ДжинаIгъни хивее ФАП аляъа

Къийнийни йигъыл’  инсанаршин доланаджагъ  къайдалхъа адчуйниме гьокуlматын хаlдда джурабаджура проектбыйий программабы ишилхъа адчы водунбы. Манчини аlрайл’ сайид  сагъламийвалийква багълыданан  проект водун.  Мани сардан аlхырейни сенбышее Дагъыстаннее хаlдда ишбы ыккы.  Манбы тезе аляъан ФАП-бы, поликлиникабы, больницабы водунбы.

Джинаlгъни хивее тезе ФАП аляъас фыкрее аххъыйн хаlдда сенбыний. Гьайни  сен гьокуlматын тикинтийн ишбы ыккейсдимее имканбы тlалабауйнбы. Къийна устадарше гуджнака манчина бинаа аляаъа. Тикинтийн ишбы ООО «Технострой» донани ташкилатын гозетяъа.Джинаlгъни хивее тезе ФАП аляъас фыкрее аххъыйн хаlдда сенбыний. Гьайни  сен гьокуlматын тикинтийн ишбы ыккейсдимее имканбы тlалабауйнбы. Къийна устадарше гуджнака манчина бинаа аляаъа. Тикинтийн ишбы ООО «Технострой» донани ташкилатын гозетяъа.

Ташкилатна хааlрна Эл’дар Гьаlджиевни увгьойка, ФАП-на бина республикайни хивни тасарруфатни сураке аляаъа вобна. Мана ноябрьни вузани аlхырей быкырааъасда. Ишбы ыккейс къайиккыйн пылбы чини вахтал’ гьидидхьырийхъа гора, шахъад сабара дагъамийваллабы ыхьа. Гьаlшде мани карее кестийвалла дешда. Устадаршихъаб яваш девхьа иш къавджесын гыргын имканбы водунбы.  Чалышмишувхьесынбы гьагуйни вахталхъассе гидгъылыйн ишбы быкыраъас.

Къийна Сувал’ни Маlгьалылин хаlдданан ФАП-бы йиссейда  водунбы. Манбы гьинчле хаlдда сенбына гьихъа аляу. Увгьойбышихъа гора, геледжагъыл’ манбыд  кlылда-кlылда тезелемишаъасынбы.