ГичIиквана ва гьуIрматыквана къуллух

09 Ноябрь 2018
K2_ITEM_AUTHOR  Камиль Шамхалов

Ноябрьни 10-чил Россиейл' адни ишбышди ташкилатбышди къуллухчершин Йигъ алгъайгьи. Ман йигъ хаIббананбышикIле милициейн Йигъ хьинне ацIа водун. Мани доюка байрам 2011 сенилхъаме ыхьа. Милицие полициейн бадалау.

 

«Полиция» эйгьен термин акьвалхъа ЦIеррийни Петрни гьаракатука хъады. 1718 сенее паччагье Санкт-петербурге АIсас полиция эйгьен ташкилат къурмишау. Манчина хааIрна Португалиенчена генерал-адъютант Антон Девиер гиххьы.«Полиция» эйгьен термин акьвалхъа ЦIеррийни Петрни гьаракатука хъады. 1718 сенее паччагье Санкт-петербурге АIсас полиция эйгьен ташкилат къурмишау. Манчина хааIрна Португалиенчена генерал-адъютант Антон Девиер гиххьы.1918 сен полициейна джига милициейн авхъу. Хилидже сенбына милициейни ишчершихъад джони санаъаIтын байрам ыхьа деш. 1962 сен СССР-ни хааIрынкъуни Никита Хрушевни кьарарука советни милициейн йигъ алгьайгьи гибгъыл. Совет гьуIкуматни вахтал' милициейни ишчершихъаб хаIбна гьуIрмат вухьа. Манбышди игитийвалис хаIдда кинобы къадсыр. Амма Советын оIлка дагъылмышхьаме, милициейни ишчершина гьуIрмат-урватыб абкIынна. XX – ъэсди асырни 90 сенбышее геллесын милцебы бандитаршиква са чуIтее вухьа. XXI асырее Россиейни гьуIкуматын вуккейкани сиясатын полициейни ишчершихъан ыIгьтибар хаIдхъау. ГьаIшде полицейскибышихъаб джамаъаIтни арайл' ахтына дараджа вобна. ОIлкайни, республикайни адни ишбышди ташкилатбышее гыргынбышиква янашеба йихъбышеб хаIбна заIгьмат гьааъа. Манбыше джона ыIмыр дагъамни санаъаIтыс къабсыр. Манчихъа ил'дяакы, манбыше санаъаIтыква багълыданан бордж гьеххааликва хъели водун. 1999 сенни август-сентябрьни вузаршее хаариджийни террористарше Дагъыстанылхъа гьуIджум гьавъуйнкъаI, милцебыше хаIбна кьаIгьраманийвалла гьаагу. Манбышди сабаранбыше Ватанниме джон джанбы кьурбанна гьуво. Манбышди аIрее мишлешелий МагьаIммадыр ыхьа. Манкъве террорист Шамил' Басаевни дестейквани Чобанмахеени вурушбышди санчее кьаIгьраманийваликва раIгьматыххъа аркIын. Манбышда игитийвалла ненкеджаб кIеливханас деш. «НУР» кIазетни редакциейн адни ишбышди ташкилаатбышее къуллух гьааъан йихъбы санаъаIтни байрамука табрикаъа. Джос мыIгькамын джан, ишбышее угъурбы аIрзаъа.

Яндекс.Метрика
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree