Декабрьни къаючIадыл’ йишди миллетна доюкана спортсмен Темирхан ГьаIсанов Санкт- Петербургъанче къыIдимийни кIанийкулбышис Дагъыстанеехъа самолетыква хъары. Мана аэропортыл’ джуни гогьарбыше, гьамазарше къаршламишаъу.
Анджах мани карее хаIдын саIгьв ши «Нур» кIазетын, ЦНКА-йн, райони къуллухчерше, ДР-ни Минспортын, йишди миллетни къуллухчерше къайиккы. Мана шаке чини къайдайл’ къарышламишаъас даIхына. Йишдимее Темирхан олимпийский чемпионылер гьеххара ворна. ШакIле гьаммаше къирагъылинбы къоодженбы, анджах йишинбы ваацIохьи деш. ДР-ни Минспортни пресс-къуллухыл’ йишди эл’на журналистыр ворна. Шени месалее эйгьен хьинне: « Ши йишда гома хаIбхъидявъе, манчике дама вухьес деш. АIрсее гьауй хаIдын кар водун . Ши йишин кIазет хъаIдаххъанбышис йикIел’ хъаляъа :Анджах мани карее хаIдын саIгьв ши «Нур» кIазетын, ЦНКА-йн, райони къуллухчерше, ДР-ни Минспортын, йишди миллетни къуллухчерше къайиккы. Мана шаке чини къайдайл’ къарышламишаъас даIхына. Йишдимее Темирхан олимпийский чемпионылер гьеххара ворна. ШакIле гьаммаше къирагъылинбы къоодженбы, анджах йишинбы ваацIохьи деш. ДР-ни Минспортни пресс-къуллухыл’ йишди эл’на журналистыр ворна. Шени месалее эйгьен хьинне: « Ши йишда гома хаIбхъидявъе, манчике дама вухьес деш. АIрсее гьауй хаIдын кар водун . Ши йишин кIазет хъаIдаххъанбышис йикIел’ хъаляъа :
Ноябрь вузани 11- 13 йигъбышее МаскIавни шагьарее, Ирина Винер -Усмановайни гимнастикайни бинаал’ хылебпышишиква сачахаранбышин (по рукопашному бою) Дюнйейн кубок илгъечIу. Мани ахтыйни дараджанани спортни оIюнее йишди миллетни джегьилее Темирхан ГьаIсанове гьаы. Манкъвее мааъад иштыракджад деш, мана гъамхьана.
Мактаб таамауйле хъийгъа Темирхан ГьаIсанов хъаIдхъаIс Санкт-Петербургни Военный институтни физультурайни факультетехъа иккечIу. ГьаIшде мана мани институтна 3 курсна теляба ворна. Мааъад хъаIдаххъанкъа гьалер спортыква гуджнаква маIшкьулехьи гиргъыл’. Манкъвее Россиейни спортни оIюнбышди чемпионатбышее иштырак гьау.
Темирхан кIыл’ра-кIыл’ра спортни пелякканбышиле оохъа аIлхъааI ворна. Тренераршеб манкъулхъа хаIбна умуд ва ыIгьтибар гьаъа . Ман кар МаскIав илгъечIуйни хылебпышишиква сачахаранбышди (по рукопашному бою) Дюнйейн кубокын тасдикьаъа.
Гьайни элейс Темирхан 75 чекийква сачархыл’. Мана финалеехъа узбекстанни спортсменыква сачархыл’. Жюрийни гьаIллауйква Темирхан мааъар гъамхьана. Т.Гьасановын тренерар Сослан Джалиловый Никлоай Климов вобунбы. Гьел’бедти , манкъуни гъамхьайе, тренерашина хаIбна заIгьматыб вобна. Дюнйейни кубокни турнире 37 оIлкайле абыйни 300 спортсмене иштырак гьаы. Финал гъамхьайка таамхьайле хъийгъа Темирханее Россиейн байдах алеетIу ва гимн хъаIбхъы. Т. ГьаIсановыс Дюнйейн кубок гьувы. Манкъвее спортни устадна дераджа алебтIу. Манчиле гъайре, манкъус пылыкван конверт гьуво. ГьаIшде манкъуна йаIхъ дюнйейни чемпионатеехъа ва Олипиадеехъана , Ин ша Аллагь, вухьес . Темирхан ГьаIсановыс манчина чемпион ыхьай ши аIрзуламишаъа. ЦIаIхбышин миллет манкъуле гуянмишехьен!Гьайни делесийвале, ши манкъуква, иншааллагь горушмишивхьесынбы. Манке ши Темирханыке хаIдын интервью алеетIас.
