Понедельник, 05 декабря 2022, 14:58

Войдите в свой аккаунт

Пользователь
Пароль
Запомнить меня

М. АIлиев: «Ши гъамувхьесынбы»

Автор Юсуф Бабаев Четверг, 17 ноября 2022, 14:57 546
М. АIлиев:  «Ши гъамувхьесынбы»
||| ||| |||

«Нур» кlазетни редакциейн Россияйн Украинайл' ыккеккани спецоперцие иштиракаъани цlаlхни халкьни джаванаршини гьаlкlее ойкlан.  Шакlле ацlан, къийна мааъаб хаlбба йишди эл'ни эскерарше, мобилизациейква абкынни джаванрше иштиракаъа. Къийнийна йишда гаф Калел'ни бинал' ешемишехьени старшинайни  Аlлиев Музафер Уруджни духайни гьаlкlее вухьес.

Калел'ни, Джинаlгъни, Аттални, Коршни бинабышиле гьабкIынни спецопреациехъа  50-хъа авабкьырни джаванарше  иштиракаъа водун. Манбышда геллесда къонши Чечен  Республикее контрактыква эскерийвалла вуккеккан джаванар вобунбы. Аlхырейни сенбышее мани бинабышил' ешемишоохьени  хаlббанани джегьилерше контракт одкlун. Манбышда сайир къийнийна йишда гафчый Музафер ворна.

Музафере контрактыка эскерийвалла вуккеккан 12 сен быкырехьи. Мана , авхуйнбышди аlрайл' ,энки хаlдда сенбына ишлемишехьена ворна. Мана спецоперацие гидгъылни цlеддыйни йигъыке мааъар ворна.  Шаканини  горушее манкъве увгьойн: «ЗакIле аlхырейни элейс хизан  гьайни сенини январьни вуза къавджу. Манке сабара йигъбышис хаахъаний хъары. Хивейнче частылхъа саркlыл'мее батальонее сборбы гидгъыл.  Манбы таамхьамее, ши Крымылхъа оIтиравъу. Октябрьскни шагьарее алава гьаlзирийваллабы ыккы. Февральни вуза спецоперацие гидгъылыйна амыр хъабы.  Амыр хъабыйни сабара йигъбышике ши укранацистарше  аххъыйн республикабы, шагьарбы, районбы, хивар темизаъа гибгъыл.  Цlеддыйни йигъбышил' ша сабара дагъамийвал'бышика растына хъабы. Шакlле ман джигабы манмеегад югда ацlа ыхьа деш. Манке йишди эскерашини аlрайл' яраламишувхьайнбыб вухьайнбы. Манчихъа ил'дяакы, ши яваш девхъа, миллетчерше аххъыйн шагьарбы йыlкьаlлхъа алятlа, гьихъа абкlын. Сабара вахтыле  водун дагъамийваллабы аlрейнче адкlынийбы.  Ши кlылба-кlылба вардешейхъа гябкlыйнбы.

Музафарее эскерийвалла вуккеккани батальоне хаlбба Дагъыстанейнчен джаванар вобунбы. Манбышди аlрайл' цlаlхни халкьын духйеб вобунбы.  Манбы Аlлиев Магьаlммад, Атаев Махач, Мамедов Нусрат, Гафланов Рамазан, Аlгьмадов Камил', Асланов Кьурбан,  Мамедов Музафер, Аlгьмадов Раlгьим, Баширов Загьир ва мебынбы .  Манкъуни увгьойка, джо экlба-экlба растына хъавайленбы. Сана-санкъуке гьаlл-юзугар ацlахье. Манчиле гъайре, шахъаб джурайна вацапе десте вобна. Манчис хаlбвалла зы гьааъа. Мани дестее  спецоперацие иштиракаъан джаванар  гювъур вобунбы. Манбышикад алакьа гьуваджен.

Къийна  гьийдын Украинайн миллетчер гювъурыйн республикабыйий вилаетбы, инсанаршини аlрайл' референдум алгъавгьуйле хъийгъа, Россиейлхъа аликкы. Манчихъа ил'дяакы,  Украинайни азгъунувхьайни эскерерарше мааъб ешемишоохьени  инсанршис диндж гьели деш. Мани карее хаlдын кумаг манбышис хаариджи оlлкабышее гьели. Гьар йигъыс джурабаджура ракетабышикайий ярахбышиква тахсир дешин инсанар яраламишааъа, гябатlа.  Манбышди аlрайл'  экерарыб растына хъавайленбы. Манчини гьаlкее гаф гибхьыйнкъа, Музаферее эйгьен: «Зы цаlаlхбышди эскераршини аlрайл' энки ешли ворна. Сабара вахтаке зас хьодцlал' сен гяцlес.  Ман санаъаlт сечмишаъанкъаl закlле манчина дагъамийвалла ваацlанний. Къийнар нишиледжар хъаlйкьан деш. Гьар вахтал' йизди командирарше гьувойн тапшырыгъбы аlхырейхъамее быкыраъас гьаlзирра ворна. Заква саджигее воохьен гадебыб зы хьинненбыб вобунбы. Манбышда гьаарна игит' ворна.  Манбы гьар вахтал' вурушеехъа эбчIес гьазирба вобунбы.

Музаферни дирибашийвалис командирарше ахтына къиймат гьооли. Ман гьаlкlедада мани саягъыл' ыхьай, манкъус гьувойни орденбышейий медалбыше тасдикьаъа. 

Йишди гафыс кьувва манкъуни хьунащее Гул'бениз баджее гьуво.  Маlнкъее геед ачухын ихтилет гьау:

- «Йизда адамий спецоперациейхъа аляртlуйни йигъыле захъад хаlм-йигъ диндж ыхьа деш.  Йицlни вузани аIрее зы хаlбба фыкыр цlыцlавъу. Манкъуке гьаммаше хабар гозетяаъа вухьа. Мани карее хаlдын кумаг гогьар - гьамбазын гьуво.  Манбыше экlба-экlба манкъуни вазиятыкена зас хабар абайли вухьа. Манчиле гъайре, медни карбышейид манбыше кумаг гьели ыхьа. Лазымни джигее хылиб авхъуна. Гыргыба джо сагъба гьааъанбы. Музафер эскерейнче хъооlва къайиххьы, хивын джамаъаlт мана къаршиламишаъас хъигъечlы. ХаIдын шадлыгъбы алгъавгьу. Мана хаахъа хъарыйле хъийгъа, хаlбна мавлид хъаlбхъы. Хивын джамаъаlт махъа сады».

Йишди горушни аlхырее Музафере, къийна сабара ичи дяцlанбыше ,еймишаъани гьаlкь дешди ихтелетбышикеб саl - кьоlбле кал'ма увгьо. Къийна  Россиейни эскераршихъаб нишикеджаб кеситийвалла дешда. Манбышихъад аляаъасын палтарыд, охьанасын карыд болда водун. Манчиле савагьийда манбышис медицинайн кумагыд гьели водун. Спецоперацие иштиракаъани эскераршихъад аляаъан палтырбы дехьай,  мыссыба авху вухьайн нагьаlкьын ихтилет водун , манкъвее увгьы.

Зака саламатламише­хьенкъаl, Музаферее гыргыба мааъаб воохьени эскераршис сагъба - саламтба хайбышейхъа сабкlыл' хъаваледжинва дилягбы гьеххъы. Гьавасре гыргыни хизанбышее йизди хаадын хьиннен шавдваллабы ихьеджин.  УшахаршикIле , гогьар- гьамбазыкIле

Оцените материал
(0 голосов)

Вакцинация

Министр здравоохранения РД рассказала о важности профилактики осложнен…

сен 30, 2022 Вакцинация

...................................................................................................

Минздрав Дагестана сообщил о достаточном запасе вакцин против COVID-1…

июль 28, 2022 Вакцинация

...................................................................................................

Хаджимурад Малаев прокомментировал отмену масочного режима в Дагестане

июнь 08, 2022 Вакцинация

...................................................................................................

В Дагестан доставлена новая партия вакцины

апр 12, 2022 Вакцинация

...................................................................................................

Поддержка предпринимателя

Коворкинг или бизнес-инкубаторы

март 18, 2021 Поддержка предпринимателя

...................................................................................................

Процесс заключения лизинговой сделки упрощён благодаря четкой процедур…

март 18, 2021 Поддержка предпринимателя

...................................................................................................

Лизинг

март 18, 2021 Поддержка предпринимателя

...................................................................................................

Микрозаем «Инвестиционный»

март 18, 2021 Поддержка предпринимателя

...................................................................................................

Микрозаем «Максимальный»

март 18, 2021 Поддержка предпринимателя

...................................................................................................

Читайте также

Президент России Владимир Путин направил телеграмму с соболезнованиями…

дек 05, 2022 Общество

...................................................................................................

Магомед Ханмирзаев побывал у сына на передовой

дек 05, 2022 Общество

...................................................................................................

Россельхознадзор предупрелил об опасности распространения африканской …

дек 05, 2022 Общество

...................................................................................................

Магомедали Магомедович похоронен в селе Леваши

дек 05, 2022 Общество

...................................................................................................

Житель Дагестана осужден за публичные призывы к осуществлению экстреми…

дек 05, 2022 Происшествия

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru