Июнни садъэсди йигъыл’ быкырни дюнйейл’ ушахар къорамишааъан йигъ алгъайгьи. Мани йигъыхъад йиссейн таарых дехьеейид, ыIмыреехъа гьаIракатыква эчIу.

 

ОIгийл’, дагъамни девырыхъа илдяакы, гьар хизанее 6-10 ушахний эйхьен.  Инсанаршини фыкреехъа мысаджад хъады деш —    « Гьайинбы нягьаIбне къелилхъа хъааъас?».  Гьел’бедти , фыкыррамишивхьесыб лазымба дешобунбы. Гьар ушахна кьисмат джука вобна. Мункум вобна, йицIни ушахыке са маIгьарна хъигъечIес , манкъвее ваIш инсаныс къык гьелес. Анджах гьаIшде йишин хизанбыд урусаршини, авропайни оIл’чибышилхъа илгъечIу: гьар хизанее 1-2 ушах воохьи.  Инсанар хъаIвайкьанабы, хаIбба ушахар вухьее, гьиджонеехан манбышин геледжагъ ихьес. Авхуйни Россиейни субъектбышихъа иляаканкъаI, Дагъыстанее мана баракат мейиб вобна. АцIа деш мана йишди эбее вухьай, дешхьее «материнский капиталын» гьаIракатеехъа абчый.  ОIгийл’, дагъамни девырыхъа илдяакы, гьар хизанее 6-10 ушахний эйхьен.  Инсанаршини фыкреехъа мысаджад хъады деш —    « Гьайинбы нягьаIбне къелилхъа хъааъас?».  Гьел’бедти , фыкыррамишивхьесыб лазымба дешобунбы. Гьар ушахна кьисмат джука вобна. Мункум вобна, йицIни ушахыке са маIгьарна хъигъечIес , манкъвее ваIш инсаныс къык гьелес. Анджах гьаIшде йишин хизанбыд урусаршини, авропайни оIл’чибышилхъа илгъечIу: гьар хизанее 1-2 ушах воохьи.  Инсанар хъаIвайкьанабы, хаIбба ушахар вухьее, гьиджонеехан манбышин геледжагъ ихьес. Авхуйни Россиейни субъектбышихъа иляаканкъаI, Дагъыстанее мана баракат мейиб вобна. АцIа деш мана йишди эбее вухьай, дешхьее «материнский капиталын» гьаIракатеехъа абчый.  Къийна ушах эн къорамишдехьайн тайфа водун. Гьале манкъуна аIкIел’ камиливхьа дешобна. Нени йаIххъылхъайи чIакIынбыше мана гявгьу, мани йаIххъыл’ мана ал’гьааIсда. Ушахыке кар дюгыляъас эйхьен дешки. Къийна шакIле дюнйел’ни ушахаршина вазият гьар сураке къооджена. Нимееган мыссыба, етимба авхуйн, чIырын, кутювхьайн, йаIххъыле гъадарувхьайн ушахарий. ХаIдданани джигее манчин тахсиркарар чIакIынбы вобунбы. Ушахар са йигъыл’ деш къорамишааъас вуккан, манбы йигъыс къорамишааъас вуккан. Ушахни къийнийни йигъыке, гьоIкуматын геледжагъ аIслыда водун.Йишди республикеейид мани йигъыс къассырыйн хаIдда йигъынджагъбы илгъечIе. Районбышее, шагьарбышее ушахаршиква багълыданан акциябы, конкурсбы, майдамбы илгъечIе..Республикайн, шагьарбышин, районбышин, хиваршин чlакlын къуллухчер чIырын, етимар, инвалид ушахар ешемишоохьени хайбышеехъа, марказбышеехъа, больницабишеехъа гьавайкIан. Мааъаб ешемишоохьени ушахаршис пайбы ыккекка,  манбышди дагъамийвал’бышиква танышоохье, гьар сураке кумагбы гьеле.МагьаIчкъалайни, Дербентыни, Буйнакскни, Къызларни ва медни шагьарбышди  паркбышее, майдамбышее, театырбышее ушахаршис концертбы, тамашебыбы гьагва. Ушахарше цIыцIауйни шикыл’бышин, одкIунни шечIбышин, сочинениебышин конкурсбы илгъечIе. Мааъад иштырак гьауйнбишис грамотабы, пайис китаббы гьели. «НУР» кlазетни редакциейн гыргыни дюнйейл’ни ушахаршис садджу югун аlрзуламишаъа. Гьар ушахыхъар декий ед’ , хав-уджагъ, вукlлел’ ооъад лагарын хаlйбы ихьенбы!