«Джегьил' пограничник»

29 Январь 2018
K2_ITEM_AUTHOR  Курбан Омаханов

Январьни 16-чил' Мишлешни йыIкьнекни мактабее  ачухын дарс  «Джегьил' пограничник» илгъечIу. Ман дарс ватанпарасын оIюн хьинне илгъечIу.

Дарс мактабни ОБЖ-йнни маъаIллиме ГьаIфиз Къубалыеве ыккы. Ачухни дарсеехъа мактабна директор Ислам Ибрагьимов, завуч ва мебын маъаIллимар абы. Манбышиле гъайре, дарсее иштыракаъас дёлесни погранзаставеенче эскерар хъобтIул. ГьаIфиз маъаIллимее цIебба дарсна метлеб ва манчин пIлан агъмишаъу. Гойне манкъвее пограничникни санаъаIтни гьаIкIеедын маIълумат гьуво. Дарсан ыккий оIюн хьинне адкIын. Ушахарше джон фыкырбы йишонаъу. МаъаIллиме шигыртаршилхъа мани санаъаIтыква багълыданан джурабаджур суалбы гьуво. Дарсеехъа абыйнбы шигыртаршини ацIаалиле ва маъаIллимни дарс ыккеккани методикайле разийба авху. ГьаIфиз маъаIллимее джуни дарсее джурабаджур хъаIдхъийн вардешбы, усылбы ишлемишау. Погранзаставеенче абыйни эскерарше джони къуллухыкен маIълумат гьуво. Шигыртаршин гьавас пограничникни санаъаIтылхъа гьаIракатеехъа адчу. Ушахарше манбышилхъа суалбы эскерийвал'ни гьаIкIеедын гьуво ва манбышин джаваббы къайиххьы. Дарсни аIхрее едигарыс саджигее шикыл'бы цIыцIау.
Гьел'бедти, маIгьадни дарсбыше мактабни шигыртаршина фагьам каамиляъа ва фыкыр хъобкуни йаIххъылхъа абадче. МаIгьдын дарсбы гьаммаше алгъагьас ыккан. ШакIле ацIан, гьаIшде хабарбы аIсас интернетеенче джегьилерше аляатIа. Мааъад югунчиле хаIдда писин хаIдхъаъа водун. Манчихъа гора, маIгьадни ачухни дарсбыше ушахаршикIле хъобкуни ыIмрени йаIххъын сент' гьагва.

Яндекс.Метрика
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree