Ши COVID-19 къорамшебхьес вуккан

Къийна дюнейл’ йишди гьоIкуматыл’ ва Дагъыстане пандемиzйкена вазият дагъамба вобна ва манчин инсанаршис диндж гьели деш. Манчихъа гора? ши мани чIырывалике къорамишувхьес вуккан ва аIгьдият гьааъс вуккан.

 

Къийнаб йишди аIрей мани коронавирус  донани  чIырывалилхъа иням гьидяъан инсанар авху вобунбы. МанбышикIле джони гьихъийалла чIыры хъувхьайнбы, болницейхъа гябкIуйинбы ва манчике гьбтIуйинбы къоoджи деш.

Йишди Рутулни районе, Сувал’ни маIгьалыл, Бабаюртни бинабишил’ни зонайилни хиварше магьаIбынбы кIылба деш вухьа ва мебыб вобунмы, амма ши аIгьдият гьааъас чалышмишоохьи деш. 

Хиваршей хаIббанамбыше начахувхьамей эйгьен мана грипп вобна ва са-къоIни йыгъыле оIтмишувхьа аIлаIгьасда. Амма йыгъ-йыгъыле вазият дагъамоохьена, гойнер инсан болницейхъа гехьа.

Дохтураршиди увхьойка манчин оIги садджу вакцинайн алятlас ва мана вахтал’ гьааъас вуккан.  Къийнийни йигъыл’ вакцина гьавъуйнбышди аlрайл’ кьомана джига гьоIкуматни ишил’ ишлемшоохьенбыше авхъааххъа вобна: дохтурарше, маъаlллимарше. Амма авхуйни инсанарше манчис эксина йюшонааъа ва эйгьен манчике хайир дешин. 

Рутулни районни болницайни хааIрынкъуни увгьойка, къийна районе 30  гьирхьылна коронавирусыке чIырына инсан ворна. Джон сурабы районни больницайни госпитале къалябкIу вобонбы. Манбышис лазымын маалидже гьаъа водун. Манкъуни увгьойка районни амбулаториябыше, ФАП-ше лазымын дарманбы ва вакцинабы вахтале-вахталхъа къекка водунбы.

ОIтмишхьайни сен районни сувал’ни ва Бабаюрдни зонайл’ни сабара амбулаториебыше йишди кIазетын ишчеер вухьа ва  вазиятыкdа танышебхьайнбы.

Эгьес эйхьи? аIхрейни вахтал’ гьаIкьийкьаIтда махъа кумаг гьели вод. 

Умуд вобна? йишди хиваршее COVID-19 чIырынбышин  гьыIсаб хаIдхъихьес деш, инсанарше санитар нормабы гоозетяаъасынбы, вахтал’ вакцина гьааъасда ва джон, гойнед джони делесынбышда сагъламийвалла гоозетяаъасда.