Воскресенье, 23 февраля 2020, 07:10

Войдите в свой аккаунт

Пользователь
Пароль
Запомнить меня

Цывылийна Мишлешехъана сафарий

Автор Кьурбан Омаханов Пятница, 11 октября 2019, 11:25 877
Цывылийна  Мишлешехъана сафарий
||| ||| |||

Цывыл' Сувал'ни маIгьалыл' эн уфтанна ва эн болна вахт вобна. Манке гихъийаллани дюнйейн чина либас гьар рангбышиква бадалааъа. Инсанарше джосда кьыIдимийсда гьаIзирыйвалла къавдже воохьи. Манке хивни аIреени ишбышике сибыкывхьа воохьи.

Октябрьни кьома «Нур» кIазе­тыний «Лачын» журналын ишчера Сувал'ни маIгьалыл' сафарийе вухьа. Махъа гьабкIынна метлеб вухьана йишди кIазетысыний журналысын подпискабы  ва сувал' ешемишоохьени инсанаршини гьаIкIеедын маIълумат саый.Октябрьни кьома «Нур» кIазе­тыний «Лачын» журналын ишчера Сувал'ни маIгьалыл' сафарийе вухьа. Махъа гьабкIынна метлеб вухьана йишди кIазетысыний журналысын подпискабы  ва сувал' ешемишоохьени инсанаршини гьаIкIеедын маIълумат саый.Мани йигъбышди аIрее ши гьар хиваршее вухьа ва мааъаб ешемишоохьени инсанаршиква горушмишивхьа.  Къийнийна йишда макьале Мишлешни хивее вухьайни йигъыкена вухьес.Мишлеш эн хаIбна Сувал'ни маIгьалыл'на цIаIхбышда хив вобна. Ши мааъаб маъаIллимаршини байрамни йигъыл' (5 октябрь) вухьа.  Манчихъа гора йишда сафарий мактабеенче гибгъыл. МаъаIллимаршиква горушмишивхьа  ва манбы джони ишини байрамыква табрикавъу. Мактабни директоре Ислам Ибрагьимове шас мактабна вазият йишонавъу. АIхреени вахтал' мактабее гьауйни ишбышикена шас хабар гьуво. Манкъуни увгьойка мактаб хъаIдхъийни 2019-20 сеныс гьаIзирда водун. Гыргын билиг, ацIаал' алеетIасын тадбырбы къадже водунбы. Анджах сабара карбыше йишин гьавас гьакьвараъан. Гьайни сенийни хъаIдхъийни пIланее ед'ни мизекений адабиятыкен саъаIтбы кIыл'хъау. Манбы урусни мизени ва менни дарсбышис хъуво. КьоIбъэсда дагъамийваллаб ушахар ЕГЭ-ше «сыхмышавъуйка» багълыба. Шигыртарше 9 –эсын сыныф таамау, ЕГЭ-бы хъелесди дерден, мактабеенче авайкIананбы.  Ман кар шакIле гыргыни мактаббышее къадже. Мишлешин мактаб Сувал'ни маIгьалылин базовой мактаб водун. Ушахар мани мактабее хаIбба вухьайхъа гора, хаIдданани вахтал' конкурсбы, олимпиадабы, баIстбы , маджлисбы ва медын йигъынджагъбы мааъад илгъечIи. Гьайни сен Мишлешни мактабыхъад 10 сыныф дешин. ХъооIни сен, агар маIгьад ахвее, къеккан сыныф ихьес деш. Мактабни таарыхе маIгьдын кар ыхьайн деш.Мани дагъамийвал'бышихъа ил'дяаку, мактабни директоре Ислам маъаIллиме гыргын ушахаршис  хъаIдхъий ва тербие гьелесын шарааитбы яратмишау водунбы. Мактабна бинаа йиссейна вухьейиб, мана аанче ва къаанче аIдатыйба хъавъуна. Мактабын китабхана, спортын майдам, пищеблок медни мактаббышис чечнайс гиххьес эйхьи. Анджах сабара гьаIллаъасын суалбы мактабни регьбераршини гьийд водунбы.Мани йигъыл' мактабни маIгьаллее дагъайдни сыныфни шигыртаршина, маъаIллимар байрамыква табрикааъана, линейка вухьа. Мана маджлис Фейзуллагь маъаIллиме вукку. МаъаIллимар табрикааъан чыхышбы мактабни директоре Ислам маъаIллиме, «Нур» кIазетни хааIрни редакторе Байрам АIбдуллаеве, «Лачын» журнални   редакторе Валегь Гьамзаеве гьау.  Б. АIбдуллаеве «Нурни» дойиле пайис мактабыс Мишлешни хивна шикыл' гьуво. В. Гьамзаеве йишди ишкарее Вагьаб Рустамовее ушахаршис пайис одкIунийн 2019 сенийн «Лачын» журналбы битIалау.  Мактабни директоре абыйни мигьманаршис пайис цIаIхни мизен лугъатбы (словарьбы) гьуво.  Манчиле хъийгъа ушахарше маъаIллимаршис къассырыйн шечIбы хъаIдхъы ва макьамыква мыкIаар гьау. Манчиква мактабна маджлис таамувхьана. Мактабни маъIллимарше увгьойн: «Ши мед, гьар сенийнбы хьинне «Нур» кIазетий «Лачын» окIанасынбы, няъас увгьее манбы йишди халкьына либас вобнаМани джаб йигъыл' ши хивни администрациейни хааIрункъука Рамазан Къубалыевыква, Мишлешни хивни поштини хааIрункъука ГьаIджимаIгьаммад ТIалибовыка горушмишивхьа. Р. Къубалыеве хивын къийнийни йигъын маIълумат гьуво. Гь. ТIалибове нягьаIдый подпискайн ишбы аIлгъаа ва нен дагъамивал'быйи водва шакIле увгьо. Гьел'бедти, хивни аIрайл' гозет' гьидяъан ишбыд эйхьенбы. Мани йигъыл «Нурын» ва «Лачынын» ишчера Мишлеше раIгьматыххъа абкIынни инсанаршини доIъайс гьабкIын, къыIлина гёдхьунийн хайбы аляъани джигеехъа кьуват гьевлес гьабкIын. Манчиква йишда мани йигъыйна сафарий таамувхьана. Ахуйни ишбышда хабар ши хъигъыйни нумрабышее гьевлес.

Оцените материал
(0 голосов)

Читайте также

В Махачкале подвели итоги конкурса по родным языкам

фев 22, 2020 Образование

...................................................................................................

В высокогорном районе Дагестана построят футбольный стадион

фев 21, 2020 Общество

...................................................................................................

В Дагестане обсудили разработку Стратегии-2035

фев 21, 2020 Политика

...................................................................................................

В Дагестане планируется открыть высокотехнологичную медицинскую клиник…

фев 21, 2020 Политика

...................................................................................................

Рустаму Мурадову присвоено звание генерал-лейтенанта

фев 21, 2020 Общество

...................................................................................................

Глава Минобрнауки Дагестана напишет ЕГЭ вместе с родителями выпускнико…

фев 21, 2020 Образование

...................................................................................................

В Махачкале пройдет презентация антологии «Работайте, братья!»

фев 21, 2020 Общество

...................................................................................................

Проект «Местные инициативы» реализуется в нескольких селах Буйнакског…

фев 21, 2020 Общество

...................................................................................................

Президент России назначил в Дагестане трех районных судей

фев 21, 2020 Политика

...................................................................................................

Дагестан перейдет на прямые выплаты работникам по обязательному социал…

фев 21, 2020 Политика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru