Понедельник, 18 марта 2019, 22:31

Войдите в свой аккаунт

Пользователь
Пароль
Запомнить меня

А. Алмазов: «Чалышмишхьесда тезе маlънийбышиква халкь шадаъас»

Автор Понедельник, 18 февраля 2019, 14:56 32
А. Алмазов: «Чалышмишхьесда тезе маlънийбышиква халкь шадаъас»
||| ||| |||

Аlхырейни сенбышее йихъбышди джаванаршини арайл' гьекlуйлхъан аlшкь хаlдхъыхьа. Къийна манбыше джони уфтанни сесыка йишди маданиятыс кьувва гьооли. Джуни уфтанни сесеква йишди миллетын до ахты хъаъанбышда сайир сувагылий Анар Алмазов ворна. 

 - Анар, хошгелди гъу йишди миллетыс аlзизни «Нур» кlазетни редакциейхъа. Шахъад арыйни мигьманыке хъидгlынбы гьаъан аlдат водун. Азербайджан воохьени йихъбышике шас сикlыл'на хабар гьевле

-Шунаб сагъба гьааъанбы. Хъидгlынбы гьауй геед югун аlдат водун. Маlгьдын аlдат засыд кьабылехьен, няъас увгьее мани саягъыл' йихъбыше сана-санкъулхъана гьуlрмат гьаагва. Къийна йишди Сувагыл'ни хивейиб, мани аlдатыс ахтына кьиймат гьооли. Гимахъа сабыйнкъаl, йаlххъаl растына хъабыйнкъаl гаф хъидгlынбышиле гивийгъал. Гала воохьени йихъбышда вазиятыб писба дешобна. Сагъваллабы водунбы. Дагъыстанее хьинне, шасанаб гьаарна джони ишбышил' вобунбы. Шавухъабый гьокуlматна иш, мана мааъар чалышмышехьи. Тасарруфат гьувадженбыше иш гивгъаласдимее юххьан гозетяъа. Гыргына джони джигайл' сагъба гьааъанбы. Аlранеебни йихъбышике декканан хабарбы дешинбы. Манбышди гыргынкъве шос хаlдын саламбы къахову. 
-Магьаlчкъалейхъа гьаlмарджарне ары, дешхьее ишбыний?
-Кьыlдмина сафарейхъа хъигъечlйуна макъсад йизди хъаlдхъыйка багълыда. Зы Дагъыстанни халкьни тасарруфатни универститетна кьоlдъэсди курсна телеба ворна. Мааъад зы бухгалтерин санаъаlт алятlа водун. Къийна гуджнада сессиебы хъели водунбы. Вузани аlхырейхъамее Магьаlчкъалее ихьес. Манчиле хъийгъа Сувагыл'хъа сакlалас. Мааъад хаlдда ишбы водунбы. Ниятее са-кьоlбле тезе ед'ни мизелин маlънийбы одкlуний водун. Манчин оранжировкабы гьаlзирда водунбы. Навруз байрамбышил' йизын халкь тезе маlънийбышика шадаъас. Хаlбба вахт вобна тезе маlънийбы идейкlанан. Манбыше шаке гьаммаше уфтанын-уфтанын маlънийбы гозетяъа. 
- Тезе маlънийбы дехьайхъад сабаббы ихьес?

- Йигъын ихтилет гьаlкlен водун. Зы аlхыреени вахтал' «Азербайджанын сес'» донани конкурсе иштырак гьаъа. Мааъар зы сурафиналейхъамее гьирхьыл'на. Манчиле агъаллани конкурсбышее иштыракаъас зас кьисмат дехьайн.
- Мани карее зы йигъна хаlрна гьаваскар ыхьа. Азербайджаныле къырагъыл' сесбы гьелес иджаза дехьайхъа гора, шаке гьичудджад гьаъас аlхы деш.
- Манчике зы йикl дена хъыхьа деш, няъас увгье, конкурс геед хаlдын ыхьа. Мааъад кьоlдваlщелхъа авабкьурни инсаее иштыракау. Манбышин сай кlыл' хъехьи-хъехьи къайре инсан аху. Зынар манбышди джаргений. Сес'бы дехьайхъа гора, заке гьиччудджад гьаъас аlхы деш. Чалышмишхьесда геледжагъыл' мер конкурсее иштиракаъас.
-Анар, дора сикlыл'на гаф йигъни репертуарейни маlънийбышди гьаlкее гьааъас. Вахъад едни мизелин маlънийбы хаlдда дешод? Манчина сабаб гьиджооне?
- Ед'ни мизелин маlънийбы гьаъанбышди аlрайл' зы энки джаван ворна. Маlънийбы гьаъа гиргъыл'на хаlдда сенбыд дешинбы. Захъад хаlдда азербайджанни мизелин маlънийбы водунбы. Сабара сенбы водунбы, зы гуджнака ед'ни мизелин маlънийбы гьаъан. Чалышмишехьена къийна манчин сай хаlдхъаъас
- Къийна хаlббанани шааирарше джоке иджааза дена джони джуваббышикван маlънийбы гьаъава наразийвалла агмышааъа. Манчини гьаlкlее йигъна фыкыр ваацlавхьес вуккан?
- Манбы гьакьлыба вобунбы. Ненаджаб иш иджааза дена гьааъас вуккан деш. Къийнийни йигъыл' йишди миллетыхъад шааирарый гьоокlанбы тlубаршика гьыlсабаъаас воохьи. Манбышди аlрайл' доствалла вухьес вуккан. Сана-санкъуни хатрек' хъоотlас лазымба деш. Йизди маlънийбышис джуваббы шаир Аl. Улуцlаlхее ойкlан. Зы гьаммаше манкъука мыlслягьатука иш къоодже. Авхуйнбыб маlгьаlб вухьее, зы садджу шадра ихьес. Хылехъа алябтlуна иш гьаммаше мыlслягьатыква гьааъас вуккан. Манке мысаджад наразийвалла вухьес деш.
- Шакlле гъу концертбышее, даватбышее манмегар хаlрра къеджи деш. Няъасне? 
-Концертбышейхъа хъортlулыйнкъаl, гьайкlанна. Аlхырейни вахтал' зы чалышмишехьена джурабаджура конкурсбышее иштыракаъас. Магьаlчкъалайни шагьарее хаlдын концерт гьагуй захъаб мураад вобна. Амма закlле не шагьар, нейиб гьиняаъаб воохьен инсанар югба ваацlа деш. Мани карее зас кумаг гьелена инсан растына хъарее, маныд зы гьаъасын. 
- Анар, вахъаб Азербайджанее хьинне, Дагъыстанейиб хаlбба гьаваскарар вобунбы. Къийна вахъаб манбышилхъан джанейдын джуваббы эгьесын имкан вобна.

- Манбышди гыргынбышис джанана сагъвала аlрзааъа. Зы чалышмишхьесда гьинчиле хъийгъаб шу тезе маlънийбышиква шадааъас!

Оцените материал
(0 голосов)
Последнее изменение Понедельник, 18 февраля 2019 15:06

Читайте также

Глава Дагестана провел заседания Совета Безопасности республики

март 18, 2019 Политика

...................................................................................................

В одном из муниципальных районов Дагестана сменился глава

март 18, 2019 Политика

...................................................................................................

Правительство Дагестана берет под контроль создание рабочих мест

март 18, 2019 Экономика

...................................................................................................

Суд признал махачкалинский ПАТП №2 банкротом

март 18, 2019 Общество

...................................................................................................

В Кизляре прошел семинар по профилактике детского дорожного травматизм…

март 18, 2019 Общество

...................................................................................................

На севере Дагестана в результате хлопка газа пострадали три человека

март 18, 2019 Происшествия

...................................................................................................

В дагестанском Каспийске лихач протаранил несколько машин ДПС

март 18, 2019 Происшествия

...................................................................................................

Дагестанка победила в конкурсе «Открой свое сердце»

март 18, 2019 Общество

...................................................................................................

Глава Дагестана обратился к работникам сферы бытового обслуживания и…

март 17, 2019 Политика

...................................................................................................

Глава Дагестана выступит с Посланием Народному Собранию РД

март 16, 2019 Видео

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru