Рамандина ваз йыIкьнеехъа гьибхьыр. Манчина гьуIрмат авхъуй исламни диныс ыIбадат гьаъани гыргыни инсанаршилхъа бирмишавъуна фарз вобна, ва мусурманаршина эн дилягбы, доъаIбы кьабыляъана ваз вобна. Рамандик инсанаршини аIреедын муIгьуббат саджигее манзикее гьаыйни кубарше, саджигее гьахувыйни сиварше уIтумаъа. Шукур Аллагьылхъа, гьаIшде дин гьаъани инсаныс мешат ачухда гьаъана дешда. Манчихъа гора, каамил’ни аIкIеелени, джан сагъни инсанее ыIбадат гьаъас ыккан.
Рамандини вуза динни гьаIкIеедын маджлисбы, мавлидбы алгъавгьуй, саджигеедын кубар гьауй, таIрмыгьеехъа сабый, ифтар джамаъаIтыква гьауй хаIдни суваабыс гьыIсабехьи. Мана сунна вобна. Рамандини вуза динни гьаIкIеедын маджлисбы, мавлидбы алгъавгьуй, саджигеедын кубар гьауй, таIрмыгьеехъа сабый, ифтар джамаъаIтыква гьауй хаIдни суваабыс гьыIсабехьи. Мана сунна вобна. Пейгъанбар МуIгьаммадни (с.аIл.в.) гьаIдисе эйгьен: « КьоIйре мусурманий сана-санкъука хъызаахы, хыл’-хылес гьуво горушмишивхьайнкъаI, манбы гьале сана-санкъуке къирагъламишивхьессе джад , манбышин гунагьбы гьойгъаланбы».АIхреени сенбышее исламын дин утIумаъасдимее ва ман джегьилершилхъа еймишаъасдимее цIаIхбышди хиваршини имамарше, кьома ЦIаIхни дерайни имамаыква Эл’дар гьаIджийква саджигее хаIбба иш, маджлисбы ыккы. Гьар сен йишда пейгъанбар едике ыхьайни вуза цIаIхбышди хиваршее мавлидбы хъаIдаххъа, ваIъазбы гьелен маджлисбы илгъечIи. АIхреени вахтал’ са югун аIдат аIреехъа хъады. Манаб сунна вобна. ЦIаIхбыше сивар аххъыйн джони тохумын , гогьарбышин сиваар гьихелес инсанар хъоотIал. ГьаIшде мана Аллагьыс кьабылёохьена иш гьалеб хаIбхъувхьа. Сивар гьихелес хивын джамаъаIт манзикехъа садайли. МанчикIле аIрабни мизел’ «ифтар» эйгьи. Гьайни вуза цIаIхни , мишлешни, гыл’мецIни , хушетни джамаъаIтбышин ифтарбы джони манзикбышее илгъечIу. ХаIнелин кубаар саджигее гьау, манбыше сивар ачмишау. Манзикбышди имамарше Джалалиддин гьаIджее, Сабир гьаIджее, АIсадуллагь гьаIджее ифтарыс сабыйни джамаъаIтбышис Кьуръанеенчен суурабы, аятбы хъаIдхъы, исламни динни, Пейгъанбарни (с.аIл.в.) ыIмрени гьаIкIеедын маIълумат гьуво, джегьилершис насигьаIтбы гьуво.
