Понедельник, 05 декабря 2022, 13:46

Войдите в свой аккаунт

Пользователь
Пароль
Запомнить меня

Къышлагъбышейхъан коч аIл'гьаа водун

Автор Юсуф Бабаев Четверг, 03 ноября 2022, 16:36 821
Къышлагъбышейхъан   коч аIл'гьаа водун
||| ||| |||

Къийна республикайни малдарарше гьаlракатыква ейлагъбышейнче къышлагъбышейхъан кочаъа. Манбыше сувал'ни оlрышбышиле дамазлыгъбы дюзилхъа хъыккекка. Манчика багълыда  Правительстве хаlдын иджлас илгъечlу. Правительствайни Хааlрынкъвее Аlбдулмуслим Аlбдулмуслимове регионын оlрышбы абрыка ишлемишаъасди мисалабышике йишонхьа.

Манкъуни увгьойка, къийна Дагъыстаныхъад хивни тасарруфатыс джурауйн 86% торпахбышин водун.  Манчике 64 %  малкъара гьуваджесын оlрышбы водунбы.  Гойне хьинне, Правительствайни Хааlрынкъве водун оlрышбы лазымни саягъыл' ишлемиш гьидяъани гьаlкlее гаф вукку. Манбы ейлагъбышейдын оlрышбы водунбы. Къийнийни йигъылхъамее хаlббананбыше арендейхъа алятlуйн санаъаlтбы къайдейхъа адчы дешодунбы. Джуни чыхышни аlхырее Аl. Аlбдулмуслимовее увгьойн: «Йишда макъсад ман торпахбы хъодкуда ишлемишауй водун.

Республикайни хивни тасарруфатни министре Мухтарбий Аджекове джун ихтилет Къызларни, Ногъайни, Тарумовкайни къышлагъбышике гидгъыл. Манкъуни увгьойква  гьаIшде  мани районбышди торпахбышил' 790 тасарруфатын кьыlдимына джон мал гьуваджи. Манчин оlрышбышис хаlбна гудж гьооли. Сениле-сенилхъа оlрышбы кьумун дербедяъанбы. Торпахбышин харабхьай явашаъасдимее гьайни сен къыlлина мааъад малкъара гьуваджес къадагъа гивхьы.Шацыйни сен мани оlрышбышее 1.4 миллион давараршыний цlеъбышин,  173 000 чаврайн, 2,5 балканаршин ухьуйхьын. Гьайни сеныд манбы къышлагъбышейхъа сакlаласынбы.

Илгъечlуйни иджласее махъа сабыйнбы республикайн малкъарайн кочаъани йаlхъбышикеб йишонебхьа. Манбыше къийна мани сураке яранмишувхьана дагъамна вазият аlрейнче алябтlасди  мисалабышике ихтилетау.  Гьаlшде хаlдданани районбышее малкъара кочес ийкарни торпахбышил' хусулсу хайбы аляъу водунбы.  Манчиле гъайре, йаlхъбы, йигъаlр дагъалмишхьа водунбы.

Гьайни йигъбышее Рутул районни малдарарше Кочубейни къышлагъбышейхъа цlеддыйн  коч гьаы. Манбы хусулсу фермабы ыхьа. Манчиле гъайре кочес гьаlзирувхьайн тасарруфатбыд водунбы.

Гыл'мецlни хивни фермерни Имамгьыlсейин Шириновни увгьойка, джуни давараршин коч ноябырьни 5 чил' гигъалас. Къийна манбы сувале гищы,  хивни делесвалей водунбы, машинбышин нубат гозетяъава,  коч сыкlылда геджвалейхъа гидхьу.  Гьайни сенийн ейлагъбы писда ыхьа деш. Сувабышил гьеххааликана давараршисда окl вухьана.  Дамазлыгъын югун чеки сау.  Малкъарайхъадыд итки ыхьа деш. 

Тасарруфатни хааlрынкъве къышлашъбышди къийнийни вазиятыкеб гаф гьавъуна. Манкъве дюзбышил' вазият югба дешдава агъмышау. Гьайни сен гёогъуйбы дехьайхъа гора, къышлагъбышее вазият дагъамба вобна. Ши сабара сенбына даварар кьыlдмина Магьаlррамкентни къышлагъбышее гьуваджы. Торпахбы делесда ихьейид, дагъамийваллабы  кlыл'да дешдий. Оlрышбышихъад гьеххаалика алаф эйхьи деший. Манчихъа гора, ши мееб гьийбни,  йишди Кочубейни къышлагъбышейхъа савалес.

Къышлагъбышей мал хъалессе  гьийгъанче гьихъа гьаlзирийвалла вукку вобна. Чобанар аахвасын хайбы абрелхъа адчы. Манчиле гъайре,  кьыlдимийсда окlакенайий емакена аlгьтият къавджуна. Манчикена суракен дагъамийваллыб дешинбы.

Къийнийни йигъыл'  фермераршина дагъамийвалла  кочиква багълыба.  Манбыше гьар сен юххьан-цывлихъа мани карее хаlдын хаарджийбы гьаъа. Гьаlшде са суралхъан кочаъасдимее фермерарше машнеке  75 000 манат хъооли. Са машинейхъа манбыше 300 давар илвийхьи. Маныд фермернимее кlылин харджий дешин.  Харджийбышихъа ил'дяакы, кочаъан.  

Къийнийни йигъыл' районын хаlдданан  дамазлыгъбы гьувааджен тасарруфатбы къышлагъбышейхъа гьидхьырийнбы. Манбышди аlрее муслагъбышин  фермерар вобунбы. Фермер Радик Баширове коч сибыкда илгъечlува увгьо.  Сабарабы гьалее кочей  вобунбы, авхуйнбыб манчис гьаlзироохьи вобунбы. Ноябрьни 10 чилхъасее коч таамхьесын.

 СПК «Ленин» тасарруфатыд кочес гьазироохьенбышди джаргее водун. Тасарруфатни хааlрынкъве Исакь Балаеве кочна хабар телефонейнче  гьуво. Манкъуни увгьойка, кочее ши  югба гьазирувхьа вобунбы.  Мал машинбышейхъа  вузани 3-чил' алиххьес. Иш къулайква  абкlынее, малкъара кьоlдъэсди йигъыл' къышлагъбышеехъа салесын. Ши малдараршис мани  ишее  угъурбы аlрзаъа. Малкъара итки дена джигайлхъа гьихьаъарасын дилегбы гьеххъа.

Оцените материал
(0 голосов)

Вакцинация

Министр здравоохранения РД рассказала о важности профилактики осложнен…

сен 30, 2022 Вакцинация

...................................................................................................

Минздрав Дагестана сообщил о достаточном запасе вакцин против COVID-1…

июль 28, 2022 Вакцинация

...................................................................................................

Хаджимурад Малаев прокомментировал отмену масочного режима в Дагестане

июнь 08, 2022 Вакцинация

...................................................................................................

В Дагестан доставлена новая партия вакцины

апр 12, 2022 Вакцинация

...................................................................................................

Поддержка предпринимателя

Коворкинг или бизнес-инкубаторы

март 18, 2021 Поддержка предпринимателя

...................................................................................................

Процесс заключения лизинговой сделки упрощён благодаря четкой процедур…

март 18, 2021 Поддержка предпринимателя

...................................................................................................

Лизинг

март 18, 2021 Поддержка предпринимателя

...................................................................................................

Микрозаем «Инвестиционный»

март 18, 2021 Поддержка предпринимателя

...................................................................................................

Микрозаем «Максимальный»

март 18, 2021 Поддержка предпринимателя

...................................................................................................

Читайте также

Житель Дагестана осужден за публичные призывы к осуществлению экстреми…

дек 05, 2022 Происшествия

...................................................................................................

Траурный митинг проходит в эти минуты в селе Леваши

дек 05, 2022 Общество

...................................................................................................

В Хасавюрте названа улица в честь погибшего росгвардейца

дек 05, 2022 Общество

...................................................................................................

В Махачкале прошла очередная встреча с призывниками

дек 05, 2022 Общество

...................................................................................................

В Дагестане 10-летие со дня образования отмечает Махачкалинская епархи…

дек 05, 2022 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru