Вторник, 20 августа 2019, 23:13

Войдите в свой аккаунт

Пользователь
Пароль
Запомнить меня

Кьурбанын ХаIдын йигъ

Автор Курбан Омаханов Пятница, 09 августа 2019, 12:47 189
Кьурбанын ХаIдын йигъ
||| ||| |||

Августни 12-чил дюнйейл’ни мусурманаршини уммайн Кьурбанни ХаIдни йигъна шадвалла гьааъас. Курбанни Хаlдни йигъбышди гьийб гьа1дж къил'мишааъа. Гьайни сен гьаlджилхъа Дагъыстанеенче хаlбба инсанар гьабкlын. Манбышди аlрее цlаlхбыб, иншеаллагь, вобунбы. Шакlле къеджен сениле-сенилхъа махъа вуlххъас вуккананбышин сай агъалла хъехьи. Манчинид эйгьен: Исламни динылхъан гьавас, инам, мугьуlб гуджламишехьи водун.

 

Кьурбанын Хаlдын йигъ мусурманаршин байрам водун. Ман йигъ Аллагье йишди диныс ыlбаадат гьаъани уммайлхъа къахову. Ман байрам Рамандини Хаlдни йигъыле хъийгъа йигlцlал' йигъ илгъечlуйле хъадайли.Кьурбанын Хаlдын йигъ мусурманаршин байрам водун. Ман йигъ Аллагье йишди диныс ыlбаадат гьаъани уммайлхъа къахову. Ман байрам Рамандини Хаlдни йигъыле хъийгъа йигlцlал' йигъ илгъечlуйле хъадайли.Кьурбанни Хаlдни йигъыле гьихъа Хаlбна хаlм алгъааъа. Инсанар джони гогьарбышди горханабышилхъа гьавайкlан. Рыlгьбышис югда ихьеджинва дуlъаl хъаlббаххъа, садакьа гьели. Хаlбни хаlмде Кьуръан хъаlбаххъа. Кьоlдъэсди йигъыл', мичlееб, хаlдын гиджаlрахыйбы алеетlу манзикехъа гьавайкlан. Хаlдни йигъын кубара мааъад гьаъа. Манчиле хъийгъа Кьурбанбы гяатlа гивийгъал. Мана эн хаlбна сунна вобна. Гёокlана гьаlйваныб сагъна, уфтанна вухьес вуккан. ЧIырына, хасийна гьаlйван Кьурбаныс гивкlас гёохьа деш.Исламни диней одкlунийхъа гора, Кьурбанын Хаlдын йигъ гьале инчиле аазыр сенбына гьихъа алгъаъа гидгъыл. Манке Аллагье джулхъан инам ацlахьесдимее, Ибрагьим идаагыс джуна дих Кьурбанна гикlас амыр гьуво. Мана Ибрагьим идаагына тек са дих ыхьа. Манчихъа ил'дяккы, Ибрагьим идааг манкъуни джувабеенче хъигъечlу деш. Ибрагьим идааг мичlейр чакра сугъоцу, аlмалейс алугъ ыlхы, гьаагуйни сувалхъа, сафарийейхъа хъигъечlи. Хьебыдъэсди йигъыл' мана дих Кьурбанна къарсыл'ни джигейхъа гьийхьар. Аlмалейий къулар мааъаб гьавайсар. Манкъве къуларшикlле эйгье: «Шу иняаъаб илёозре, зы духайква зияратылхъа илхъебчlы, ыlбаадат гьау савкаlаласынбы. Сувал'ни зияратылхъа, алхъааlнкъа, духее деккике хъийгlан: «Ши зияратылхъа алхъааlнбы, нявхьа бес йишда Кьурбанна давар? Ибрагьим идааге саркlыл' духайкlле эйгье: Аллагье Кьурбаныс, йизда гыранна дих, гъу къарсыл' ворна. Мана гаф вухьайле хъийгъа, манбы кьурбан гивкlасди зияратылхъа хъавайле. Мааъаб уджагъ хъаагьа. Ибрагьим идааге духайн къел'-хыл' айтlыл, гикlас гьазир гьаъа. ЧIика алеетlу, дих гикlас хыл' сугъоцаъа. Гарданылхъа чlикlа гиххьыйнкъаl, аlршеле Аллагьни маляаикын сес хъайли: «Духайлхъа Кьурбанна гикlас хыл' ил'мабатlа. Мана селлим гьеъэ. Гьаlшде Аллагье валхъа гьаlкlен инам гьаъан, гъу манкъуна йаlхъ авхъуна динэгьлий ворва. Гьин ихтилет къайиххьы, Ибрагьим идаагэ вукlул' сугъооцааъа. Джуни йыкьаlл' гачбышиквана къарг къооджи. Духайни эвезее мана гёокlа.Къийнад гыргыни мусурманарше ман байрам хаlдни шадлыгъбышиква алгъагьа. Мани йигъыл' инсанарше садакьайс гивкlуйни гьаlйванни чуруныке джурабаджура дадакван хорагбы хъойхьар. Баракайс абыйнбышис ман охьанаъа. Кьурбанни хаlдни йигъын инсанар сана-санкъуква гьалеб делес хъааъа. Джони аlрейдын мугьуlб гьеххаъа. Симысынбы барышмишааъа. Аlзизын ва гыранын чубабы, йичибы! Шу гыргыба Кьурбанни Хаlдни йигъыква табрикааъа. Гьасре гьар мусурманийни хааъад болваллайий шадвалла вухьеджин. Шос джанана сагъвалла, йикlена шадвалла гьевлена! Шу садакьайс гятlасын Кьурбанбы Аллагье кьабыл' гьаъанбы!

Оцените материал
(0 голосов)

Читайте также

В Махачкале Газпром провел техобслуживание газового оборудования

авг 20, 2019 Общество

...................................................................................................

Гражданка Азербайджана пыталась незаконно ввезти миллионы наличными на…

авг 20, 2019 Происшествия

...................................................................................................

Артем Здунов возглавит дагестанскую делегацию на мировом чемпионате Wo…

авг 20, 2019 Общество

...................................................................................................

В Дагестане пройдет молодежная школа «Северный Кавказ в единой семье р…

авг 20, 2019 Общество

...................................................................................................

В Рутульском районе Дагестана сгорело два дома (видео)

авг 19, 2019 Происшествия

...................................................................................................

Дагестан бьет все рекорды по популярности среди туристов

авг 19, 2019 Общество

...................................................................................................

Паломники из Дагестана попали в аварию в Дубае

авг 19, 2019 Происшествия

...................................................................................................

«Яндекс» будет обучать дагестанских школьников программированию

авг 19, 2019 Общество

...................................................................................................

В Казбековском районе Дагестана местный житель ранил из пистолета дву…

авг 19, 2019 Происшествия

...................................................................................................

В Ахтынском районе открылась передвижная выставка самодеятельных худо…

авг 19, 2019 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru