Воскресенье, 23 февраля 2020, 22:27

Войдите в свой аккаунт

Пользователь
Пароль
Запомнить меня

Миллетыс джан гийхьена имам

Автор Курбан Омаханов Пятница, 27 сентября 2019, 12:27 656

Сентябрьни 26-чил' йишди «Нур» редакциейни достын, Гыл'мецни хивни имамын, Рутул районени маIргьамат фонд «Инсанни» хааIрункъун АIсадуллагь ГьаIджийн 55 сен быкырхьа.

Дюнйейл' гьаар инсане джусда гьуlрмат вудже къеджени ишбишиква ва гьаъани гьаlракатбишиква къазанмишааъа. Ман карбыд аlслыда водунбы декикейий едике алеетlуйни тербиейке. Гьаlдис вобна: «Деккикейий эдике ушахаршис аахвасда энки югна ва хаlбна пай тербие водун ». Шукур Аллагьылхъа, ши, цlаlхбыше (йихъбыше), йишди баба-дидерше, деккярше  гьувойн насигьаlтбы къелик' авхъа гьеленбы дешки.Дюнйейл' гьаар инсане джусда гьуlрмат вудже къеджени ишбишиква ва гьаъани гьаlракатбишиква къазанмишааъа. Ман карбыд аlслыда водунбы декикейий едике алеетlуйни тербиейке. Гьаlдис вобна: «Деккикейий эдике ушахаршис аахвасда энки югна ва хаlбна пай тербие водун ». Шукур Аллагьылхъа, ши, цlаlхбыше (йихъбыше), йишди баба-дидерше, деккярше  гьувойн насигьаlтбы къелик' авхъа гьеленбы дешки.Йишин, ойкlананбышин, бордж водун  цlаlхбышин  югун аlдатбы кlелиханаъас гьидяссырый ва ман адаббы гьуваджени инсанаршини гьаlкlее одкlуний. Няъас увгье, манбы йыlкьале хъооlни архайс чечнайс ахведжин.Къийнийна йизда гаф маlгьарни са инсанни гьаlкlеена вухьес. Мана ворна гыл'мецlалий Аlсадуллагь маъаlллим-гьаlджий.Аlсадуллгьа гьаlджийква  гьамбазыйвалла гьааъан хаlдда сенбы водунбы. Джамаъаlте эйгьен хьинне, зы манкъука са пуд кьеван одхьун. Манчихъа гора, закlле мана хьобле тlуб хьинне  ацlа ворна. Манкъука зы педагожи институте хъаlдаххъанкъа таныхьа. Зас манкъуни гьаlкlее достыни гьаlкlее хьинне деш окlанас ыккан, манкъуни гьаlкlе инсафнани, иманнани инсанни гьаlкlее хьинне. Шахъаб сабабыб вобна- Аlсадуллагь гьаджийс 26-ъэсди сентябрыл' 55 сен быкырехьи. Мана гьавъуйни ыlмрен екунбы хъелена вахт вобна. Аlсадуллагь Рамазанов едике шааираршини хивее Гыл'мецlа 26-ъэсди сентябрыл' 1964-ъэсди сен едике ыхьа. Мана мактабна телябананкъаlджар ыlмрелхъа гьаваснана, Ватанылхъа муlгьубнана, динилхъа аlшкьнана гаде ыхьа.  Мактаб таамауйле хъийгъа, 1982-84-ъэсди сенбише Ватаныс бордж хъувы. Эскеренче хъары хивее джурабаджур ишбы гьау. Гойне мана хъаlдхъас икечlуна Дагъыстанни девлет педагожи институтни таарых факультетехъа. Манкъус ман заочныда хъаlдхъас кьисматхьа, няъас увгье хизан гуд'мишааъасдиме мана мактабе ишлемишехьи гиргъыл'. Йицlукьвад сенна Лекни мактабе маъаллимна ишлемишхьа. 1995-ъсди сен манкъве институт таамау таарыхни маъаллимна диплом алебтlу. Мана мани сенбише маlгькамра цlаlхбишди таарыхни ооъар ишлемишхьа. Аlсас мана нягьаlдый цlаlхбише исламын дин кьабыляу, няайий цlедда манзикбы ачмишау, гьишубыйий динил' ооъаб маlшкьулувхьа. Ассадуллагь чалышмишьана мактабыний манзикын аlрабы сана-санчиква уйгъунаъас. Къийнад Аlсадуллагь маъаlллиме джун санаъаlт баджитда Гыл'мецlни йыlкьнекни мактабее ыккекка водун. Мактаббни маъаlллимаршини, телябабышди, ишчершини аlрее манкъухъаб хаlбна гьуlрмат вобна. Манкъве дарс гьувойн ушахар гьаlшде Россиейни гьар шагьарбише джурабаджур къуллухбишил' ишлемишоохьи. Манбыше гьаммаше джони маъаlллимын до югвалис агъмишаъа.Кьооlдъэсда игитийвалла Асадуллагь гьаlджийна, хивее  динис гьаlракатыквана кьуват гьувое къооджи. Исламни диныс ыlбадат гаъа гиргъылле хъийгъа, Асадуллагь гьаlдж къил'мишааъас гьаркlын. Хивни джамаlъатыква саджигее Гыл'мецlа манзик аляаъасда мислягьат къавдже. Са сенни аlрее хивее батlрайна манзик алявъу. Манчини гьаlкlее ши кlазете макьалебы гьувойнбы. Цlаlхбишди ишкараршини кумагыква мана иш гьавъуна. Аlсас манзик аляаъанкъаl хаlдын кумаг Байрамов Адиле гьуво. Гьаlшде Аlсадуллагь гьаджий Гыл'мецlни манзикна имам ворна. Манкъве хивееъад диниква багълыданан суалбы гьаlллаъа. Манчиле гъайре Аlсадуллагь гьаджий йишин кlазет хъаlдаххъана ворна. Вахтале- вахталхъа манкъве одкlунийн макьалебы «НУР-еэ» чапыке хъигъечlи.Манкъуни напсена  темизийвалла , динылхъан аIшкь, иман, инсаф къадже АIсадуллагь гьаIджий Сувл'ни маIгьалыл' ачмишауйни «Инсан» фондыни филиална садрына сечмишау. Манкъвее ЦIаIхни дерайни имамыква Эл'дар гьаIджийква вахтале-вахталхъа хиваршее чIирни , кьаIсди, касибни , инвалид инсанаршис садакьайс одхьанан кар, аляъан палтар битIалаъа. Гьайни сен манбыше мактабни ушахаршина сумка савъу. Манчиле гъайре манбы ваIъазбы гьели гьар ташкилатбышее ивийкар. АIсадуллагь гьаIджий хивни аIрайлин ишбы гьаъанкъа, цIеррыйна имаджееехъа хъигъечIи Аlсадуллагь гьаджийн маlгькамын далы джуна хизан вобна. Хьунащейква Нарынгуликва саджигее кьоlйре гадебы  са ичий чlакlы хъавъу, манбышис хъаlдхъий гьуво, эвлемишавъу, хав- уджагъынбы гьавъу. Гьаlшде Асадуллагь гьаlджийий Нарынгул' халай дидейий ади вобунбы.Аlсадуллагь гьаджий, Ши, йигъни гьамбазарше, гъу юбилейква табрикаъа! Гъу ниятеехъа алеетIуйн ишбы быкырхьес Аллагье кумаг гьаъан.

Оцените материал
(8 голосов)
Последнее изменение Пятница, 27 сентября 2019 14:13

Читайте также

В Новолакском районе Дагестана торжественно открыли парка «Дружба»

фев 23, 2020 Общество

...................................................................................................

Школьники Махачкалы очистили от мусора "легкие" города

фев 23, 2020 Общество

...................................................................................................

Водоснабжение в двух районах Махачкалы восстановят к концу дня

фев 23, 2020 Происшествия

...................................................................................................

Абзагир Гусейнов и Залкип Курбанов осмотрели мелиоративные объекты Се…

фев 23, 2020 Экономика

...................................................................................................

В Махачкале отрыли мемориал, посвящённый героям-защитникам родной зем…

фев 23, 2020 Общество

...................................................................................................

Глава Дагестана поздравил дагестанцев с Днем защитника Отечества

фев 23, 2020 Общество

...................................................................................................

В Махачкале подвели итоги конкурса по родным языкам

фев 22, 2020 Образование

...................................................................................................

В высокогорном районе Дагестана построят футбольный стадион

фев 21, 2020 Общество

...................................................................................................

В Дагестане обсудили разработку Стратегии-2035

фев 21, 2020 Политика

...................................................................................................

В Дагестане планируется открыть высокотехнологичную медицинскую клиник…

фев 21, 2020 Политика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru