Аlхырейни сенбышее йихъбышди джаванаршини аlрайл’ спортулхъан аlшкь хаlдхъехьи водун. Къийна йишди халкьыхъаб  лайикьын къавджуйн спортсменарыб кlылба дешинбы. Манбышди джаргеехъа футболистарыб гябакlа вобунбы.

Къийнийни йигъыл’ йихъбышди хаlдданани хиваршее хурун-хурун футболун командабы водунбы. Манбыше вахт вухьайнкъаl джони аlрайл’ баlгьсбы ыккекка. Гыл’мецlни хивни джаванаршина футболна десте Сувал’ни Магьаlлыл’, районее, Магьаlчкъалайни шагьарее югунбышди джаргее вобна. Манбы джурабаджурайни турнирбышин  иштыракчер вобунбы.Къийнийни йигъыл’ йихъбышди хаlдданани хиваршее хурун-хурун футболун командабы водунбы. Манбыше вахт вухьайнкъаl джони аlрайл’ баlгьсбы ыккекка. Гыл’мецlни хивни джаванаршина футболна десте Сувал’ни Магьаlлыл’, районее, Магьаlчкъалайни шагьарее югунбышди джаргее вобна. Манбы джурабаджурайни турнирбышин  иштыракчер вобунбы.Гьайни делесийвалей манбышее хивее тезе футболун майдам аляъа гибгъыл.Мани карее манбышис  хаlдын кумаг Амурни вилаетил’ ешемишехьена ишкар Адил’ Давудове гьели. Илгъечlуйни уlл’джумее хивни джаванарше майданм аляъасди джигее имааджийбы гьау. Лекагъанни чейлягъее манчисда джига гьазиравьъу.Сабара йигъбышиле махъа лазымын тикинтийн материал хъалес, футболу гьувааган майдам аляъа гивгъалас.  Хивын джаванар хылехъа алябтlына иш экlба быкырааъасди фыкрее вобунбы. Гыл’мецlалий Адил’ Давудовни увгьойка, хивыс футбол гьуваагасын майдам аляуй фыкрее аххъыйн хаlдда сенбыний.  Гьайни сен хивни джаванаршика санад мана иш гивгъаласди кьарарейхъа хъабы. Чалышмишувхьесынбы гибгъылна иш вахтал’ быкырааъас.Футбол гьуваагасын майдам аляуйке хаlбба хивын джаванар шадоохьи.  Манбышихъад гьаlшде югун оюнбы гьагвас ва ахтын джигабы аххъас гьар суракен имканбы водунбы.