Шадлыгъын хав ишлемишехьи гидгъыл

Хаlдда сенбыний Мишлешни хивее шадлыгъын Хав аляъан. Дагъамийвал’бышихъа ил’дяакы, гьайни сен ман аляъ таамауйн.  Гьайни йигъбышее манче цlедда джамаъаlтылхъа аккабы аахъы

Шадлыгъын хав, хивни маданиятни клубни кьоlдъэсди мартабее водун. Мааъад шадлыгъбы алгъасын гьар джура имканбы водунбы.  Гьаlшде даватбы, шадлыгъбы, йигъынджахбы раlгьадта ыккейс  хивни джамаъаlтыхъад имканбы водунбы. Шадлыгъын хав, хивни маданиятни клубни кьоlдъэсди мартабее водун. Мааъад шадлыгъбы алгъасын гьар джура имканбы водунбы.  Гьаlшде даватбы, шадлыгъбы, йигъынджахбы раlгьадта ыккейс  хивни джамаъаlтыхъад имканбы водунбы. Истифадейхъа хъувойни  шадлыгъни Хавыхъад кьоlдваlщеле выагъаллана инсанар сааъасынсын имканбы водунбы. Манчиле свагьийда мааъад хорагбы хъоххьарасын джига, мигьманар кьабыл’яаъасын гьеххалика къабкъашикьыд водун. Тикинтийн ишбы ыккыйни хааlрни устадее Джумаев Ризване шаквани горуше увгьойн: «Шадлыгъбы алгъаъани Хааъан адын ишбы ыккейсдимее, кьийматыкван ыlгьтадж ишлемишау водун.  Ши гьаlракатауйн даватбышда вахт гивгъалласе, хылелхъа алябтlуна  иш быкыраъас. Гьаlшде сабара къадын ишбы аху водунбы. Шадлыгъни Хааъан гьихъа сайдинг эхаl. Цывыл’ хъалессе, мана иш быкраъасда. Шадлыгъбы алгъаъасди Хаавака шинаб, редакциейн ишчер, делесийвалейнче танышувхьайнбы. Устадарше гьавъуйни ишиле разийба авху. Абыйни мигьманаршиквани горушее хивни администрациейни хааlрынкъве Рамазан Кьубалыеве увгьойн: «Мишлеш хаlбна хив вобна. Гьар сен хивее хаlдда джурабаджура йигъынджахбы, горушбы, дават-давлатбы эхьи. Маlгьдын тадбырбы хайбышее алгъаъанкъаl, джамаъаlтын дагъамийваллабыний цlыцlаъа. Шадлыгъын Хав аахъыйка, маlгьдын дагъамийваллабы аlрейнче адкlынийнбы. Къийни гыргынкъухъад мааъад дават-давлатбы алгъааъасын имканбы водунбы».Хивее маlгьдын  Хав аляуйле, инсанарыб шадба вобунбы. Манбыше эйгьен: «Гьихъа дават-давлатнанкъаl хайбышее даркашийваллабышкани растына хъавайли. Мани сарддан хааъан ийессыбыше дагъамийвалланний цlыцlаъа. Даватбышейхъа абыйн мигьманар джурайбаний гивиъарааъа. Гьаlшде гыргыба саджигейхъа сааъас воохьенбы.  Тезе ишилхъа адчыйн Хав, йишдимее рагьаlтийвалла вобна».Гьайни йигъбышее шадлыгъни Хааъад цlеддыйн даватбы ыхьа. Инсанаршис манчина иш гееб кьабыливхьана.  «Нурни»  Мишлешни хивын джамаъаlт тезе аахъыйни шадлыгъбы алгъаъани Хааква табрикааъа. Мааъад хаlдда югун йигъбы алгъагьаас аlрзаъа.