ОIтмишхьайни уIлджумее «Нур» кIазетна хааIрна редактор Байрам АIбдуллаев Дагъыстанни педогожи университетни ректорыква Нариман Асваровука горушмишхьа.`

 Мани горушее, Дагъыстана ХаIрна Сергей Меликовни тапшырыгъыква гора? университетни маIгьалле дагъыстанни миллетбышин майданбы (подворья) ачмиш гьауй ва маад цIаIхбышин майдан къурмиш гьуйни гьаIкIей гаф вухьа.Мани горушее, Дагъыстана ХаIрна Сергей Меликовни тапшырыгъыква гора? университетни маIгьалле дагъыстанни миллетбышин майданбы (подворья) ачмиш гьауй ва маад цIаIхбышин майдан къурмиш гьуйни гьаIкIей гаф вухьа.Байрам АIбдуллаеве, йишди миллетис аидни майдане, цIаIхни манзикна ва мыралийна гьаIйкал гивхьесва увгьо, няъас увгьое ман  Авропайл’ цIедда къурмишхьайн университет ыхьа. Университетни хааIрынкъуни увгьойхъа гора, мана гееб югна мислягьаIт воб ва республикайни чIакIынбышис ман кар къабыл’ ихьесынва увгьо. Къийнийни йыгъыл’ мааъад республикайни хаIдданани районбыше джон майданмы къурмиш гьаъа водонбы. Шинад гьаIракат гьаъас ыккан гьаcыре мани джигее йишин майдамыд ихьеджен. Ректорука горуш ихьайле хъийгъа, йишди миллетин майдам ихьесди джигейхъа Б. АIбдуллаевыка педогожи университетни географиейни факультетна хааIрна  Шарафудин АIлиев, ЦIаIхни хивни фондна хааIрна Фаик АIзизов, архитектор Тамерлан БаIгъаров гьабкIын джигайл’ нягьаIбий мана гьаIйкал гивхьесда  мислаIгьат къавджу.  -ИншаАллагь ман ишбы йишди бизнесменаршди кумагбышиква къаджесынбы ва умуд вобна ши дагъыстанни миллетбишди майданыл’ ахтыни дараджей вухьес. Майдам ачмиш гьаъанкъаI, гьоIкматын минитстрар ва республикайн чIакIынбы аблесва, — Б. АIбдуллаеве  увгьо.