Войдите в свой аккаунт

Пользователь
Пароль
Запомнить меня

Югун до едигарыс гьадсыр

Автор Кьурбан Омаханов Пятница, 15 марта 2019, 12:17 82
Югун до едигарыс гьадсыр
||| ||| |||

Са уIлджумна гьихъа раIгьматыххъа йишда чодж-йихъий Къараев МалламаIгьаммад  Рамазанна дих аркIын. Сасса вахтал' ши инсан гьайни дюнйейле аркIынле хъийгъа йикIел' хъаляъа. МалламаIгьаммаде джуна ыIмыр хивни тасарруфатыс къабсыр.

Дагъыстан  хивыни тасарруфатна республика вобна.  Хивын  тасарруфат артымышаъасдиме мани санаъаIтыс къуллух гьавъуйни  инсанын до, гьуIрмат гьувааджес вуккан. Масалан, малдохтурна, зоотехникна, аграномна, багъбанчершина дараджа ахтыхъааъас вуккан.  Ман хивни тасарруфатын санаъаIтбы сана-санчика алаакьада водунбы. Йизди увгьойка, манчини аIрее малдохтурни санаъаIтна дараджа ахтыба вобна, няъас увгьее малдохтурыке садджу маланаджаб деш, инсанна саламатыйваллаб аIслыба вобна. Манкъвее сабара гьаIйванаршике инсанаршис хъигъеечIени чIырвал'бышин оIги ыIхийха. Дагъыстан  хивыни тасарруфатна республика вобна.  Хивын  тасарруфат артымышаъасдиме мани санаъаIтыс къуллух гьавъуйни  инсанын до, гьуIрмат гьувааджес вуккан. Масалан, малдохтурна, зоотехникна, аграномна, багъбанчершина дараджа ахтыхъааъас вуккан.  Ман хивни тасарруфатын санаъаIтбы сана-санчика алаакьада водунбы. Йизди увгьойка, манчини аIрее малдохтурни санаъаIтна дараджа ахтыба вобна, няъас увгьее малдохтурыке садджу маланаджаб деш, инсанна саламатыйваллаб аIслыба вобна. Манкъвее сабара гьаIйванаршике инсанаршис хъигъеечIени чIырвал'бышин оIги ыIхийха. Шахъаб, цIаIхбышихъаб, гьаммаше  югун малдохтурар вухьа. Манбышда сайир калелий МалламаIгьаммад Къараев ыхьа. Мана 1950 сен кIалхозчий Рамазан дайийни хизане едике ыхьа. 1-4 сыныфбы Калел'ни мактабее хъаIдхъы, 5-6 сыныфбы ДжинаIгъни мактабее хъаIдхъы, 7-8 сыныфбы Хасавюртни интернат–мактабее хъаIдхъы, 9-10 сыныфбы, 1968 сен, Мишлешни йыIкьнекни мактабее таамау. Манчиле хъийгъа, Ленинни дойил'ни кIалхозее ишлемишехьи гиргъыл'. 1970-1974 сенбышее МаIгьачкъалайни хивни тасарруфатни техникуме хъаIдхъы, малдохтурын санаъаIт алеетIу. 1974 гиргъыл' 1979 сенбышеехъаме кIалхозее фермамудирна ишлемишхьа. МалламаIгьаммад  Къараев 1979 сениле    1989 сенилхъамее Калел'ни ветучастокее малдохтурна ишлемишхьа. Гойне мана хизаныква кочмишхьа хъарына Бабаюртни районеени Рутул районни бинабышилхъа. Маайид ыIмрени аIхреехъамее джуни санаъаIтыс къуллых гьавъу. Мани сенбышди аIрее  манкъвее хивын, районын малкъара саламатда гуваджесдимее хаIбна заIгьмат къавдже. Манчин сай къалхымышаъасдиме хаIбна заIгьмат гьавъу. Хьуленихьее элейс манкъуни гьаIракатыква хъигъечIени чIырвал'бышин оIги ыIхы. Манчини аIрее дабагъ , исит'ма, къыздырма, холера, сары, бурцелёз ва медынбы ыхьа.Месала вобна : « ЧIырна хъуваркаъассе, чIырвалин оIги ыIхий рагьаIтда водун». Эле йишда малдохтур МалламаIгьаммад чоджий мани усылыква ишлемишхьа. Манкъвее вахтал' профилактикайн вейбар малкъарайс ыIхы, нахна илёогъавъу, купкабы гьаъы, тимыхьаршина дарман хъабгъы ва медын профилактик ишбы къаджы. Иш джуна саламатба гьааъанчихъа гора, мана хьулехьее районни, республикайни ветеринарашини къуллухни сураке дипломбышис, грамотабышис лайикьау. АIсас манкъуна гьуIрмат джони джамаъаIтын гьуваджы. 
Югни малдохтурыле гъайре, мана югна хизанна саIгьыб ыхьа. Хьунащейка саджигее 5 тербиейкван ушахар гьалални къыкыл' хаIбхъавъу. Манбы хавын-уджагъынбы гьавъу.Гьел'бедти, мана гьайни дюнйейле вахт дена аркIыний, хизанни меега хаIдын хаджалат водун. Анджах ман Аллагьын ишбы водунбы. Шаке садджу раIгьмат къахивлес вааIхас ва делесинбышди йикIбышис сабыр гьеххъас.

Оцените материал
(0 голосов)

Читайте также

Службу судебных приставов по Дагестану возглавил Алик Алилов

мая 23, 2019 Политика

...................................................................................................

В Дагестане пресечена попытка ввоза опасной партии овощей

мая 23, 2019 Общество

...................................................................................................

В Махачкале найден пропавший вчера несовершеннолетний мальчик

мая 23, 2019 Происшествия

...................................................................................................

Впервые в Дагестане откроется IT-школа на базе ДГУ

мая 23, 2019 Образование

...................................................................................................

Артём Здунов встретился со сборной Дагестана на Нацфинале чемпионата W…

мая 23, 2019 Экономика

...................................................................................................

Мэр Махачкалы проверил качество поставляемой в город воды

мая 23, 2019 Общество

...................................................................................................

Министр по делам молодежи Дагестана проверил готовность детских лагере…

мая 23, 2019 Общество

...................................................................................................

В Дагестане появится спецтранспорт для обслуживания пенсионеров

мая 23, 2019 Общество

...................................................................................................

В Дагестане в результате ДТП пострадал школьник

мая 23, 2019 Происшествия

...................................................................................................

В Дагестане полицейские задержали авиадебошира

мая 23, 2019 Происшествия

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru