Гимга хивын джамаъаlт садайлен джига водун.  Гьар йигъыс мичlейд, эхьал’ махъа сабыйнбыше хивыс вааджибни мисалабышике, гьаъасд ишбышике, къаджейнчикейий къайихьыйнчике гаф гьааъа. Югни писди йигъыл’ хивеехъа абыйн мигьманар цlебба мааъаб явашоохьи.

 Къийна Сувал’ни магьалыл’ни хаlдданани хиваршее манбы абрейхъа хъаляу водунбы.  Хивни администрациебышди вукlлелинбыше манчилхъа хаlбна фыкыр гьооли. Манбыше хивын джамаъаlт садайлен джигабы уфтан хъаъа, далдабы аляъа, манчин ёкь сура темизяъа.Къийна Сувал’ни магьалыл’ни хаlдданани хиваршее манбы абрейхъа хъаляу водунбы.  Хивни администрациебышди вукlлелинбыше манчилхъа хаlбна фыкыр гьооли. Манбыше хивын джамаъаlт садайлен джигабы уфтан хъаъа, далдабы аляъа, манчин ёкь сура темизяъа.

Гьайни делесийвалей хьойикбышед хивыс тезе гимга аляаъа гибгъыл. Манбыше хивна гимга йиссейни ата-бабайни вахтал’ гивхьыйни джигеехъа саакlалавъу. Хивни адамерше  тезе гимга дахайке авхъа хъавъу. Гьаlшде манбыше манчин кьоlни суралхъан баругбы аляъа водунбы. Гьайни делесийвалей гибгъылна иш быкырааъасда.

 Гимга хивни джаванарше аляаъа. Мани карее манбышис кумаг хивни администрациейн гьели водун. Админстрациейни хааlрынкъуни  Вагиф Аlлиевни увгьойка, къийна администрациейни гыргыни хиваршеедын гимгабы тезелемишауйнбы. Хьойикни хивее мана иш гьааъас фыкрее аххъыйн хаlдда сенбыний. Гьайни сен мана иш гьавъуна. Манчиле савагьийда админстрациейни кумагыква  Цlахыйни хивее джамаъаlтыс зераб аляъа водун. Гидгъылыйн ишбы  ноябрьни вуза таамаъасынбы.

Устадарше материалбы гьеххаалика водунбыва эйгьи. В. Аlлиеве тикинтийн ишбы ыккеккани адамершис джуни сурале миннатдарийвалла агъамишааъа. Манкъве джамаъаlтыс, хивыс лазымни ишбышее заlгьмат гьааъанбышис джанана сагъвалла аlрзуламишааъа.

Тезе аляъани тикинтибышиле джамаъаlтыд разийда водун. Маlгьдын тикинтыбы гозетяъан хаlдда сенбыний. Гьаlшде гимахъа сабыйнбышис не гёгъуйкена, нейиб йизыкена къорху дешда. Тезе алявъуйни гимгайн хивыс ярашугъ гьели.