Са хаанчен Ватаныс къуллух гьааъан кьоIйре эскерар

Къийна СВО иштыракаъани йишди эл’ни  эскераршини гьаlракатысый баджарагъыс гьокуlматын ахтына кьиймат гьооли. Манбыше, командирарше джони гьийд гиххьыйн гыргын тапшырыгъбы  кьулайква быкыраъанбы.  Манбы нишиледжаб хъидаlбкьын джона игитийвалла гьаагвана.

 

СВО иштиракаъанбышди аlрее энки хаlбба эскерар Калел’ни хивейнче гьабкlынийнбы вобунбы.  Садджу Уллахановаршини насылаке мааъаб  ёкьни джаванее иштыракаъа водун. Манбышда вазият ваацlавхьесдимее, зы гьайни делесийвалей Уллаханов Насруллагь Ыlсайни духайква горушмишхьа. 

Къийна Насруллагь дайийна кьоlйре дих СВО иштыракчий ворна. Манбышда са, Радик контрактникна Чечнейни эскереийвалла вуккекка. Мана хааlрна прапорщик ворна. СВО гидгъылни цlеррыйни йигъыке мана гьамабазаршиква саджигее махъа оlтирау. Манбыше миллетчерше аххъыйни шагьарбышее адкlынни йыlкьни вурушбышее иштырак гьау. Сабара вахтна гьихъа мана хаахъа истирагьатыс хъары ыхьа. Къийна мана джуни частыл’ ворна. Командираршикван тапшырыгъбы гозетяъа водун. Манкъвее сабара вахтале СВО вурушбы ыккеккан джун гьамбазар бадаалаъас. 

Насруллагь дайийна кьоlдъэсда дих Тофикl, джуни гьавасыква СВО-хъа аркlын. Манкъве хаабынбышис садджу повестка хылелхъа алятlуйле хъийгъа, хабар гьуво.  Мана чоджус даягъ ихьесдимее, Россиейл’ мобилизация гидгъылмее военкомотейхъа гьаркlын. 

Гадебышди кьоlйирсана Запорожиейни шагьарее ал’гьааlни СВО иштыракау , амма манбышис сана-санкъуква хъызаахас кьисмат дехьайн. Манчихъа ил’дяакы, манбыше хидмат гьааъани частбышил’ хаlбба Дагъыстанейнчен джаванар вобунбы. Манбышди lрайл’ цlаlхбыб растына хъавайленбы. Манбы сана-санкъука экlба-экlба горушмишоохьенбы, вазиятбышике хъидгlынбы гьааъанбы. 

Насруллагь дайе духебышике гаф гьааъанкъаl увгьойн: «Манбышди гьаlракатыле зы нимеехьей разийра ворна. Къийна манбышихъад сабара дагъамийваллабы ыхьейид, манбыше аlкlеликва Ватанни гьийдын бордж хъели водун.  Манбыше йишда Россия къорамишава гуянмишехьена. Йизди духйейн  нейинки йишди тохумен, хивын, миллетын до ахты хъааъа. Манбыше Дагъыстанын, Россиейн  садибийвалла гьуваджес чалышмишоохьи. Авхуйн джаванарыб манбышик акар вухьес вуккан. Адамеерше хьинне, хъидаlбкьын, Ватанни гьийдж бордж хъелес ыккан. 

Насруллагь дайийни гадебыше хааъабынбы кlеливханаъа деш. Гьар вахтал’  деккилхъайий едилхъа, ушахаршилхъа  зенгбы гьаъанбы. Манбышда вазият ваацlохьена.  Джо нимеехьей югба вобунбыва, зенгбы гьаъанкъа,  эйгьи. Хаабынбышис йикlбы гьели. Манбышис хаджалат мехьесдимее,  сабыруква вухьес хъоотlал.

Зубайрат баджийни джуваббышихъа гора, гадебышихъад нишекенаджаб кестийвалла дешда. Манбышихъад охьанасыний, аляъасын палтарбы гьеххалика водунбы. Амма манчихъа ил’дяакы. йиджее хаlбба манбышда фыкыр цlыцlааъа. Манбы хайбышее вухьее, зынар  сакитра йихьес , —  маlнкъее эйгьи. 

Эскераршини хизанбышис гьокуlматни суракеб  фыкыр гьоолена.   Манбышисахъа экlба-экlба  къуллухчер, депутатар абайли, лазымни карее кумагбы гьели.  Магьаlчкъалайни шагьарни Ленин районни хааlрынкъвее  Магьаlммад Алхасовее экlра-экlра Насруллагь дайий джусахъа хъойтlал. Эскераршини хизанбышди вазиятыке хъидгlынба гьаъа. Лазымни карее хыл’ авхъасын теклифбы гийхьи. Шагьарни социдарайни ишчерше  манбышди ушахаршис тезе  сенийн пайбыд гьувойнбы. Манбы йикlейнче табрикавъу. Манчиле гъайре, гадебышис гьоlкуматын гьагуйни саягъыл’ маъаlшбыд  гьийхьаранбы. Мани карее наразийвалла дешда. 

Сыкlыл’на гаф Уллахановаршини тохкумейнче эскерийвалейхъа гьабкlынни менни  гадебышикеб гьаъас вуккан.  Насруллагь дайийни эмиогълийна гаде Ил’гьамыр контракник ворна. Манар СВО иштыракчий ворна. Гойне хьинне, манкъуна шенсани эмиогълыйна дих Малик мобилизациейхъа гирхьу. Манар СВО иштиракчий гьаъа ворна.

Насруллагъ дайий хивни джамаъаlтын, манкъуни гьамабазарше  гьамыр хааlрна ватанпарвас инсан хьинне ацlа. Манквъее  гьайни делесвалей  Калел’ни хивейнче эскерийвалейхъа гьабкlынни гыргыни гадебышин сийгьый аххъы. Манкъуни увгьойка, мани сиягьей  хьебцlале кьоlни джаванын  до водун. 

Йишди горушни аlхырее Насруллагь дайейий Зубайрат баджее экlда СВО таамхьесын дилягбы гьеххъы. Манбыше джони гадебышиква саджигее авхуйн эскерарыб сагъба саламатба хайбышейхъа савкlалас, хизанбышиква горушмишувхьес аlрзагьу. 

Зынад манбышис игит духйе хаlбхъавуйхъа гора, баркаллагь увгьо.