Воскресенье, 23 февраля 2020, 23:22

Войдите в свой аккаунт

Пользователь
Пароль
Запомнить меня

Шааирын ёкьудъэсын китаб чапыке хъигъечIу

Автор Пятница, 04 октября 2019, 14:19 260

2019 сен цIаIхбышди адабиятни сардан болун ва гьаIракатын ыхьа. МаскIавни шагьаерее цIаIхбышди шааираршин ва язычершин асарбынан китаб «Анталогия национальной прозы России», МаIгьачкъалее «Нур» кIазетын цIаIхбышди шааираршин садибын китаб «Шааираршина маджлис» чапыс гьазирау, Валегь Гьамзатын китаб «КIаарна биссий»,  Дербент Фазил Дашлайн китаб «Два крыла» (йишдид шааираршини шечIбышикван) китаббы хъигъечIу.

 Джурабаджур майдамбышее мани китаббышин презентациебы илгъечIу. МаIгьачкъалее илгъевчIуйни  китаббышди  ярмарке  «Тарки-тау  2019» Гьамзатни китабын «КIаарна биссий» цIеббыйна джига алебтIу.Джурабаджур майдамбышее мани китаббышин презентациебы илгъечIу. МаIгьачкъалее илгъевчIуйни  китаббышди  ярмарке  «Тарки-тау  2019» Гьамзатни китабын «КIаарна биссий» цIеббыйна джига алебтIу.Цывылин меб югна хабар абы . Сентябрьни вуза, МаIгьачкъалее, «Алеф» донани чапханее йишди шааир АIбдураIгьим Дадашевын тезе китаб «Ну как молчать?»  хъигъечIу. Ман манкъун ёкьудъэсын чапыке хъыIгъааIн китаб водун. ОIгийл' хъигъечIуйн китаббы: «Уста РагьыIмна хаIне», « Йихъистан», «Сувабы вергъек авуд» - манбы цIаIхни адабиятни мизел' чапыке къайиккы. Амма екьудъэсын китаб «Ну как молчать?» урысни мизел' хъигъечIу, йаIъни махъа урусни мизел' одкIунийн А. Дадашевын шечIбы гядкIу.  Авторни ва махъа гядкIуйни асарбышди гьаIкIеедын маIълумат китабее шааир, журналист Къинады Саиде одкIун. А. Дадашеве китаб ёкьни  разделбышилхъа боIлмишау: 1. Родной край. 2. Лирические мотивы. 3. Тревожные годы. 4. Поэмы. Мани гьаарни разеделыхъад чин тематик жанр водун . ЦIеддыйни разделе Ватаныхъа, табиятыхъа, вахтыхъа, байрамбышихъа къассырыйн шечIбы водунбы. КьоIдъэсди разделеехъа муIгьубни, аIшкьни , джегьилийвал'ни, севгилимни (ярни), кьаIгьраманаршини, шааирни гьаIкIеедын шечIбы водунбы. Мани гыргыни шечIбышда маIъна муIгьубыква алаакьаба вобна. Хьебыдъэсди разделеехъа авторын ыIмрени  гьаIкIеедын, философ фыкырбынан шечIбы гядкIу. Ёкьудъэсди разделеехъа манкъун чIакIын асарбы - поэмабы: « Я и время», «Строитель», «Штрихи о неудавшейся любви» «Слово о враче» гядкIу. Авторе джун китаб хъаIда­ххъанбышис, адабиятни гьаваскараршис одкIун. Манчихъа гора , мани китабыс кьиймат шу, джамаъаIтын гьевлес. Анджах шааир АIбдураIгьимын до ЦIахурстанни, Дагъыстанни, Россияйни таарыхе гьаммашийс ахвасын. Манкъвее джуни асарбышиква цIаIхбышда джинс, миз, таарых, маданият, Ватан гьувааджи. Гранна йишда дост АIбду­раIгьим, «Нур» кIазетна гьамбаз вас ши джанана сагъвалла гьооххъа ва йигъни тезе китаббышиква ши шадааъас аIрзуламишаъа!

Оцените материал
(1 Голосовать)

Читайте также

В Новолакском районе Дагестана торжественно открыли парка «Дружба»

фев 23, 2020 Общество

...................................................................................................

Школьники Махачкалы очистили от мусора "легкие" города

фев 23, 2020 Общество

...................................................................................................

Водоснабжение в двух районах Махачкалы восстановят к концу дня

фев 23, 2020 Происшествия

...................................................................................................

Абзагир Гусейнов и Залкип Курбанов осмотрели мелиоративные объекты Се…

фев 23, 2020 Экономика

...................................................................................................

В Махачкале отрыли мемориал, посвящённый героям-защитникам родной зем…

фев 23, 2020 Общество

...................................................................................................

Глава Дагестана поздравил дагестанцев с Днем защитника Отечества

фев 23, 2020 Общество

...................................................................................................

В Махачкале подвели итоги конкурса по родным языкам

фев 22, 2020 Образование

...................................................................................................

В высокогорном районе Дагестана построят футбольный стадион

фев 21, 2020 Общество

...................................................................................................

В Дагестане обсудили разработку Стратегии-2035

фев 21, 2020 Политика

...................................................................................................

В Дагестане планируется открыть высокотехнологичную медицинскую клиник…

фев 21, 2020 Политика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru