Воскресенье, 15 декабря 2019, 22:11

Войдите в свой аккаунт

Пользователь
Пароль
Запомнить меня

МаIгьаммад (с.аI.с.) Пейгъанбарыс къабсырна мавлид

Автор Курбан Омаханов Пятница, 22 ноября 2019, 13:12 335
МаIгьаммад (с.аI.с.) Пейгъанбарыс  къабсырна мавлид
||| ||| |||

Ноябрьни 16-чил' МагьаIчкъалайни «Мелиорато» поселокни манзике  Рутул районеенчени джамаъаIтна мавлид вухьа. Мавлид йишда Пейгъанбар ыхьайни йигъыс къабсыр. ЙикIел' хъаляъа, Рутул районее асырбышиква сулгьыIква 6 миллет (цIаIхбы, рутулбы, лезгибы, лакбы, азербайджанлыбы, аварбы) ешемишехьи.  Ман гыргынбы исламни динын чубара вобунбы.

  Исламни диныс ыIбаадат гьаий, манчилхъан инам йикIеенче ыхьай ва динни гьаIкIеедын кIорааленчен ацIаал' алеетIуй хаIдын сувааб водун. Гьайни гунагьбынани дюнйейл' ешемишехьенхъаI, гьар инсане гьаммашийни дюнйеехъана джига гьазирааъас вукан.

  Гыргыба ши мусурманаршини уммайнбы вобунбы, манчихъа гора диныс ыIбадат гьаъас ыккан. Темизна мусурманий ихьесдиме, хьодле шартI водун бирмишаъу: Шаъадат гьауй. (Аллагьыле гъайре мерна дешда, МаIгьаммад (с.аI.с.) манкъве къаховуна пейгъанбар ворна). Агар гьаман джуваббы йикIеенче, каамил'ни фыкреква увгьее, мана мусурманий ворна. Ыкканни миллетна, ыкканни сифатыквана мана ыхьай, тафавут сыкIылин джад дешин; йигъыс чини вахтал' хьобле куб гиджараIххий алеетIу гьавъуй; Рамандина ваз  авхъуй. Рамандини вуза мусурманаршилхъа бирмишау водун сивар аххъый, гыргыни писди карбишике къирагъылхъа хъувхьай, нягьаIкьни карбышике туба гьавъуй; ФитIра къайищий. Гьар мусурманийн бордж водун  сенис джуни девлетике, малаке фитIра хъувой касибаршини, чIырынбышди йаIххъеехъа хъувой; гьаIдж къил'мишавъуй. Агар имкам вобхьее, мусурманийн бордж водун ыIмырее са элеесхьейир ГьаIджилхъа гьаркIыний. Маккеени  ва Мадинеени зияратбышис ыIбаадат гьауй, горханабышилхъа гьаркIыний, чIакIни манзикбышее джамаъаIт кубар гьауй, бирмишауйн аIгьдбы быкырауй.

  Исламнын дин дюнйейлхъа энки аIхрее адыйн дин водун. Ман еймишаъасдимее Аллагье дюнйейлхъа аIхреена МаIгьаммад пейгъанбар ( с.аI.с.) къахову. Манкъулхъа джилда - джилдана Кьуръан къахову.

  МаIгьаммад пейгъанбаре (с.аI.с.) манчина маIъна (мусурманийн кьаанун) джуни уммайлхъа  ашкарау. Сен-сениле манкъуни йаIххъыл' аIлгьааIни инсанаршин сай хаIдхъехьи водун. МаIгьаммад пейгъанбыр (с.аI.с.) дюнйейс гьувойн нур водун, миллетин маIргьамат водун. Манкъвее джуни миллетиле оодын улух,  раIгьам  камааъа деш. Шинар йикIее мана гьуваджес ыккан.МаIгьаммад пейгъанбар (с.аI.с.) хиджрайква 1448 сенна гьихъа, Раби ул' Аввал'ни вуза дюнйейлхъа ары. Эле гьаIшде гьамана ваз вобна эвчIу. Мани вуза мусурманарше МаIгьаммад пейгъанбырыс (с.аI.с.) къассырыйн маджлисбы алгъайгьи. 

  Ноябрьни 16-чил' МагьаIчкъалайни «Мелиоратор» поселокни манзике  Рутул районеенчени джамаъаIтна мавлид вухьа.  Мани мавлидее районеенче абыйни ва МаIгьачкъалее ешемишоохьени мусурманарше иштырак гьау. Мавлид- маджлисеехъа сабыйни мусурманарше цIебба хьаIмдийна куб гьавъу. Манчиле хъийгъа мавлид гибгъыл Мана маджлис Рутул районни имамаршини хааIрункъве ГьаIзрат Кьадимове вукку. Мавлид Кьуръанеедын аятбы хъаIдаххъа гибгъыл. АIрее-аIрее гьаIфизарше гьаарни мизяршил нашидбы хъаIдхъы

  ГьаIзрат Кьадимове увгьойн: « Пейгъанбар МаIгьаммад (с.аI.с.) едике ыхьайн йигъ 1448 элейс алгъайгьи водун, иншеаллагь, Аллагьыке кьисматхье, геледжагъылид алгъагьасынбы. асаджигеехъа сабый хаIбна шадвалла вобна.  Ислам  сул'гьыIкван, маIргьаматыкван, батIрайн, темизин, хъодкуйн дин водун. Ши ман югни суратее гьагвас чалышмишивхьес вуккан, манке шахъа медни динбышис ыIбаадат гьаъанбы югба иляакас. Аллагьна эл'чий быкырни дюнйейни инсанаршисын чечна водун…»  Мани мавлиде хаIдын иштырак ЦIаIхни дерайни имаме Эл'дар гьаIджее гьаы. Манкъве джуни чихышее маIгьабни маджлисбышда маIргьаматыйвалла, вааджибыйвалла агъмишавъу. Манкъвее увгьойн: «… Чубара вушин йикIбы ненкъусахъахьее ачух гьимаъа. Интернете ваяхуд сабара кIазетбыше одкIунни карбышилхъа иням гьимаъа. Исламни динни душманарше ши йаIххъыле гъадараъа. Дин терсинада гьагва, сана-санкъуни аIрее гьыIдчат ададчи. АIлгьамдуллягь, шахъаб дин хъодкуда ацIаан ааIлимар вобунбы. Манбышике вирд, ацIаал', билиг алеетIас ыккан…».Маджлисее сабыйнбышди аIрее динни гьаIкIеедын ехлама ыхьа. ГьаIзрат Кьадимове сабыйнбышилхъа джурабаджур суалбы гьуво. Джаваббы хъодкуда хъувойнбышис пайбы гьувы.

  Гойне маджлис вуккекканкъвее джуваб мани мазикни имамыс, «Ассалам» кIазетни (урусни мизел' къеккани) редакторыс Адил' Ибрагьимовыс гьуво. Манкъвее хааиш гьауйн сабыйнбышис «Ассаламыс» подписка гьауй ва ман хъаIдхъий. 

  Мавлидее маIърафатни, тербиейни гьаIкIеедын ихтелет' Рутулни 1 мактабни директоре Ямудин ТIалибове гьау. Чыхыни аIхрее манкъвее мавлид къурмишавъуйнбышис миннатдарийвалла агъмишавъу. Мавлид суннатни кубаршиква таамувхьа. АIхрее маджлисеехъа абыйнбышис садакьа гьуво. 

 P.S. Гьайни, Пейгъанбар МаIгьаммад едике ыхьайни Рабиул' Аввал'ни вуза, гьаIмагьдын мавлидбы ЦIаIхни, Мишлешни, ДжинаIгъни хиваршее илгъечIу. ИншаАллагь, медни цIаIхбышди хиваршейид манбы ихьесынбы.

Оцените материал
(0 голосов)
Последнее изменение Пятница, 22 ноября 2019 13:20

Читайте также

Глава Дагестана встретился с представителями старейшин города Буйнакск…

дек 15, 2019 Общество

...................................................................................................

В дагестанском Буйнакске Главе Дагестана презентовали молодежные проек…

дек 15, 2019 Общество

...................................................................................................

Владимир Васильев в Буйнакске общался с жительницами города

дек 15, 2019 Общество

...................................................................................................

Глава Дагестана Владимир Васильев посетил новый сквер у фонтанов в Буй…

дек 15, 2019 Общество

...................................................................................................

Глава Дагестана побывал в центре инклюзивного образования особенных де…

дек 14, 2019 Общество

...................................................................................................

Глава Дагестана ознакомился с ходом реконструкции центральной площади …

дек 14, 2019 Общество

...................................................................................................

В Гумбетовском районе в рамках проекта «Сто школ» открыли Тляратинскую…

дек 13, 2019 Общество

...................................................................................................

Роспотребнадзор по Дагестану предупреждает о новых видах мошенничеств…

дек 13, 2019 Общество

...................................................................................................

В селе Ингиши Гумбетовского района по проекту «Мой Дагестан - мои доро…

дек 13, 2019 Общество

...................................................................................................

В пригороде Кизилюрта открыли новый сквер

дек 13, 2019 Образование

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru