Дагъыстанни миллетбышди Садибыйвалин йигъ

Сентябрьни 15-чил’ йишди республике Дагъыстанни миллетбышин Садибийвалин йигъ алгъайгьи. Ман Йигъ алгъагьасда кьарар 2010 сен илгъечIуйни  Дагъыстанни миллетбышди 3-ди съезде кьабылявъу.

 

Гьар сен, сентябрьни 15-чил’,  йишди республике Дагъыстанни миллетбышин Садибын йигъ алгъайгьи.  Ман Йигъ алгъайгьи 2011-ъсди сениле гидгъыл..  Байрамыхъад хаIдын таарых дехьейид, дагъыстанын миллетбы гьаммаше югни –писди вахтал’ санаб-саджигее вухьа. Гьар сен, сентябрьни 15-чил’,  йишди республике Дагъыстанни миллетбышин Садибын йигъ алгъайгьи.  Ман Йигъ алгъайгьи 2011-ъсди сениле гидгъыл..  Байрамыхъад хаIдын таарых дехьейид, дагъыстанын миллетбы гьаммаше югни –писди вахтал’ санаб-саджигее вухьа. ШакIле ацIан республике 30-ле агъаллан миллетбы ешемишехьи. Манбышди гьаарункъухъаб джона миз, джон таарых, джон адабият, джон маданият водун. Анджах манбышихъад са хасиятбы, акаран аIдатбы, гювъур- сугъоцый водун. Ватаныс къорхунанкъаI, манбы гьамбаше мислягьаIтее вохьи. Са миллетин уцIур , шениса миллетин водун; са миллетын шадлыгъ, шениса миллетын водун. Дагъыстанни миллетбышди таарыхе хаIдда гьаIдисабы ыхьа. Манбы гьаммаше саджигеехъа сабы къабни душманаршиква вурушмишивхьа, республикайна абыр, ламус, сифат  гьувааджы. Помпейн, Надир шахын, къошинбы дагъылмишау. Кавказыл’ НикIалайка аIлгьааIни даIвъэ садибба душманаршиква вурушмишивхьа. Манчиле гъайре дагъыстанлыбы медни локальный вурушбышее саджигеехъа сабы душманаршис джаваб хъуво. Мысаджад дагъыстанни миллетбышди аIрее сана-санкъукан чIакIын къалма-къалбы ыхьа деш. Гьел’бедти, аIрее ледж адчес вуккананбы оIгийлиб, гьаIшдеб вобунбы. Анджах, йишди меега йишди архабыше, агъсаххъаларше, баба-дидершин гьувойн ваъаIзбы, тербие  шас гыргыни кьаанунбышиле агъалла водунбы. Манбыше ши хъобтIулыйнбы Дагъыстанее суIл’гь гьуваджес ва мугьуIббат утIумаъас. Къийна республике ман Садибын йигъ алгъагьас гуджнаква алгъагьас коронавирусни чIырвалин имкан гьооли деш. Анджах манчихъа ил’дяакы, республикеайни шагьарбышее,  районбышее,  мани байрамыс  къадсырыйн  иджласбы, маджлисбы ва джурабаджур йигъынджагъбы илгъечIес. Иджласее республикайни Правительсвайни къуллухчерше, министирарше ва медни ташкилатбышди ишчерше иштыракбы гьаъас.Садибни йигъыс къассырыйн аIсас йигъынджагъбы театрбышди утагъбышее,  майдамбышее илгъечIес. Мани маджлисее маданиятни министерствайни фольклорный дестебыше, дагъыстанни эстрадайни артистарше джон  маъаIлийбы, миллетбышин мыкIаара, палтарбы, гьагуйбы (выставкабы)   гьагвас. Манчиле гъайре концертбы, йигъынджагъбы, маджлисбы, гьагуйбы «Дом дружбайни»( «Достаршини хааъад»), Р. Гьамзатовни дойил’ни  Миллетни китабханайни утагъбышее , театрбышди     майданбышее илгъечIес.   ХъаIдхъийн ташкилатбыд къирагъыл’ ахвас деш. Сентябрьни вуза мактаббышее,лицейбышее, колледжбышее, техникумбышее, институтбышее, университетбыше джурабаджур  мани йигъыс къассырыйн йигъынджагъбы ва конкурсбы илгъечIес. 15 сентябрыл’ гыргыни республике джурабаджур ярмакабы, спортын оIюнбы, горушбы илгъечIес.