Гыл’мецIни джамаъаIтын имааджий гьавъу

Темизийвалике инсанаршина джанана саламатыйвалла, ыIмрелхъан гьавас аIслыда водун. «Темизийвалла» джувабыхъад хаIдда маIънабы водунбы: цIеббыйна- йикIена, фыкрена; кьоIдъэсда — вуккекани ыIмрена , къеджени ишбышда; хьебыдъэсдаб – ешемишехьени джигайл’ гьувааджена.

Къийна йиш да гаф хьебыдъэсди «темизийвал’ни» гьаIкIена вуккан. Хавна либас джил’ни темизийвалике, хивна либас майдамни темизийвалике, шагьар либас кучебышди темизивалике ашкароохьи. Темизийвалла  гыргынкъве, гьаммаше ва гыргынанкъаI гьувааджес вуккан. Темизийвалла иманын сура водун. Къийна йиш да гаф хьебыдъэсди «темизийвал’ни» гьаIкIена вуккан. Хавна либас джил’ни темизийвалике, хивна либас майдамни темизийвалике, шагьар либас кучебышди темизивалике ашкароохьи. Темизийвалла  гыргынкъве, гьаммаше ва гыргынанкъаI гьувааджес вуккан. Темизийвалла иманын сура водун. Темизийвалла гьаар инсане джуле, хизанеенче, хивеенче ва ил.ах. гивгъалас вуккан. Аанче биче, къаанче куче деш гьаъас ыккан. Темизийвалла гьувааджий, табиятылхъа мугъаедхьай, йахъ-кьыIт’ абырыл’ аххъый ушахийвалее инсанни бейнеехъа адчес ыккан.  Гьел’бедти, вахтале — вахталхъа джамаъаIт саджигеехъа сады имааджийбы (субботникбы ) гьаъас лазымда водунбы, няъас увгьее сабара ишбы кумагыка гьаъас гехьа.  ОIт’мишхьайни  уIлджума Гыл’ мецIни хивын джамаIт , мактабни маъаIллимаршиква саджигее имааджийс хъигъечIу. ШакIле ацIан , мана  поштини йаIхъыл’ хъызаахана  цIеббыйна цIаIхбышда хив вобна. Анджах  махъа Самур дамайни  чейлягъыле доламабышиква машнека илхъеебачIи. Нимеега йаIхъ темизявъейиб , гегъуйбыше, йизбыше , селерше мана гьоогъална. Къубий-къандахылхъа свийкIал. Манчихъа гора , хивыкван алаакьа гьуваджесдимее мана поштина йаIхъ гьаммаше темизяъас вуккан. КьоIбъэсда дагъамийваллаб, ши манчини гьаIкIее одкIунийн, йаIхна даркашийвалла вобна. ЙаIхъни сагъни ва солни сурак’ эзан некбы водунбы. Доламабышее гараджбы ва медын аваданийбы водунб. ЙаIхъ аIкьхъаъасын инканбы гьассыр деш.  Манчихъа илдяаку, хивын джамаъаIт чалышмишехьен мыкIал’бы гигъалассе имаджийбы гьаъас: йаIхъ-кьыIт’, гармабы, вугьурбы хъаъас. Гьайни элейсда имааджий хивеехъа аIккяани йаIхъыл’ вухьа. Манбыше гёгъун гьауйн  кьубий –къандахбы  хъаы. Манбы хъаъа кьоIбле бригада ишлемишивхьа . Эхьалийс поштина йаIхъ машин ийкарас хьинне хъавъуна. Гыл’мецIанче поштина йахъ Лекахъа аIлгьаа вобна. Манчихъа гора, хивни аIрайл’на йахъ хъидявъээ, машин Лекахъа илгъечIес деш.  Ши, имааджее ишлемишивхьайни инсанаршикIле , къел’-хылес кьудрат гьеленва эйгьи!