Понедельник, 01 июня 2020, 02:00

Войдите в свой аккаунт

Пользователь
Пароль
Запомнить меня

Кьурбанын хаlдын йигъ шадваликва алгъавгьу

Автор Юсуф Бабаев Пятница, 16 августа 2019, 13:09 419
Кьурбанын хаlдын йигъ шадваликва алгъавгьу
||| ||| |||

Кьурбанын хаlдын йигъ мусурманаршин аlзизын байрам водун. Мани йигъыл' инсанарше мичlейдын кубар гьауйле хъийгъа, кьурбанбы гяатlа гивийгъал. Гятlыйни гьаlйванаршини чурныке пайбы гьаъа, ахуйнчике хайбышее дадакван хорагбы хъойхьар, болун суфрабы аахъа. Сана-санбышанкъаl баракабышис гьавайкlан.

Гьайни сенид Кьурбанын хаlдын йигъ, гьаммашийдын хьинне, Дагъыстанеее хаlдни шадваликва алгъавгьу. Мичlейдыке кьурбанбы гяатlа гибгъыл. Шавухъадый хусулсу магьаlллабы, манбыше кьурбанбы мааъад гяатlас чалышмишувхьа. Мани сардан имканбы дешинбышихъабыб дагъамийвалла вухьа деш. Республикайни чакlни шагьарбышее гьийгъанче гьихъа манчисын джигабы гьаlзирау ыхьа. Гьайни сенид Кьурбанын хаlдын йигъ, гьаммашийдын хьинне, Дагъыстанеее хаlдни шадваликва алгъавгьу. Мичlейдыке кьурбанбы гяатlа гибгъыл. Шавухъадый хусулсу магьаlллабы, манбыше кьурбанбы мааъад гяатlас чалышмишувхьа. Мани сардан имканбы дешинбышихъабыб дагъамийвалла вухьа деш. Республикайни чакlни шагьарбышее гьийгъанче гьихъа манчисын джигабы гьаlзирау ыхьа. Кьурбаннбы масса гьелен гьаlйванаршин базарбы, гьийдни сенбышихъа иляаканкъаl, гыранда ыхьа. Гыранийваллайлхъа ил'дяакы, базарейхъа абыйнбы хыл' кьаlраб сабкlыл' деш. Манбышике джони фыкрейдын ниятбы быкраъас аlхыйнбы.Дагъыстанее гьаммаше хаlдни йигъбышил' масса гьелени тадарукбышин кьийматбы агъалла хъаъан аlдат водун. Мани карее не гьокуlматни, нейид джамаъаlтбышди ташкилатбышди сураке назарат эйхьи деш. Ман югун аlдат дешод. Къийнийни йигъыл' республикее касибба гудмишоохьен хизанбыд кlылда дешинбы. Манбы мысаджаб кlеливханааъас вуккан деш. Кьурбанни хаlдни йигъыл' цlедда кумаг маlгьдыни хизанбышис гьелес ыккан. Ман гьаlкlен садакьа ихьес. Гьайифкий, хаlббананбышис ман башта эйхьи дешод.  Мусурманни дине энки хаlдын сувааб касибыс дагъамни йигъыл' хыл' авхъуй водун. Гьайни сен йихъбышди хаlббананбышис кьурбанбы гяатlас кьисматхьайн.  Редакциейхъад водни маlълуматхъа гора, Дагъыстанее ешемишехьени 90% йихъбышди хизанбышихъад кьурбанбы гятlасын  имканбы ыхьайнбы. Манаб хаlбна хошбахтийвалла вобна. Мани карее югун кумаг йихъбышис Москlавни шагьарее ешемишехьени ишкар  Гьаlджимуса Гьаlджиаlлийни духе гьуво. Манкъве Муслагъни, Мишлешни, Хьойикни гьар хаас кьурбаныс давар гьуво. Маныд эгьес ыккан, манкъве цlедда дешодун добы агъмишауйни  хиваршини джамаъаlтбышис даварар битlалаъан. Кьурбанни  хаlдни йигъыл' сайиб югна хабар Мишлешни хивейнче хъабы. «Инсан» донани фондын гьинчиле сабара вахтна гьихъа Мишлешни хивее хайбы гёдхьунийбышис пылыкван кумаг гьагу. Фондын мани хизанбышис гьарункъус 100 аазыр манат пылна гьуво. Манбышди увгьойка, геледжагъыл' имканбы ыхьее  хав уджагъ дена авхуйнбышис медын кумагыд гьихьараъасын. Мани карее шинаб къырагъыл' аахвас вуккан деш. Къийна йихъбышихъаб хаlбба карнан ишкар инсанар вобунбы. Мани карее манбышин иштыракыд ихьес ыккан. Гьарункъве джуке ахаlн кумаг гьувее, мыкlаал'бы хъалессе манбы хайбышейхъа савалесынбы.Кьурбанын хаlдын йигъбы таамхьайнбы. Къийна ши гьаlдж къилмишаъас гьабкlынийн йишин чубабыйий йичибы гозетяаъа. Гьайни йигъбышее манбы хайбышейхъа савкlалас вобунбы. Гьаlджилхъа гьабкlынийнбышин гьаlдж, кьурбанбы гятlыйнбышин кьурбанбы, югвалла гьавъуйнбышда югвалла Аллагьее кьабыл' гьаъан. Эйгьи вод, Оорункъве гьар инсаныс манкъуни йикlес сикlы гьели.  Дора шинаб чалышмишувхьес, йикlбы темизда аххъас, сана-санкъус кумаг гьелес.  Маныд дюнйейлхъа арыйни гьар мусурманийн бордж водун.

Оцените материал
(0 голосов)

Читайте также

Газета "Нур" провела благотворительную акцию на сумму более…

мая 31, 2020 Общество

...................................................................................................

Премьер Дагестана Артем Здунов посетил Кизилюртовский район

мая 31, 2020 Экономика

...................................................................................................

Владимир Васильев и Виктор Фисенко обсудили итоги работы группы Минздр…

мая 31, 2020 Политика

...................................................................................................

Артем Здунов посетил один из индустриальных парков Махачкалы

мая 30, 2020 Экономика

...................................................................................................

В Минкомсвязи Дагестана опровергли наличие вышек 5G в регионе

мая 30, 2020 Общество

...................................................................................................

В Дагестане санобработку прошли около 1 000 социальных объектов

мая 29, 2020 Политика

...................................................................................................

Премьер Дагестана Артем Здунов осмотрел строящиеся в пригороде Махачк…

мая 29, 2020 Экономика

...................................................................................................

Делегация Азербайджана посетила палаточный городок на юге Дагестана

мая 29, 2020 Общество

...................................................................................................

Житель с. Степное Кизлярского района убил односельчанина

мая 28, 2020 Происшествия

...................................................................................................

В Дагестане проконтролировано более 397 тыс. тонн продукции на экспорт

мая 28, 2020 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru