Вторник, 15 октября 2019, 01:49

Войдите в свой аккаунт

Пользователь
Пароль
Запомнить меня

«Нур» йишди миллетын акьва водун

Автор Юсуф Бабаев Пятница, 27 сентября 2019, 11:03 224
«Нур» йишди миллетын акьва водун
||| ||| |||

«Нур» кIазетын 2020-ъэсди сенийсын одкlуний (подписка) гидгъыл. Кlазет миллетын эл'чий водун. Мани карей джамаъаIтыныд иштирак  гьаъас ыккан. Садджу, аIзизын йихъбы, ши маIгьаIд, йишин кIазет гьуваджес ахаIс.

 

Хъооlни сен «Нур» кIазет чапыке хъыIгъааI гидгъылыйн 25 сен быкырехье. Гьел'бедте, мана манмеегаб кIыл'на вахт дешобна. Мани сенбышее кIазетни редакциейн йишди халкьыка багълыда хаIбна иш вукку. Къийна кlазетни кумагыква йихъбы гьишубы вухьай дюнйейни акьвал' ваацlа вобунбы. Гьаlшде кlазетни кумагын манбы няъаб ешемишувхьай, гьиджо ишбы гьаъа ыхьай хаlббананабышикле ацlа водун. УIл'джумей са элейс Дагъыстанее хъигъааlни кIазетын йихъбышин до дюнйейлхъа еймишау.Хъооlни сен «Нур» кIазет чапыке хъыIгъааI гидгъылыйн 25 сен быкырехье. Гьел'бедте, мана манмеегаб кIыл'на вахт дешобна. Мани сенбышее кIазетни редакциейн йишди халкьыка багълыда хаIбна иш вукку. Къийна кlазетни кумагыква йихъбы гьишубы вухьай дюнйейни акьвал' ваацlа вобунбы. Гьаlшде кlазетни кумагын манбы няъаб ешемишувхьай, гьиджо ишбы гьаъа ыхьай хаlббананабышикле ацlа водун. УIл'джумей са элейс Дагъыстанее хъигъааlни кIазетын йихъбышин до дюнйейлхъа еймишау.Кlазет  гьазир гьауй, ман чапыке къайиккый сибыкна  иш дешобна. КIазетейхъа гьелен макьаалабы  югунбы ихьесдимее редакциейн  хаIбна заlгьмат гьааъа. Мааъаад ойкlанан  хаlдданан  материалбы йихъбышди таарыхис, манбышди къийнийни йигъыс, гьаъани ишбышис, экономикайс кьассрыйнбы водунбы, Манчиле савагьийда, кlазетни сайфабышее йихъбышди  ааlлимарщис, ишкар инсанаршис, заlгьматкаршис, джаванаршис, шаираршис къассырийн материалбы гьеххалика растына хъайленбы. Редакциейна энки хаlбна макьсад - ед'на миз' гьувааджий, манчис инкишаф гьаъас имканбы яратмишауй. Мактаббышей ед'ни мизелин дарсыбы гьелени маъаIллимаршини хаишиква кlазетее джурабаджура материалбыд  гьели водунбы. Манче нейинки мактаббишей дарсыбы ыккейс, ед'на миз кlооралейнче хаlб хъоохьенбышисид хаlдын  кумаг гьели. Маданият, адабият дюнйейл'ни гыргыни халкьбышин акьва водун. Геллесди вахтал' джамаъаIтын кlазетни сайфабышее манчиква багълыданан макьалабы тlабалааъа. Амма мани сардан  йишди миллетыхъад хаlдда дагъамийваллабы водунбы. Къийна йихъбышин хаIдданан аIдатбы, фольклор, шечIбы, тампаджабы, меххьвар аIрейнче адкlын водунбы. Манбы саджигейхъа сааъасдимее редакциейни ишчереше гуджнаба иш вуккекка. ШакIле ацIан, ненаджаб иш къирагъыле кумаг дена вуккэйс дагъамба воохьена. Редакциейс кумаг вушди сурале, подписка гьауй водун. Гьайни сен йишди фыкрей хаIдни сафареехъа хъагъебчIый вухьа. Йихъбышди гыргыни хиваршей ивийкырый, чIаIкни шагаьрабышей гудмишоохьени ишкар инсанаршиква горушмишувхьайний. Амма спонсорар девхьайхъа гора, хаlдданан фыкрей аххъыйн ишбы гьаъас даlхыйнбы. Шахъаб умуд вобна хъооIни сен вушди кумагыква ши мурадылхъа гьивхьарасынбы. Сабара сенбы водунбы Россиейни джурабаджура джигабышее ишлемишоохьени ищкар инсанарше кlазетна иш юг хъаъасдимее джоке ахаlн кумаг гьелен. Анджах манбышин сиягьый манмеегад хаlдын дешодун. Мани ишее авхуйнбыб къырагъыл' илёозарас вуккан деш. Йихъбышин къийхъыйн йигъ югун ихьесдимее джоке ахаlн кумаг гьелес ыккан. Водни дагъамийвал'бышихъа ил'дяакы, «Нур» кlазетын гьар сен мактаббышее хъаlдаххъани ушахаршини аlрайл' ед'ни мизелидын конкурсбы алгъайгьи. Манбышди аlрайл' едни мизелхъан аlшкь, гьавас хаlд хъаъа. Югун билиг гьагуйни щигыртаршис мукафатбыйий пайбы гьели.  Гьар сен падписка гидгъылыйнкъаl редакциейн ишчер сабара четинийвальбышика  растына хъавайли. Манбы аккка-акка ивийкыр подпискабы гьаъа. Хаlббананбыше подпискабы гьаъа деш. Манбыше джурабаджурайн багьнабы тlабалаъа. Мани сардан дагъамна вазият  МагьаIчкъалайни шагьарей вобна. Сеале-сеналхъа подписка гьаъанбышин сай кlыл' хъехьи. Къийна  мани суракена иш сибык хъаъасдимее редакциейхъар подписка гьаъана ишчий ворна. Шохъаб подписка гьааъасда вахт дешхьее, редакциейка  алаакьа аххъе. Вушда иш сибык хъаъасдимее подпискабы гьаъана инсан шу увгьойни джигеехъа айрес гьаlзирра ворна.ГьоlкуIматын йишди миллетыс «Нур» кIазет, джамаъаIт саджигеехъа сааъасва гьуво. Гьалекийс шакIле ман къеджи деш. Къийна йишин халкь Иван Крыловни «Квартет» донани баснейни персонажбышик акар. Гьаарна джус ешемишехьи. Амма маIгьад ихьес ыккан деш. Миллетна саджигейхъа савалесда вахт хъабы гьибхьырна. Къийхъа геджда ихьес.АIзизын йихъбы, гьуIрматукан йишин халкь, дора «Нур» кIазетис хъооIни сенийсын подписка гьааъас! «Нур» кIазетын гьар хаахъа, хизанейхъа иших ыккекка. Ман йишин, йишди миллетын акьва водун. Дора йишин акьва Нуруква гьуваджесдимее саджигейхъа савалес, кlазетыс подпискабы гьаъас..

Оцените материал
(2 голосов)
Последнее изменение Пятница, 27 сентября 2019 11:10

Читайте также

Обсуждена реализация национальных проектов «Демография» и «Здравоохран…

окт 14, 2019 Политика

...................................................................................................

Боксер Патрик Дэй находится в критическом состоянии

окт 14, 2019 Общество

...................................................................................................

В Махачкале состоятся торжественные мероприятия, посвященные фестивалю…

окт 14, 2019 Общество

...................................................................................................

Дагестан удостоен гран-при выставки «Золотая осень – 2019»

окт 14, 2019 Экономика

...................................................................................................

Дагестанские потребители газа выбирают безналичные платежи

окт 14, 2019 Общество

...................................................................................................

Дагестан официально перешел на цифровое телерадиовещание

окт 14, 2019 Общество

...................................................................................................

Избербаш - лидер управляющих организаций Дагестана

окт 14, 2019 Общество

...................................................................................................

На восстановление жилья погорельцев села Тисси-Ахитли выделят средства…

окт 14, 2019 Политика

...................................................................................................

В Дагестане улов рыбы вырос на 30 процентов

окт 14, 2019 Экономика

...................................................................................................

Дагестанский FMX-райдер планирует совершить прыжок в Сулакский каньон

окт 14, 2019 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru