Четверг, 19 сентября 2019, 20:34

Войдите в свой аккаунт

Пользователь
Пароль
Запомнить меня

«Диана» фабрикайн гьаIракатбы

Автор Кьурбан Омаханов Пятница, 15 марта 2019, 11:56 2140
«Диана» фабрикайн гьаIракатбы
||| ||| |||

Дюнйе джигайл' илёдзур дешодун. Вахтале-вахталхъа манчин къурлыш бадалехьен. Мани бадалхьайбышиква, инсанни ыIмырен ва ешайишин сент' бадалехьен.  ЁкьцIал' сенна гьихъа йишди фыкреехъа хъалес дешдий , йишда ыIмырыб маIгьаб бадалоохьива. ОIгийл' хаIдданан ыIмрека багълыданан суалбы гьоIкуматын гьаIллаъа ыхьа. Мактаб таамауна ушах «аккас» ахва ыхьа деш. Не мана хъаIдхъасний айкIан, нейир ишлемишхьес. Къийхъийни йигъылхъана умыд гыргынкъухъаб вухьа.  Анджах,

 

Совет гьоIкумат дагъылмишауйле хъийгъа, хаIббанан ацIаал'нан, советын тербиенан инсанар  кучеехъа дагъавъу. Ешайиш гьаъасдимее,  хизанбы доланмишаъасдимее, инсанарше гибхьуна иш гьавъуна. Гьаманке йишин джегьилер кьуIванани мебеликва маIшкьулоохьи гибгъыл. Манбыше Урсиятни шагьарбышее хурын къуIванан мебель гьаъан цехбы ачмишау. КIылба-кIылба манчина иш гьаIракатеехъа абчу, манбы гьаIшде фабрикабышилхъа садкIыл. Къийнийни йигъыл' 60 % цIаIхбышин ( йихъбышин) джегьилер манчиква маIшкьулба, йаIъни мана иш гьавъу гуд'мишоохьи.  КьыIдимына зы Уралыл'ни сафарийенанкъаI, мебель гьаъани цехбышее ва фабрикабышее ыхьа. Мааъар зы мани ташкилатбышди регьбераршиква, джааъаб ишлемишоохьени устадаршиква, джо къеккани малаква танышхьа, аляатIани доннухыква ва манбышди ешайишиква марахламишхьа. Зы эйгьи деш, манбыше «аIрдоб гёохъа» , анджах ишлемишехьени инсанее джусын доланджагъ гьаъа вод. ХаIббанани джегьилершихъад джон хайбы, машинбы водод. ХаIббананбышин едарыб цехбышее, ушахбахчебышее ишлемишеебаххьи воб. ДжитIада джосда джига « вергъек' авуб» тIабалавъу воб. Зы нишисне манчина хабар шос гьооли? Зы залер алхъа фыкыррашмышхьайнкъаI, суалбы хъыIгъаа: агар махъа абкIынийн джегьилер Сувал'ни маIгьалыл', районе, республике авхуйнбыхьий, нишиканий манбы маIшкьулувхьес, няаний манбы ишлемишивхьес, нягьаIдний манбыше джон хизанбы доланмишаъас?Совет гьоIкумат дагъылмишауйле хъийгъа, хаIббанан ацIаал'нан, советын тербиенан инсанар  кучеехъа дагъавъу. Ешайиш гьаъасдимее,  хизанбы доланмишаъасдимее, инсанарше гибхьуна иш гьавъуна. Гьаманке йишин джегьилер кьуIванани мебеликва маIшкьулоохьи гибгъыл. Манбыше Урсиятни шагьарбышее хурын къуIванан мебель гьаъан цехбы ачмишау. КIылба-кIылба манчина иш гьаIракатеехъа абчу, манбы гьаIшде фабрикабышилхъа садкIыл. Къийнийни йигъыл' 60 % цIаIхбышин ( йихъбышин) джегьилер манчиква маIшкьулба, йаIъни мана иш гьавъу гуд'мишоохьи.  КьыIдимына зы Уралыл'ни сафарийенанкъаI, мебель гьаъани цехбышее ва фабрикабышее ыхьа. Мааъар зы мани ташкилатбышди регьбераршиква, джааъаб ишлемишоохьени устадаршиква, джо къеккани малаква танышхьа, аляатIани доннухыква ва манбышди ешайишиква марахламишхьа. Зы эйгьи деш, манбыше «аIрдоб гёохъа» , анджах ишлемишехьени инсанее джусын доланджагъ гьаъа вод. ХаIббанани джегьилершихъад джон хайбы, машинбы водод. ХаIббананбышин едарыб цехбышее, ушахбахчебышее ишлемишеебаххьи воб. ДжитIада джосда джига « вергъек' авуб» тIабалавъу воб. Зы нишисне манчина хабар шос гьооли? Зы залер алхъа фыкыррашмышхьайнкъаI, суалбы хъыIгъаа: агар махъа абкIынийн джегьилер Сувал'ни маIгьалыл', районе, республике авхуйнбыхьий, нишиканий манбы маIшкьулувхьес, няаний манбы ишлемишивхьес, нягьаIдний манбыше джон хизанбы доланмишаъас?Шас ыкканан хиваршее джегьилер авхуй, хивар кьаIра хъидехьай, ед'на миз', маданият, адабият, таарых гьуваджий.  Инсанар дешди джигее, манбы четинда гьуваджес. Манчини гьаIкIее балее аххъына инсан къийна республике дешда.Зы ыхьайни къуIванан мебель къеккани цехбышди гьаIкIеедын маIълумат гьувойн. Къийнийна йишда макьаале  «Диана» фабрикайни гьаIкIеена вухьес.  Ман фабрика хаIдвалис Уралылин кьоIдъэсын, Челябинскынчиле хъийгъа, водун.  