Октябрьни къаекьванчил’ Рутулни хивее районе ешемишоохьени миллетбышди аIреедын байрам илгъечIу . Мааъад цIаIхбыше, рутулбыше, лезгибыше, лакбыше, азербайджанлыбыше иштыракау.
Гьаарынбыше джон майдамбы ачмишау. Районни гьар хивни администациебышди маданиятни марказбышди ишчерше джони миллетын , хивын фольклор, маIънийбы, хаани аIрайл, хивни тасарруфатее ишлемишаъан йиссейн дезгагьбы, ыIгьтаджбы гьагу. Манчиле гъайре, маданиятни марказбышди ишчерше хъорагбы майдамбышеехъа ады.
Гьаарынбыше джон майдамбы ачмишау. Районни гьар хивни администациебышди маданиятни марказбышди ишчерше джони миллетын , хивын фольклор, маIънийбы, хаани аIрайл, хивни тасарруфатее ишлемишаъан йиссейн дезгагьбы, ыIгьтаджбы гьагу. Манчиле гъайре, маданиятни марказбышди ишчерше хъорагбы майдамбышеехъа ады.
Маджлис районни маданиятни марказни ишчее РаIгьым вукку. Манкъвее маджлисеехъа абыйни тамашечершис байрамни гьаIкIеедын маIълумат гьуво. Гойне майдамбы гьагу ва манбышис джон гьаIракатбы гьагвас имканбы гьуво.
МаIънийбышисый мыкIаршис къассырни байрамбее хаIдын иштырак Сувал’ни маIгьалыле абыйни гьар хивни маданиятни марказбышди ишчерше гьау. ЦIаIхбышди майдане ЦаIхни хивни маданиятни марказни директоре Вагиф ГьаIджиеве, Мусагъни маданиятни марказни директоре Джелил Наврузовейий гьеекIванкъее Гул’сават Наврузовае, Мишлешни маданиятни марказни директоре Мустава Рамазанове, ДжинаIгъни администарциейни библиотекаре Сураддин Балаеве, Миххьейни хивни маданиятни марказни хааIрункъее КьаIгьраман Сафарове, Гыл’мецIни хивни маданиятни марказни директор Загьид Ммрзоевейий маданиятни ишчее Зейнуддин Джумаеве джон гьаIракатбы тамашеехъа сабыйнбышикIле гьагу.
Манбышис кумаг зурначершини дестейн гьау. Йишди хиваршини маданиятни ишчерше джон аIдатбы, мыкIар, маIънийбы гьагу. Махъа сабыйнбыше манбышди гьаIракатыс ахтына кьиймат гьуво.
МаIгьадни байрамбыше миллетбышди аIреедын муIгьуббат хаIдхъаъа, йишин аIдатбы, фольклор, миз, маданият гьуваджес имкан гьооли,
