КоIдле сен водун дюнйел’ хъигъооч1ена ч1ырвалла- коронавирус салат1увхьайн. Манчин яра, кок Китайле гидгъыл. Сабара вахтале мана быкырни дюнйелхъа еймишивхьа. Быкырын о1лкабы карантиныква утIумхьа. Гьа1шде манчиквана мубариза вуккекка вобна. Анджах гьалекийс манчин о1ги быкырда къац1акIванас а1хы деш. Гьелбедти, натийджа манке вухьес, агар инасарше карантинын усулбы гьуваджее ва темизийвалла гьуваадже.
Инсанарше аIхреени вахталхъамее инам гьаъа ыхьа деш, ман чIырвалла джулхъа, джуни хизанылхъа гьивийхьарва. ГьаIшде къаджейнки, мана къара хабар гьаIкIена вухьай. Къийнаб Россиейл’ мана чIырвала гьаIракатее вобна. Инсанарше аIхреени вахталхъамее инам гьаъа ыхьа деш, ман чIырвалла джулхъа, джуни хизанылхъа гьивийхьарва. ГьаIшде къаджейнки, мана къара хабар гьаIкIена вухьай. Къийнаб Россиейл’ мана чIырвала гьаIракатее вобна. Дагъыстанылеб мани хъигъоочIени азарын хыл’ алябатIа деш Къийна оIбкабы ёхламишаъасди меега хусусы поликлиникабышее очередьбы иледзур водунбы, КТ гьауй 5-6 аазырыс водун. ДжамаъаIтыхъад гыргынкъухъад деш водунбы маIгьдын имканбы. ХаIббанан инсанарше, больницабышее джигабы дехьайхъа гора, маалиджебы хайбышее гьаъа. Умуд садджу Аллагьылхъа авху вобна. Дагъамна вазият республикайни районбышее мейиб вобна. Йигъ–йигъыле мана джегьиллемишоохьена. ГьаIшде мани чIирывалике джегьилер, ушахар чыIрыхъааъа гибгъыл. Йишин, Рутул район, марказыке аIкьанада ыхьеейид, майиб чIырыхъавъуйнбы, гьабтIуйнбы вухьайнбы. Сувал’ни маIгалыл манчике чырыхъувхьа гьабтIуйнбыб вухьайнбы.Гьел’бедти коронавирусыкена мубариза ва профилактик ишбы йигъыс Сувал’ни маIгалыл’ни больнице, ФАП-ше, медпунктбыше ыккекка водунбы. Вахтале – вахталхъа дохтурарше инсанаршис мислягьатбы гьели, нягьаIбий къорамишивхьес, нягьаIдый профилактик ишбы ыккейс. Инсанаршед манбышилхъа кIыры гяххъан. Къийна мани йыIкьни хъигъоочIени чIырвалика мубариза вуккеканбышди гьийбни джаргее дохтурар вобунбы. Йишда ыIмыр, Аллагьыле хъийгъа, манбышди ишни гьаIракатыке, къулайке аIслыба. Инсанар хъувабкаъасдимеега , сасса вахтал’, джо чIыры хъейбхьа гьабатIа. Садджу Дагъыстанее джар 30 аваркьыл’на дохтур хъикIу. Манбышихъад хаIм-йигъ дешин. УIл’джумбына, вазбына хизанбы къеджи деш. ВукIул’ къалхымишааъасда вахт дешда.Мани дохтураршини аIрее цIаIхбыб вобунбы. Къийна манбыше джон Гипократын кIын’ быкыраъа водун. Имкан вухьамее, манбыше йишди инсанаршис кумаг, мислягьатбы гьели. Садджу дохтурар джаб деш, манбышди аIрее фельдшерар, медсестрабы, медбратар вобунбы. Манбы хиваршее, районе, шагьарбышее ишлемишоохьи. Къийна ши манбы джурааъас вуккан деш. Гыргыни йишди дохтурше джон бордж быкыраъа водун. Манбышди аIрее джегьил’ дохтурарыб вобунбы. Ши доюн-доюн манбы алябаIххъа деш, няъас увгье сабарабы оокIанасынбы, сабарабы кIеливханаъасынбы. Манке ман терсинан кар ихьес. Анджах аIсас мани азарын оIги кьацIадкIуний инсанаршике, джоке аIслыда. Ман яра хъувадкаъасдимее садибын иммунитет ыхккан, йаIъни маныд агар 80% агъаллани инсанарше вакцина гьавъэ ихьес. Гьалекийс мана вааджибна иш гьааъас инсанар телесмишоохьи деш.Манчина сабабыб джурабаджур интернете къийххьен хабарбы водунбы. Инсар чеккынмышоохьенбы. Анджагъ дохтураршини, аааIлимаршини увгьойква вакцина гьавъуй писин кар дешодун. Мана джан хастаалике гьуваджена перда вобна. Кьийна хиваршеедын, районбышеедын, шагьарбышеедын горханабы мани чIырывалике гьаIбтуйни някьбышика йигъ-йигъыле чIакы хъехьи водунбы. Ши манчин субутчера вобунбы. Мани чырвалин хьулени инсаннане ыIмыр алебтIу. Йигъыс джурабаджур писин хабарбы манчини гьаIкIедын къийхьи. Йишда гьаарна манчика растына хъарына. Йичибы, чоджар, цIерыйке ши чIирвалике гьувааджена Аллагь ворна, гойнер дохтур. Дохтурыр Аллагьна эльчий ворна. Агар шохъад медын йыIкьын хастал’бы дешхьее, шу вакцина гьавъу, мани чIырвалике къорамишивхье.
