлкайл’ ледж адче ва манчилхъа тахсир дена гьуIджум гьавъээ, къийхъа йигъни оIлкайл’ цIа къитIокIалас. Мани цIайейи эбее гъу хъоххьарас. Анджах манчихъа ил’дяаку, даIвъийн цIа дюнйейл’ни гьар сурал’ сайхьваран.Дагъыстанни таарыхе джурабаджур даIвъийбы ыхьа. Ман джони мыкIик авхъа хъааъас, хаIдданани оIлкабышис ыккийкын. Анджах Дагъыстанеехъа даIвъийка абыйнбышис оIлум авайку. Мысаджад ва шавукеджад Дагъыстан хъынгыбышилхъа гюъараъас аIхы деш. Дагъыстан регьберарше деш, мааъаб ешемишоохьени инсанарше гьуваджы ва къорамишау.1999 сенни августни вуза ыхьайн гьааIдисабы, инсанаршини йикIенче адкIын дешёдунбы. Арайле 19 сен адкIын. Манке Чечняйни сурале дюйел’ни террористарше Дагъыстанылхъа басхын гьау. Басаевнайий Хатабна къошунбы гьорбышиквани лозунгбышиква ярахука Дагъыстанни Ботлих районеехъа иккечIу. Хатабнийий Басаевни къошунбыше умуд гьавъуна джон тераф джигайл’ни халкьын ахъаххъава. Анджах мани дагъамни вахтал’ дагъыстанын гыргын миллетбы са мислягьаIтеехъа хъады, ярахукани къошунбышин оIги даянмишауйн. Ватан къорамишааъас кьаIсинбы, джегьилер, ушахар сугъооцы. Гьар хив манке къалайлхъа сабкIыл. Агар алеетIас хъадее дагъыстанлыбыше Россиейн дагъылмишхьай даянмишау. Джони торпахбышиле илгъебчIес гьабсыр деш. Гьел’бедти, манке аIсас охур (удар) джолхъа Россиейни Армиейни эскерарше алеетIу. Манбышиква барабарба игитийвалла дагъыстанлыбыше вурушбышее гьаагу. Баба-дидершин васибы, ваъаIзбы, чIиебы душманни къелик авхъа гьуво деш. Мааъад душманаршин къошунбы дагъылмишауйнбы, ахуйнбыб йыIкьалхъа Чечнеехъа гьеебхы. Мани вурушбышее дагъыстанни миллетбышиква саджигее цIаIхбышед хаIдын иштырак гьау. Ватанни оIгеедын бордж хъели кьаIгьраман хьинне йишда йихъий, игит’ мишлешелий, милиционер МаIгьаммад ШаIъбанов хъикIу. 1999 сенни августнийий сентябрьни вузаршее, Дагъыстан азад гьаъани даIвъийе 279 эскерий офицер гьабтIу, 800 яраламишхьа. Мани вурушее 2500 душманыс оIлум авайкы.Ши йишин таарых кIелиханаъас ыккан деш. Ватаннимеега даIвъийе иштырак гьауйни ва мааъад джан гиххьыйни игитершина гьIурмат гьуваджес вуккан. Манбышис, гьабтIыйнбышди хизанбышис гьоIкуматын кумаг гьувой бордж водун.

 

Яндекс.Метрика
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree