Воскресенье, 23 февраля 2020, 22:04

Войдите в свой аккаунт

Пользователь
Пароль
Запомнить меня

Кьаlсинбы хавна - баракат, хивна -девлет

Автор Наргиз Гамзаева Пятница, 27 сентября 2019, 11:40 419

Цывылихъа, Октябрьни санчил’ Дюнйейл’ кьаIсинбышин  Йигъ къейдаъа. Къийнийна йишда макьале кьаIсинбышис къабсырна вухьес. Дагъыстанни миллетбыше кьаIсди инсанна дераджа, ваIъазбы, васибы, мислягьаIтбы гьаргьаммаше гьихъа аххъы. КьаIсинкъун джуваб хизаныс, нассылыс, хивыс кьаанун ыхьа.

 

КьаIсин инсанар хавна, хизанна, хивна баракат вобна. Манбышди гьалалыйвалике, каамил’ни ихтелетике духйебышди, йишбышди, невабышди ыlмрен накьыш аlслыда. Тохумена, нассылна гьуlрматий дараджа джони кьаlсинбышди гьаlракатбышике ва къеджени хайир ишбышике аlслыба. Неджодти вааджибын ишбы къаджессе гьихъа, цlедта мислягьаlтбы, йишди дагъыстанни миллетин, кьаlсди агъсаххъаларшика гьаъа. Гьел’бедти, цlаlхбыб (йихъбыб) мани сыранеехъа гябакlа.КьаIсин инсанар хавна, хизанна, хивна баракат вобна. Манбышди гьалалыйвалике, каамил’ни ихтелетике духйебышди, йишбышди, невабышди ыlмрен накьыш аlслыда. Тохумена, нассылна гьуlрматий дараджа джони кьаlсинбышди гьаlракатбышике ва къеджени хайир ишбышике аlслыба. Неджодти вааджибын ишбы къаджессе гьихъа, цlедта мислягьаlтбы, йишди дагъыстанни миллетин, кьаlсди агъсаххъаларшика гьаъа. Гьел’бедти, цlаlхбыб (йихъбыб) мани сыранеехъа гябакlа.КьаIс’валла ыIмрен екунбы гьааъана девыр вобна. КьаIс’да инсан ыIмыр къавджена инсан ворна. ЫIмрее джурабаджур югун-писин гьаадисабы эйхьи. Мана манчина шагьад ворна. КьаIсда инсан каамил’ра эйхьи. Манкъве ыIмрее эхьени саIгьвбышике къорамишааъа. Оlгийл’ гьар хивыхаб чина гимга вухьа. Гимгайн ярашугъ кьаlсинбы вухьа. Сасса вахтал’ хивыс ааидын суалбы гимгее гьаlллаъа ыхьа. Хивеехъа арына мигьман цlерра гимгехъа салам гьевлес кьаlсинбышисахъа хъарайли ыхьа. Дагъыстане кьаIсинбышда гьуIрмат гьаммаше ахтывале вухьа. Къийнад ман югун аIдат мейид водун. Шинад, цIаIхбышед ешли инсанаршин джуваб оIгиилид, гьаIшдед дараджайка гьуваджи. Са хаIбна иш гьааъассе гьихъа, цIебба мислягьаIт кьаIсинбышиква гьааъа. Дават-давлатее, суннате, доъаIнани джиге, медни хайир ишбыше манбы гьийдни джаргабише водунбы. КьаIсинкъун джуваб мысаджад къел’бышике авхъа гьувойн деш. Умыд гьааъана геледжагъылид гьаIмагьад ихьес.ОIгее шахъад аIдатний водун чубара хизанеенче джуроохьенкъаI, кьаIсин едий дек’ кIыл’ни духайквани аахванбы. Деккин хавыд манкъусний ахван. ГьаIшде гыргынанкъаI, ман аIдат аху дешодун. Сабара хизанбышее кьаIсинбы текба аахва. Ушахар гьаар суралхъа дагъылмишивхьа авайкIананбы. ГьаIмагьабна вазият гьаIшде Сувал’ни маIгьалыл’ яратмишивхьа вобна. Садджу  инсанарджаб деш, маадын хиваарыд кьаIс’хъыхьа. Сасса  хиварджад сувал' аху деш. Мани сабабыхъа гора, мааъаб ешемишебаххьен кьаIсин инсанарыб шагьареехъа кочмишоохье. Къийнаб йишин къасинбы хиваршин къаравулер вобунбы. Манбыше гьалекийс сувал'на «Чирахдан» гьувааджы вобна Гьар цIаIхбышди хиваршихъабыб джон кьаIсинбы вобунбы.  Манбышис ши югун угъурбы арзуламишаъа.
PS. Телевизоренче сасса вахтал’ кьаIсинбышди гьаIкIеедын верлишбы гьагванкъаI, йикI дарыхмишаъа гийгъал. Джанани ушахарше манбы хаанче хъыгъааъа, гёотанбы, манбышике сихбы гьаъа, кьаIсибышди хаахъа хъооли. Гьале чIирыни кьаIсинбышди гьаIкIеедын ихтелет’, зы гьаъаджад деш. ХаIбни Ватанни даIвъийна ветеран гету, джуни рыIгьыле гьелесди садакьайс сауйн пыл къеши. МаIгьдын месалабы аазырбишиква алляъас аIха. Йизди къийнийни макьаалейна метлеб сыкIылбахьейиб инсанар инсафеехъа хъавалявъуй вобна.  Къийна кьаIсди деккейи едее шаке джолхъана фагьам гьувой гозетяаъа. Дора гьалеки манбышди сагъвалее джон йикIбы шадаъас, манбышил’ мугъаетувхьес. Шинаб манбышди дараджайлхъа хъавалесынбы. Гыргынкъус шадна, саакитна, баракайкана кьаIс’валла аIрзуламишааъа!Кьаlсинбышда гьалалыйвалла девхьее, ши кьыкынбы, гуртынбы вухьес деш.  Эн писин кар, деккинайий едина гьалалыйвалла девхьай водун.

Оцените материал
(0 голосов)

Читайте также

В Новолакском районе Дагестана торжественно открыли парка «Дружба»

фев 23, 2020 Общество

...................................................................................................

Школьники Махачкалы очистили от мусора "легкие" города

фев 23, 2020 Общество

...................................................................................................

Водоснабжение в двух районах Махачкалы восстановят к концу дня

фев 23, 2020 Происшествия

...................................................................................................

Абзагир Гусейнов и Залкип Курбанов осмотрели мелиоративные объекты Се…

фев 23, 2020 Экономика

...................................................................................................

В Махачкале отрыли мемориал, посвящённый героям-защитникам родной зем…

фев 23, 2020 Общество

...................................................................................................

Глава Дагестана поздравил дагестанцев с Днем защитника Отечества

фев 23, 2020 Общество

...................................................................................................

В Махачкале подвели итоги конкурса по родным языкам

фев 22, 2020 Образование

...................................................................................................

В высокогорном районе Дагестана построят футбольный стадион

фев 21, 2020 Общество

...................................................................................................

В Дагестане обсудили разработку Стратегии-2035

фев 21, 2020 Политика

...................................................................................................

В Дагестане планируется открыть высокотехнологичную медицинскую клиник…

фев 21, 2020 Политика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru