Дагъыстанни миллетбышди Садибыйвалин йигъ

14 Сентябрь 2018
K2_ITEM_AUTHOR  Къурбан Омаханов

Гьар сен , сентябрьни 15-чил' йишди республике Дагъыстанни миллетбышин Садибын йигъ алгъайгьи. Байрамыхъад хаIдын таарых дехьейид, дагъыстанын миллетбы гьаммаше югни –писди вахтал' санаб-саджигее вухьа. ШакIле ацIан республике 30-ле агъаллан миллетбы ешемишехьи. Манбышди гьаарункъухъаб джона миз, джон таарых, джон адабият, джон маданият водун.

 

Анджах манбышихъад са хасиятбы, акаран аIдатбы, гювъур- сугъоцый водун. Ватаныс къорхунанкъаI, манбы гьамбаше мислягьаIтее вохьи. Са миллетин уцIур , шениса миллетин водун; са миллетын шадлыгъ. Шениса миллетын водун. Дагъыстанни миллетбышди таарыхе хаIдда гьаIдисабы ыхьа. Манбы гьаммаше саджигеехъа сабы къабни душманаршиква вурушмишивхьа, республикайна абыр, ламус , сифат  гьувааджы. Помпейн, Надир шахын, къошинбы дагъылмишау. Кавказыл' НикIалайка аIлгьааIни даIвъэ садибба душманаршиква вурушмишивхьа. Манчиле гъайре дагъыстанлыбы медни локальный вурушбышее саджигеехъа сабы душманаршис джаваб хъуво. Мысаджад дагъыстанни миллетбышди аIрее сана-санкъукан чIакIын къалма-къалбы ыхьа деш. Гьел'бедти, аIрее ледж адчес вуккананбы оIгийлиб, гьаIшдеб вобунбы. Анджах , йишди меега йишди архабыше, агъсаххъаларше, баба-дидершин гьувойн ваъаIзбы, тербие  шас гыргыни кьаанунбышиле агъалла водунбы. Манбыше ши хъобтIулыйнбы Дагъыстанее суIл'гь гьуваджес ва мугьуIббат утIумаъас.Анджах манбышихъад са хасиятбы, акаран аIдатбы, гювъур- сугъоцый водун. Ватаныс къорхунанкъаI, манбы гьамбаше мислягьаIтее вохьи. Са миллетин уцIур , шениса миллетин водун; са миллетын шадлыгъ. Шениса миллетын водун. Дагъыстанни миллетбышди таарыхе хаIдда гьаIдисабы ыхьа. Манбы гьаммаше саджигеехъа сабы къабни душманаршиква вурушмишивхьа, республикайна абыр, ламус , сифат  гьувааджы. Помпейн, Надир шахын, къошинбы дагъылмишау. Кавказыл' НикIалайка аIлгьааIни даIвъэ садибба душманаршиква вурушмишивхьа. Манчиле гъайре дагъыстанлыбы медни локальный вурушбышее саджигеехъа сабы душманаршис джаваб хъуво. Мысаджад дагъыстанни миллетбышди аIрее сана-санкъукан чIакIын къалма-къалбы ыхьа деш. Гьел'бедти, аIрее ледж адчес вуккананбы оIгийлиб, гьаIшдеб вобунбы. Анджах , йишди меега йишди архабыше, агъсаххъаларше, баба-дидершин гьувойн ваъаIзбы, тербие  шас гыргыни кьаанунбышиле агъалла водунбы. Манбыше ши хъобтIулыйнбы Дагъыстанее суIл'гь гьуваджес ва мугьуIббат утIумаъас. Къийна республике ман Садибын йигъ алгъагьас гуджнаква гьазироохьи вобунбы. Кьома Дагъыстанни ХааIрункъука Владимир Васильевыка  манчис къассырыйн  иджлас илгъечIу. Мани иджласее республикайни Правительсвайни къуллухчерше, министирарше ва медни ташкилатбышди ишчерше иштырак гьау.Байрамыс гьазирыйвалла къооеджени суални гьаIкIее иджласее чихыш ДР-ни Правительствайни садрийни цIеррыйни маIъвынее Анатоли Карибове гьау. Манкъуни джуни чыхыше увгьойн: «…Садибни йигъыс къассырыйн аIсас йигъынджагъбы Даггосфилармониейни майдама илгъечIес. Мани маджлисее маданиятни министерствайни фольклорный дестебыше, дагъыстанни эстрадайни артистарше джон  маъаIлийбы, миллетбышин мыкIаара, палтарбы, гьагуйбы (выставкабы)   гьагвас. Манчиле гъайре концертбы, йигъынджагъбы, маджлисбы, гьагуйбы «Дом дружбайни»( «Достаршини хааъад»), Р. Гьамзатовни дойил'ни  Миллетни китабханайни утагъбышее , театрбышди     майданбышее илгъечIес.   ХъаIдхъийн ташкилатбыд къирагъыл' ахвас деш. Сентябрьни вуза мактаббышее,лицейбышее, колледжбышее, техникумбышее, институтбышее, университетбыше джурабаджур  мани йигъыс къассырыйн йигъынджагъбы ва конкурсбы илгъечIес. 15 сентябрыл' гыргыни республике джурабаджур ярмакабы, спортын оIюнбы, горушбы илгъечIес. Манчис ши гьазирувхьа вобунбы…»В.Васильеве мани иджласее увгьойн: «Натийджабы алеетIасди меега ишлемишивхьес вуккан ва темизни фыкреква йигъни миллетыс къуллух гьааъас вуккан» ДР-ни табиятни ва экологиени министре Набиюла Къарачаеве джуни чыхышее къейдаъу: « …15 сентябрыл' , МаIгачкъалее, Ак-Гель голесанее фестиваль «Каспитйская рыба» илгъечес.  Маъад балугъчершини аIрее баIстбы илгъечIес , ярмарка вухьес, балугъеке гьауйн хорагбы гьагвас. Кар хъойхьаранбыше (поварарше) джон гьаIрактбы гьагвас.Республикайни ХааIрункъве В.Васильеве тапширмишауйн мани йигъынджагъбышее аIгьтият гьувааджий, нягьаIкьийвалике джамаъаIт къорамишауй. ДР-ни информатизациейни, связни , массовой коммуникациейеи министерствайс сабара гьагьна хаIбвалла гьааъни Сергей Снегирове нягьаIдый ман йигъынджагъбы, маджлисбы , гыргыран истолбы  СМИ-ше гьагвас, сабыйнбышис хабар гьуво.  С.Снегирове увгьойн: « Ши фыкрее алеетIу водун гьар майдамбышеенче онлайн –верлишбы, интернет–форумбы мани байрамыс къассырыйн илгъечIес. Мааъад хаIданани РФ-ни субъектбышди эл'черше иштырак гьаъас. Экспертбыше  джон фыкырбы, джон аIрзубы эгьес…» Манчиле гъайре С.Снегурове геледжагъыл' нени сентелхъайий министерствай йаIхъ авхъас увгьо.Екунбы иджласын гьаъанкъаI В. Васильеве ташкилатбышди , министерствабышди, шагьарбышди регьбераршилхъа тапширыгъбы гиххьы. Манкъвее увгьойн: « Ши маIгьад гьаъас ыккан, ман байрам  инсанарше джон хусусы  хьинне кьабыляъас ыккан. Ненкъусый мани йигъыл' пызгъын гьаъас ыккан, ацIахьеджин ман гьоIкуматни эксина деш гьаъа водун, мана джуни миллетни эксина гьаъа водун…»

 

Яндекс.Метрика
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree