Йыlгъар абрелхъа хъаляъа

Сувал’ни магьалыл’ни Цlаlахыйни хивни администрациехъа ёкьубле хив: Миххьегl, Хиягъ, Цlаlахый, Хьойик — гёохьа. Манбышин хаlдданан эзан  торпахбы, оlришбы, окl сааъан чlиебы Самурани шениса акьвал’ водунбы. Инсанаршин ивийкырый дамани оогъанче къадчыйни йыlгъаршика багълыда. Дама хаlб хъувхьайнкъаl, манче йыlгъаршис хаlдын зиян гьели.

 

Гьайни йигъбышее хивни администрациейни  Миххьегlнийий Хьойикини джамаъаlтбыше Самур дамайни оодун йыlгъар абрелхъа хъаляъа гибгъыл.  Добы агъмишауйни хиваршее ешемишоохьен инсанар имааджибышейхъа хъигъебчlы.Гьайни йигъбышее хивни администрациейни  Миххьегlнийий Хьойикини джамаъаlтбыше Самур дамайни оодун йыlгъар абрелхъа хъаляъа гибгъыл.  Добы агъмишауйни хиваршее ешемишоохьен инсанар имааджибышейхъа хъигъебчlы.Хивни администрациейна хааlрна Вагиф Аlлиевни увгьойка, йыlгъар абрелхъа адчес кумаг Рутул районни хааlрынкъве Ибрагьим Ибрагьимове гьуво. Къийнийни йигъыл’ гибгъылна иш аlхырейхъамее быкырааъасдимеега махъа гьеххаалика тикинтийн материал ады водун. Джамаъаlтни кумагыква гибгъылна иш таамаъасда.  Геледжагъыл’ фыкрее Цlаlхыйни хивеена йигъ хъавъуй аххъы водун. Мана гьинчиле хаlдда сенбына гьихъа дамайни хьинен алябтlу. Йыlгъ девхьайхъа гора, инсанарше хаlдда дагъамийваллабы цlыцlаъа. Чалышмишувхьесынбы иш хылийвалис цlыцlдяаъасХьойикни хивни джамаъаlтни увгьойбышихъа гора, Самурани оона тросана йигъ алявъуна хил’дже сенбы водунбы. Къийнийни йигъыл’ манчин симмар боще хъыхьа водунбы. Манбы цlыцlауйле хъийгъа,  хъыlчейн кьува тезенчика бадалаъас.Гьаlшде джигайл’ гуджнада ишбы аlл’гьаа водунбы. В. Аlлиеве администрациейни джамаъаlтбышис гьаракатыка имааджыйбышее иштырак гьауйхъа гора, миннатдарийвалла агъмишааъа.  Геледжагъыл’ манбышди кумагыква хиваршис медын лазымын ишбыд гьаъасынбы манкъве увгьо..