Ман  Свердловскни вилаетни Берёзовскийни шагьарее ачухауйн хил'дже сенбы водунбы. Фабрикайс хаIбвалла ГьаIджиев Юнусейий АIбдуллаев ЫIсее гьааъа. Къийна мани фабрике 30-40 цIаIхбышда хизан доланмишоохьи вобна.  Зы мани фабрикеехъа гьаркIынийнкъаI, тезе сенийн байрамбыний. Манке зы Юнус ГьаIджиевыква горушмишхьес ыхьа деш. Мана менни шагьареехъайий гьаркIын. Фабрикайни гьаIкIеедын маIълумат шас джуни кумагчершейий феглебыше: ЫIса АIгьмадове, Эл'ман УIмарове, Юзбег Омаханове, ГьаIсан Наврузове, Давуд ГьуIсейнове, МаIгьаммадсалам ГьуIсейнове, Джелил' Джелилове, Рамазан ЙаIгьъяеве ва мебынбыше  гьуво.Йишда гаф гивгъалассе гьихъа, манбыше закIле джон фабрикайн цехбы, иш-джигабы, гьазирауйн къуIванан ва утIумын мебель гьагу, кар ойхьанан, фегьлебы къалябакIан джигабы гьагу.  Манчиле хъийгъа фабрикайни директорни утагъее гивъур манбыше  шас гьаIйнягьабна гаф гьаъву :-Фабрика»Диана»  ишлемишехьен хил'дже сенбы водунбы. ЦIедда ман кIылин цех ыхьа. Манке мааъар са-кьо1йре инсан ишлемишоохьи вухьа.  Цехее ши диванбы джадний гьаъа, сайид йиссейн мебельний тезелемишаъа. Манке шахъад хаIдын инканбы ыхьа деш. Хъийгъа кIылда-кIылда ши ассортимент мебелин хаIдхъау. Инсанар ишылхъа алебтIу. Гьар джура ушахаршини ,чIакIынбышди ешес сикIыйн   диванбы, креслобы къекка гибгъыл. Гойне ши холлбы, кунджеедын холлбы къекка гибгъыл. Шиджад  джурабаджур дагъамын, уфтанын, гранын  къуванани мебелин формабы гьаъа гибгъыл. Ши йишин мал базареехъа хъыгъайшу. Ман масса гьелесын дуканбы, базарбы медни шагьарбышее тIабалау. Йишди мебелна маIгькамыйвалла ва уфтаныйвалла къавдже  оптовикар шалхъа хъигъебчIу. ГьаIшде йишин мебель Россиейни гьар шагьарбышее хъызаххан.  Ши ваIш джура къуIванани мебелин къекка водун. Манчини аIрее гранын ва уджузын , хааъад гийххьений офисбышее гийхьен водун. Вахтале-вахталхъа ши йишди мебелин ассортимент тезелемишаъан. Йишин менеджерар, дизайнерар тезе мебель къеккан технологиябы къаджес ва алеетIас медни шагьарбышеехъа, республикабышилхъа, хаариджий оIлкабышилхъа гьавайкIан.«Диана» фабрике къуIванани мебелиле гъайре, утIумын мебель ( истолбы, устулбы, тумбочкабы ва медынбы) къекка. Медни цехбышихъа иляаканкъаI, йишин кьийматбы уджузда водунбы.Къийна фабрике гьар миллетбышин инсанар ишлемишоохьи вобунбы. Манбышди аIрее цIаIхбы, урусар, рутулбы, азербайджанлыбы, узбекар, таджикар ва мебынбы вобунбы. Манбы ишее ши джурааъа деш. Гьел'бедти, сана-санбышаанкъаI гьабкыний , хизанбышиква достыйвалла гьавъу шахъад, цIаIхбышихъад йишди аIрее хаIдда водун. МаIгьаб ши йишда миз, аIдатбы, адаббы гьуваджи.  Амма ишее  ши нени миллетна инсан  ыхьай деш, манкъуна иш, заIгьмат гозетяаъа. Ненкъухъад наIгьдын  гьаIрактбыйий , чис сикIы ши доннух гьели. Ишчершини аIрее 15 аазыр алябатIанар ворна, 60 аазыр алябатIанар ворна. Ман инсаныке аIслыда. ВукIул' кIебчу ишлемишехьени инсаныхъад хав-уджагъыд, къыкыд, доннухыд водун. Фабрикайн гьоIкуматыс налокIбы хъели; инвалидаршини, етим ушахаршини, кьаIсинбышди хайбышис мебеликва кумаг гьели. Манчиле гъайре, лазымдананкъаI ишчершис борджес пылыква кумаг гьели. Инсанаршихъад ыIмрее гьар джура югун-писин , шадын-пашманын йигъбы эхьи. Агар вобхьее шахъаб Сувал'ни маIгьалыл' иш тIабалааъан джегьилер, гьазирба вобунбы манбы алебтIас, манбы къелилхъа хъааъасын кумаг гьелес. Садджу шас иш гьааъас вааIхан джегьилер вуккан. Агар манбышди фыкрее «кучебы к1ёкьий» водхьее, манбышин хъабый гьавагьийн ихьес. МаIгьбынбы гьиняаъаб гивоокIар деш.Байрамбышил' ши савайленбы саджигеехъа, манбы шадда алгъайгье. Гьел'бедти, Йишда Ватаныб ши кIеливханааъа деш. Мааъаб йишин деккярый едяр, чоджарый йичибы  ешемишоохьи. Имкан, вахт вухьайнкъаI, ши хизанбышиква махъа гьавайкIананбы. Ши няаъаб ешемишоохьи вухьейиб, Ватан кIеливханааъас вуккан деш.  Йишди миллетыква багълыда къеджени ишбышисыб хыл' авхъас ши гьазирба вобунбы.  Шосыд сагъул аIкьананче йишин ешайиш къаджес абыйс. Шаке Дагъыстанее ва Азербайджан ешемишоохьени цIаIхбышилхъа чIакIын саламбы гьихьареъэ.

Оцените материал
(1 Голосовать)
Последнее изменение Суббота, 16 марта 2019 20:47

Читайте также

Замминистра обороны России проверил строительство соцобъектов для воен…

сен 19, 2019 Экономика

...................................................................................................

В Махачкале стартовала дагестанская книжная ярмарка «Тарки-Тау 2019»

сен 19, 2019 Общество

...................................................................................................

Сына Раюдина Юсуфова силовики доставили в Москву

сен 19, 2019 Происшествия

...................................................................................................

В налоговой инспекции Махачкалы идут обыски

сен 19, 2019 Происшествия

...................................................................................................

В Германии издана книга об особенностях цахурско-русского двуязычия

сен 19, 2019 Образование

...................................................................................................

Руководитель МВД Дагестана вручил выпускникам вузов служебные удостов…

сен 19, 2019 Общество

...................................................................................................

Съезд региональных уполномоченных по защите прав предпринимателей стар…

сен 19, 2019 Общество

...................................................................................................

В один из районов Дагестана после проверок в медпункты завезли необход…

сен 19, 2019 Общество

...................................................................................................

Высшую награду Дагестана получил старейшина дагестанской журналистики

сен 19, 2019 Общество

...................................................................................................

Минобрнауки Дагестана проверяет качество образовательных услуг автошко…

сен 19, 2019 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru