Агар театр муIгъыле гийгъалхье, хив гимгайле гивийгъал. ОIгийл’ , хиваршее хаIдда джамаъаIт ешемишехьенкъаI, гьар убайхъаб, маIгьаллайхъаб джона кIыл’на гимга вухьа. Манчиле гъайре , хивыхъаб хаIбна гимга вухьа.
Гимга аIсас джамаъаIт садайлени джигее, гунайни сурак’, гивийхьи вухьа. Агар хурни гимгабышее убабышин суалбы гьаIллаъа ыхьее, хаIмни гимгее хивын садибын суалбы гьаIллаъа ыхьа. Эгьес эйхьи , мана темизни гьаваалин хаIйбышике авудын идарайс гьыIсабехьи. ХаIбни гимгее йигъни-йигъын инсан дешда вахт вухьа деш. Хивеехъа арына мигьман цIерра салам гьевлес гимгеехъаний хъарайли. Манчиле хъийгъа джуни ишихъар хъигьнаний айкIан. Гимгайн ярашугъ барчамни кьаркьвбышее гивъурийн хивын агъсаххъалар вухьа. Мааъад джурабаджур месалабы гьаIллаъа ыхьа. Масалан, мысайий имааджийбы гьаъас, мысайий аIраб абчес, мысайий давараршин коч гигъалас, мысайий наIхир чолеехъа къайиккас ва медынбы. Гимга аIсас джамаъаIт садайлени джигее, гунайни сурак’, гивийхьи вухьа. Агар хурни гимгабышее убабышин суалбы гьаIллаъа ыхьее, хаIмни гимгее хивын садибын суалбы гьаIллаъа ыхьа. Эгьес эйхьи , мана темизни гьаваалин хаIйбышике авудын идарайс гьыIсабехьи. ХаIбни гимгее йигъни-йигъын инсан дешда вахт вухьа деш. Хивеехъа арына мигьман цIерра салам гьевлес гимгеехъаний хъарайли. Манчиле хъийгъа джуни ишихъар хъигьнаний айкIан. Гимгайн ярашугъ барчамни кьаркьвбышее гивъурийн хивын агъсаххъалар вухьа. Мааъад джурабаджур месалабы гьаIллаъа ыхьа. Масалан, мысайий имааджийбы гьаъас, мысайий аIраб абчес, мысайий давараршин коч гигъалас, мысайий наIхир чолеехъа къайиккас ва медынбы.
Гимгабышее гьийд даватбышда маIъраканий гьааъа, аIшукьарний гьоокIа, пегьливанарний гьуваага, кьутний айгьи, оIйинбыний куштакурарше гьагва. Гимгабышда аIсас метлеб хивни гьаIкIеедын мислягьаIтбы къаджей вухьа.
Хиваршеедын джамаъаIтбы кIыл’хъыхьале, гимгабышин сайид, гьаIракатыд кIыл’хъыхьа. Телевизорбыше, интернетын гимгабышеедын гивъурийбы, гафбы сейракауйнбы. Манчихъа ил’дяаку, йишди хиваршее гимгабы мейид водунбы. Анджах манбы абрелхъа , либасылхъа адчес ыккан. ЦIаIхни администрациее мана иш гибгъыл вобна. ЦIаIхни хивни джегьилерше джон фонд водун яратмишау. Ман гьаIракатыква ишлемишехьи водун. Са– кьоIни сенни аIрее манбыше хаIдда ишбы къадже ва дареехъа гябкIуйни инсанаршис джони фондеенче пыл гьуво. Джегьилерше аIхреени вахтал’ гарма аляу, манзикын китабхана тезелемишау, Шейх МаIгьмыдни зияратын акка-къул’, булах, сувагъбы, джилеер тезелемишау. Гьайни дёлесийвалее манбыше манзикни гьийбна гимга абрелхъа хъавъу. Йивани магьаIджарыкван искIамейкабы манзикни гьийд, муралийни гьихъийалла гиххьы. Ман ишбы гьауйн джегьилер шакIле дойин-дойин ваацIамбы. Аллагь манбышиле разхьена. Исламни динее эйгьи водун, югвалла маIгьаб гьааъас вуккан, акьвалхъа кумаг гьеленкъун до ашкар дехьесдимее.
МаншаАллагь джегьилер, Аллагье вушди къел’-хылес кьуват гьевлена. Шу хъауйни гимгабыше, садджу хивыс хайирыкван гафбы, мислягьаIтбы гьаъас кьисматхьенбы!
