Войдите в свой аккаунт

Пользователь
Пароль
Запомнить меня

ГьоIкумат гьаIракатеехъа джегьилерше адаччи

Автор Кьурбан Омаханов Пятница, 28 июня 2019, 13:01 290
ГьоIкумат гьаIракатеехъа джегьилерше адаччи
||| ||| |||

Гьар сен 27-ъэсди июнил’ Россиейл’ джегьилершис къассырийн йигъ алгъайгьиМани ыlмырни оlл’чеехъа 16-30 ешеебын инсанар гябакlа. Манбышди аlреейиб хаlббананбы телябабы вобунбы.

 Оlлкайн экономика, адын ва къадын сиясат, маданият, хъаlдхъий, хивын тасарруфат гьаlракатеехъа абадчена гудж – джегьилер вобунбы. Агар гьо1куматын къийхъийн йигъ шадын ва болун ихьес ыкканхьее, манке джегьилершикlле ачухна ва хъобкуна йаlхъ гьаагвас вуккан; манбишыквана миз тlабалааъас вуккан.Оlлкайн экономика, адын ва къадын сиясат, маданият, хъаlдхъий, хивын тасарруфат гьаlракатеехъа абадчена гудж – джегьилер вобунбы. Агар гьо1куматын къийхъийн йигъ шадын ва болун ихьес ыкканхьее, манке джегьилершикlле ачухна ва хъобкуна йаlхъ гьаагвас вуккан; манбишыквана миз тlабалааъас вуккан.Йишди гьоlкуматыл' Дагъыстан эн джегьилер хаlббанана республика вобна, гьамыб эн хаlбба джегьилер джони оlлумыке гьидябатlана ва джегьилершис иш дешда республика вобна. Мункум вобна, мани йизди фыкырыква хаlббананбы раздевхьес, анджах ман гьаlкlен ихтелет' водун.Йишонааъас ишбышди ва къуллухбышди гьаlкlее. Иш, ыlмыр гьаlракатеехъа абаччен лышан водун. Санаъаlт сечмишаъассе гьихъа, гьаарункъукlле джун гьаlракатбы ацlахьес ыккан.Къийна ишилхъа эчlесдиме, къуллухылхъа илгъечlесдимеега, не югун «калле», не югна дайий, нейид «кокун джиб» ыккан. Цlеббыйна йаlхъ текасейракни джегьилис кьисматоохьи. Иш ваацlанкъус оlгеехъа ааlсда йаlхъ дешда. Оlгее чlакlын къаебы илёдзыр водунбы. Къийна ушах бахчейле гидгъыл, чlакlни ташкилатбышехъамее рушватын, коррупциейн манбы алищу водунбы. Мебна чараа гьиняа дешда. Инсанни фыкреехъа хъайли деш, яныл' джуле гьаlракатыканбы, баджарагъуканбы, гуджнаканбы воохьива. Мисала вобна: «Къуллухыле бадалааъас дёохьенбы, воохьенбы дешки». Гьоlкуматна иш джуни «деккинчилхъа» сивийкlал. Агар вахтале вахталхъа, «джига къуlмаъабкlаъассе», къуллухчер бадалавъээ, бел'ки сыкlылда коррупциейн оlги даянмишаъас аlха.Гьаар инсане джун яшайиш ыlмрени аlхреехъаме лайикьука ыккеес ыккан. Манкъухъад камын-кесирын ыхьес ыккан деш. Кьаlсхъыхьа ишлемишхьес дяхаlни инсаныс гьоlкуматын гыргын шарааитбы яратмишаъас ыккан. Гыргына мани ешеехъа, Иншааллагь, гьихьарасда. Кьаlсинбышда гьуlрмат гьид'вааджени джигее джегьилеершихъаб геледжагъыл' барака вухьес деш. Анджах ешеени инсанни напсехъабыб кьараал' вухьес вуккан. Пенсиеехъа хъигъечlуна инсан маlгьаlрна инсан ворна, манкъуке иш быкырба быкырааъас вааlха деш. Йаlъни мана гьааъас джанан муфлат гьооли деш. Йишди увгьойка, пенсиеехъа гьирхьыл'на инсан къуллухыле, гьоlкуматни ишиле аlл'гьаас ыккан. Шавусджад акьва хатир гьаъас ыккан деш. Къийна гыргын акьвакlена водун. Хаlббанани пенсионераршихъад джон хав-уджагъ водун, ушахаршисын джигабыд къаджейнбы, гьоlкуматын гьелен пенсиебыд аляатlанбы, ишиле доннухбыд къат-къатна джегьилершиле гьеххан аляатlанбы, къуллыхыхъаб тиканхьинне идвийкьананбы, джегьилершиле къел'бы къадчу медын ишбыд гьаъанбы. Гойнеб шас вукканна сакитна ыlмыр. Гьоlкуматын, аlсас йишди республикайн мани сарданын сиясат бадалдехье, сайидкьылыйбы ахвасынбы. Джегьилер чlалагбышеехъа аlл'гьаана са сабабыб шакlле манчее къоджи. Гьайни дёлесийвале мана дагъамийвалла «къалибхьыйни джигеенче» озахъоохьива, инаммышехьи дешор.Хиваршее, районее, республикее иш девхьайхъа гора йишин, цlаlхбышин джегьилер, Урсиятни шагьарбышеехъа ишлемишивхьес аlл'гьаа вобунбы. Хивар кьаlсинбышис аху, сувабыйий чlалагбыд ваIгьщи гьаlйванаршис. Хивар веранхьамее, миллетна мизиб, маданиятыд аlрайле ааlсынбы. Манбы адкlынмеега миллетыд итбатхьесын.Анджах закlле къавджес вукканий къуллухбышил' баджарагъукан, ацlааликван, кlаарни ишбышее къарышмишдевхьайн джегьилер. Джегьилер гьоlкумат гьаlракатеехъа адаччена гудж вобна. Къийна ши манбы хъобкуни йаlххъылхъа гявгьее, ишебашеехъа авъээ, инам гьаъан гьоlкумат къийхъа гьаlракатеехъа хъалесын. Зас ыкканан йишди цlаlхбышди джегьилершед джон зор, джон гьаlракатбы, джон гьунарбы чlакlни къуллухбышил' гьагуй. Манчилхъа зы инам гьаъан!

Оцените материал
(0 голосов)

Читайте также

Владимир Ваасильев назвал долгожданным принятие Госдумой закона о ста…

июль 24, 2019 Общество

...................................................................................................

На встрече с Владимиром Васильевым Герман Греф заявил о позитивной дин…

июль 23, 2019 Экономика

...................................................................................................

Дагестан стал пилотным регионом страны по реализации проекта "Зе…

июль 23, 2019 Экономика

...................................................................................................

В мэрии Махачкалы прошло совещание по переходу на цифровое телевещание

июль 23, 2019 Общество

...................................................................................................

Госдума в третьем чтении единогласно приняла Закон о дагестанских опол…

июль 23, 2019 Политика

...................................................................................................

В летних лагерях Дагестана проходит масштабная акция по профилактике …

июль 23, 2019 Общество

...................................................................................................

Ушел из жизни создатель самого крупного лезгинского информационного ре…

июль 23, 2019 Общество

...................................................................................................

В Кизилюрте ремонтируют 9 городских улиц

июль 23, 2019 Общество

...................................................................................................

Исторический парк Махачкалы запускает специальный кинопоказ для школьн…

июль 23, 2019 Общество

...................................................................................................

В некоторых пригородных поселках Махачкалы вода опасна для здоровья

июль 23, 2019 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru