Воскресенье, 23 февраля 2020, 07:56

Войдите в свой аккаунт

Пользователь
Пароль
Запомнить меня

Дагъыстанни миллетбышда садибийвалла

Автор Юсуф Бабаев Пятница, 13 сентября 2019, 13:40 852
Дагъыстанни миллетбышда садибийвалла
||| ||| |||

Гьар сен сентябрьни 15-чил' йишди республикее Дагъыстанни миллетбышин садибын байрамын йигъ алгъайгьи. Ман байрам алгъайгьен хаlдда сенбы дешодун.  Магьаlбна мислагьаlт 2010-ъэсди сен Дагъыстанни миллетбышди хьебыдъэсди съезде кьаблявъу.

 Дагъыстанни миллетбышди садибьйваллайни байрамыхъад йиссейн таарых водун. Ааlлимаршини увгьойхъа гора, 18 асырни 1741-ъэсди сен Кавказылхъа Иранна Надыр-Шагьее ваlш аазыр эскерыква басгъын гьау. Манкъуна хаlбна сафарый Дагъыстанейнче гибгъыл. Шагни азгъунувхьайни эскерарше растына хъадыйн шагьарбы, хивар аххъаххъа ыхьа. Манкъуни фыкрей Кавказ джуни хылехъа сауй ыхьа. Манкъун оlги явашаъасдимее Дагъыстаннын миллетбы саджигейхъа сады. Гуджнан вурушбы гидгъыл. Хыллийда цlыцlахьайни вурушбышее Дагъыстанни къошунбыше  Надир-Шагьын дестебы дагъылмышауйнбы. Дагъыстанни миллетбышди садибьйваллайни байрамыхъад йиссейн таарых водун. Ааlлимаршини увгьойхъа гора, 18 асырни 1741-ъэсди сен Кавказылхъа Иранна Надыр-Шагьее ваlш аазыр эскерыква басгъын гьау. Манкъуна хаlбна сафарый Дагъыстанейнче гибгъыл. Шагни азгъунувхьайни эскерарше растына хъадыйн шагьарбы, хивар аххъаххъа ыхьа. Манкъуни фыкрей Кавказ джуни хылехъа сауй ыхьа. Манкъун оlги явашаъасдимее Дагъыстаннын миллетбы саджигейхъа сады. Гуджнан вурушбы гидгъыл. Хыллийда цlыцlахьайни вурушбышее Дагъыстанни къошунбыше  Надир-Шагьын дестебы дагъылмышауйнбы. Мани саягъылидын вурушбыйий алдабхьынийбы Дагъыстанни таарихее хаlдда ыхьа. Гьар элес душманын йыlкь гьакъараъасдимее манбы  саджигеехъа сабайли вухьа.  Темизни фыкырыка абыйнбышис гьаммаше гьуlрмат гьавъу.  Писди фыкырбышика арына делес хъау деш. Хыле ярагъуква арына ярагъуквар хъикlуна. Аlрейнче хаlдда сенбы адкlынейид, къийнад Дагъыстанни  халкьбышди аlрайл' ман аlдат аху водун. Дагъыстанни миллетбыше джона садибийвалла садджу югни йигъбышил'джад деш, дагъамни йигъбышилид гьуваджена. Гьайни сен къадле сен быкырхьа Дагъыстанейхъа къырагъылле абыйни душманарше басхун гьауйн. Манке хабар дена республикайни сувал'ни районбышейхъа хыле ярахукван душманар иккебчlы. Манбышди фыкрее Дагъыстанын Конституцейн къурлыш дагъылмишаий ыхьа. Кьоlбле вазна цlыцlахьайни вурушбышее хаlбба тахсир дешин инсанарый эскерар гьалакувхьа. Душманарше джос таlъбы дёхьенбы гябатlа вухьа. Гьни элейсыб Дагъыстанни халкьбыше джона садабийвалла гьаагуна. Инсанарше манбышин оlги явашаъасдимее республикайни чlаlкни шагьарбышее дестебы сау, эскерарашика саджигее душманаршика вурушбы ыккы. Хъидебтlул абыйн, хыле ярахыкван душманаршин дестебы дагъылмишауйнбы.  Манбышди игитийвалис гыргынбыше ахтына кьиймат гьуво. Манбышди аlрайл' оlлкайна хааlрна В. Путиныр ыхьана.  Дагъыстан хаlдда халкьбы ешемишехьен республика вобна. Къыйнийни йигъыл' Дагъыстанне 60 авабкьырийн джурабаджура миллетбы ешемишехьи.  Манбы гьаммаше югни-писди йигъыл' санаб вобунбы. Мани миллетбышихъад джон аlдатбы, маданият водун. Манчихъа ил'дяакы, лазымда хъадыйнкъаl, манбы саджигейхъа сабайли, сана-санкъус кумаг. Дагъыстаныс кьырагъыле гичl вобнанкъаl, манбы Ватан къорамишаъасдимее къелилхъа сугъооца.Дагъыстанын садибийваллайн йигъ гьар сен республикее хаlнни тентейква алгъайгьен аlдат водун. Гыргынанкъаl манчис къассырыйн йигъынджахбы, концертбы алгъайгьи, байрамбы алгъаъасдимее  гыргын халкьбы саджигейхъа савайли. Магьаlд манбыше джони аlрайл'на даствалла, сана-санкъукван гьуlрмат гьеххаъа. Гьайни сеныд садибийваллайн йигъ хаlнни шадвал'бышиква алгъаъас гьаlзироохьи вобунбы.  Гьийгъанче гьихъа республикайни щагьарбышее, районбышее, хиваршее джурабаджура садибийвалайс къассырыйн йигъынджахбы, тадбырбы илгъааl водунбы. алгъаъан. Хаlдын шадлыхбы сентябрьни 15-чил' Магьаlчкъалайни шагьарее илгъечlес.

Оцените материал
(0 голосов)

Читайте также

В Махачкале подвели итоги конкурса по родным языкам

фев 22, 2020 Образование

...................................................................................................

В высокогорном районе Дагестана построят футбольный стадион

фев 21, 2020 Общество

...................................................................................................

В Дагестане обсудили разработку Стратегии-2035

фев 21, 2020 Политика

...................................................................................................

В Дагестане планируется открыть высокотехнологичную медицинскую клиник…

фев 21, 2020 Политика

...................................................................................................

Рустаму Мурадову присвоено звание генерал-лейтенанта

фев 21, 2020 Общество

...................................................................................................

Глава Минобрнауки Дагестана напишет ЕГЭ вместе с родителями выпускнико…

фев 21, 2020 Образование

...................................................................................................

В Махачкале пройдет презентация антологии «Работайте, братья!»

фев 21, 2020 Общество

...................................................................................................

Проект «Местные инициативы» реализуется в нескольких селах Буйнакског…

фев 21, 2020 Общество

...................................................................................................

Президент России назначил в Дагестане трех районных судей

фев 21, 2020 Политика

...................................................................................................

Дагестан перейдет на прямые выплаты работникам по обязательному социал…

фев 21, 2020 Политика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru