Дора фыкырбы темизда аххъас

Илгъечlуйни уlл’джума  йихъбышди ыlмырее гееб девхьасда иш вухьа. Республикайни силистни ташкилатни ишчерше Дагъыстанни  Халкьни Маджлисна депутат Фикрет Раджабов аххъы. Манчика багълыда къийна джурабаджурайни соцсетьбышее хаlдда гьаlкь -нягьаlкь дешин ихтилетбы ойкlан.

 

Фикрет Раджабов  Дагъыстанее  ва къырагъыл’ доюкана сиясатчий ворна. Мана республикайни Халкьни Маджлисе ишлемишехьена йицlыдле сен водун. Мани сенбышее манкъве садджу республикайсджад деш, йихъбышдимее  хаlдда югун гьаъас чалышмишхьа. Къийнийна йизда макъаала манкъве гьавъуйни ишбышике деш, манкъуни инсанийвал’ни гьаlкlеена вобна. Фикрет Раджабов  Дагъыстанее  ва къырагъыл’ доюкана сиясатчий ворна. Мана республикайни Халкьни Маджлисе ишлемишехьена йицlыдле сен водун. Мани сенбышее манкъве садджу республикайсджад деш, йихъбышдимее  хаlдда югун гьаъас чалышмишхьа. Къийнийна йизда макъаала манкъве гьавъуйни ишбышике деш, манкъуни инсанийвал’ни гьаlкlеена вобна. Мана ахтыйни къуллухылхъа джуни ацlаалис сикlы хъары. Манкъве Англиейнийий Америкайни аали мактаббышее хъаlдхъы ааlлимна дараджа алябтlу. Джусда йаlхъ вуджее ачмишавъу.  Мани карее манкъус шавааджад кумаг гьау деш. Хаlдданани дагъамийвал’бышике илгъечlуйле хъийгъа, джуни мурадылхъа гьирхьыл’.Ф. Раджабов республикее гьыlрматыквана сиясатчий ворна. Манкъуни баджарыхусыс, вуккейкани ишис республикайни регьберарше гьаммаше ахтына кьиймат гьуво. Халкьни Маджлисее йихъбышди миллетын до гьаммаше ахтыда гьуваджес чалышмишхьа, манбышин геледжагъ юг хъаъасдимее джуке ахаlн ишбы ыккекка ыхьа. Гойне хьинне, джамаъаlтбышди югнийий писди йигъыл’ гьаммаше манбышика саджигее ыхьа. Депутатна сечмишхьайле хъийгъа, Ф. Раджабовее республикайнимее, йихъбышдимее хаlдда хайирысын ищбы къаджы. Манбы гьаlшде агъмишаъас ыккан деш, няъас увгьее халкъыкlле ман ишбы югда ацlа водунбы. Геллесын ишбы хиваршее гудмишоохьени инсанаршин ешайиш юг хъаъасын, йихъбышин хивар гьуваджесын мисалабы ыхьа.  Гьайифки, къийна йишди аlрайл’, манкъве гьавъуйни югваллайс гьаlкь-наягьаlкь кьиймат гьооленбыб  вобунбы. Сабаранбыше маlъна дешди ихтилетбышис йаlхъ гьооли. Интернете сайфабышее манкъуни доюка багълыда лайикь дешин ихтилетбы еймишаъас чалышмишоохье. Манбышике хъидгlын гьаъан: «Няаъасый шу гьаманмега азгъунба?  Няъасне вушин йикlбы мыкьыlка гяцlы?!  Фикрет Раджабов сабаранбыше агъмишаъана хьинена  мыссаджар  ыхьа деш. Манкъун гыргын ихтилет акьвал’ ыхьа. Манкъве гьаммаше водун чини доюл’ увгьо.  Шу нимее манкъуни доюс кlарна кlуда гивхьес  чалышмишувхьейиб, шоке ман ахаlс деш.  Миллетыкlле ман нягьарна инсан ыхьай лап югда ацlа. Дора гьаlкь’-нягьаlкьын ихтилетбыйий фитнабы гьидяаъас. Чалышмишувхьес  саджигеейхъа сабы санаб вухьес. Манкъуни ишбышис гыргынбыше хьинне ахтына кьиймат гьевлес.          Йишда ненаджар силистчий дешда.  Силистчер мебынбы вобунбы. Манкъулхъа гийхьен тахсирбыд нягьаlкьынбыд ихьес мумкум вобна. Захъаб умуд вобна, мана делесийвалей къайиккасда.   Джуни къуллухылхъа сакlаласда.  Джамаъаlтнимее гьаъан ишбы аlхырейхъамее быкыраъасынбы.