Сеныле гьеххана вахт вобна Украине СВО аIлгъаан. Гьел'бедти , мааъаб йишди миллетни джегьилершед иштыракаъан. Къийна манбышикван алаакьабы гогьарбышин  телефоныква эхьи. Сасса вахтал' вазбына связылхъа хъигъеебачIи деш ва ватаныл' гьиджо эхьи ыхьай ацIахьи деш. Манчихъа гора, мани эскераршис гьинче китаббы, кIазетбы гуманитар кумагбышиква, басиркIабышее, агар имкан вобхьее, поштиква оIтираъа. Шинаб чалышмишоохьенбы фронтеехъа «Нур» кIазет оIтираъас. НягьаIдхьее йишин кIазет интернетыквае, чапыни къайдайлее гьийхьаран. КIазетни мухбирарше мани эскераршикван алаакьабы гьувадженбы. Манбышди гьаIкIее гьар нумре макьалебы эхьи. Манбышда ва манбышди хизанна дагъамийвалла ашкараъа ва суалбы лазымни джигеехъа гьихьараъа. Гьайни дёлесийвале йишин кIазет Сулейманов АIлийлхъа  гьидхьыр, манкъвее шалхъа кIазет хъаIдаххъана шикыл' оIтиравъу. Манчин шакIле эйгьен, къийнаб кIазетын чина макьсад быкырааъа вобна.  Едини мизел' одкIунийн кIазет фронте хъаIдхъийнкъаI, гьалед гьавас хъадайли.  Ши , АIлий хьиннени джегьилершис, экIда СВО таамхьа, гъамувхьа хаахъа хъавалес аIрзуламишаъа.