Понедельник, 27 января 2020, 19:17

Войдите в свой аккаунт

Пользователь
Пароль
Запомнить меня

Ансамбль «Дагъыстан» Самарее

Автор Наргиз Гамзаева Пятница, 13 декабря 2019, 11:48 639
Ансамбль «Дагъыстан» Самарее Ансамбль «Дагъыстан» Самарее
|||| |||| ||||

Дагъыстан, эгьес эйхье, дюн`йейн цIеддийн джига вод, са кIыл'ни торпагъыл` гьин мееган геед джурабаджур миллетбы ешемишехьен. Дагъыстанын миллетбы аазырбышка сенбы вод, хыл`-хыле аххъы, са джигее динджида, са хаIбна хизан хьинне, ешемишехьен. Шенке гьин миллетбы са Дагъыстанни территориел ешемишхьа ихьеейид, гьаIшде дюн`йейни гьар сурале дагъыстанлыйн сес хъооI вод. Лап алябтIас Россие. Россиейхъа магьаIбна са шагьар дешда, маъар дагъыстанлы дешда. Геелесынбы республикIайле къырагъыл` хизанбышка сана гудмишоохье воб

Къийнийна йишда гаф Самара шагьарее гудмишоохьени дагъыстанлыбышда гьаIкIеена воб. Гьин инсанар Дагъыстаныле акьаIна гябкIеейиб, манбыше джанее Дагъыстанын рыIгь, манчина темизийваала, манчин йаIгь-намус гьивадже вод. Манбышин йикIбы Ватаныка сана са ыIхийхаI, манбыше Ватаныка сана санад нафас аляатIа. Гьин инсанар гьаммаше Дагъыстанни югни, писди йигъбышил` Ватанни коксийл воохье, няъас увгьее манбышин къол-бытагъ  Ватаныле акьаIна ихьеейиб, джон кокбы гьини торпагъее вод. Гьин инсанар миллетни мега энке гыранын кар – ед'на миз гьиваадженбы воб. Манчихъа гораб, гьар хизанее ед', дек ушахаршика сана ед'ни мизел юшонааъа. Хааъаб едни мизел юшон гьидявъээ, ушахыссе мана няаджаб хаIб хъувхьес деш. Анджах са мизейка сана джанее  Дагъыстанын рыIгь гьиваджес эйхьен деш. Манчини аллад, гьини инсанарше, мизейка янашеда, Дагъыстанын таарых, маданият, чин аIдатбы хъийгъийни насылбышилхъа оIтираъа вод. Къийнийна йишда гаф Самара шагьарее гудмишоохьени дагъыстанлыбышда гьаIкIеена воб. Гьин инсанар Дагъыстаныле акьаIна гябкIеейиб, манбыше джанее Дагъыстанын рыIгь, манчина темизийваала, манчин йаIгь-намус гьивадже вод. Манбышин йикIбы Ватаныка сана са ыIхийхаI, манбыше Ватаныка сана санад нафас аляатIа. Гьин инсанар гьаммаше Дагъыстанни югни, писди йигъбышил` Ватанни коксийл воохье, няъас увгьее манбышин къол-бытагъ  Ватаныле акьаIна ихьеейиб, джон кокбы гьини торпагъее вод. Гьин инсанар миллетни мега энке гыранын кар – ед'на миз гьиваадженбы воб. Манчихъа гораб, гьар хизанее ед', дек ушахаршика сана ед'ни мизел юшонааъа. Хааъаб едни мизел юшон гьидявъээ, ушахыссе мана няаджаб хаIб хъувхьес деш. Анджах са мизейка сана джанее  Дагъыстанын рыIгь гьиваджес эйхьен деш. Манчини аллад, гьини инсанарше, мизейка янашеда, Дагъыстанын таарых, маданият, чин аIдатбы хъийгъийни насылбышилхъа оIтираъа вод. Менни миллетбышикIле дагъыстанлыбышин рыIгь энке геед лезгинкIее ва чика сана гьаъани мыкIааршее къедже. Самара шагьареейиб дагъыстанлыбы лезгинкIайс марах дена деш воб. Гьиняа лезгинкIайни гарийка сана мыкIаар гьаъана, «Дагъыстан» донан, ушахааршин ансамбль тешкилхьа вод. Мани ансамблее  йишди, Ватаныле аIкьаIна гябкIийни джегьилерше джон гьунербы, джон баджарыхбы гьагва вод. Гьин ансамбль  тешкил гьаъийни инсанааршис ши миннатдарба вухьес вуккан. «Дагъыстан» мыкIаар гьаъани ансамблын Самарее эйхьени геелесди кIанцертбышее иштырак гьаъа, ва манбышди чыхышбышис джамаъаIтын гьаммаше ахтыни гапааршика кьиймат гьооле. Гьиняа АIгьмад  АIбдулхаликовни раIгьбаIрийвалика геед талантнани хореографарше ушахар кIанцертбышис гьазирааъа. Манбыше къооджени хаIбни ишина натиидже воб ки, гьаIшде «Дагъыстан» ансамбль Самарее тIубыка гьагвани ансамбльбышин са вод. Гьини ансамблее хилидже Дагъыстанни миллетбышди эл'черше чыхышбы гьаъа. Шадеебхьес ва гьамыб гуянмыш вухьес вуккан ки, мани ансамблее йихъбышин ушахарыб вобумбыва. Садджу Сувагыл`ни хивеенче мааъад хьебни ушахее иштырак гьаъа вод: Айсун Мамедова, Руслан Велиев ва Эмин Мусаев. Манбышле гъайре ансамблее мебын йихъбышин ушахарыб вобумбы. Гьайни делесвал`бышее Дагъыстанеенче Самареехъа кIанцерт гьелес Гул'наз ва Мурад ГьаIджийкьурбановар абы. Чоджеейи йичее мааъад геед уфтанын кIанцерт гьуву. Йишди «Дагъыстан» ансамблин, уфтанни мыкIааршыка, манбышди маIънийбышыс ярашыгъ хъаляъы. Гыргын залееджын джамаъаIт кIанцертиле геед разийда аху.Хъудоора ши мани баджарыхнани, уфтанни джегьилершис джо гьааъани хаIбни ишее угъурбы аIрзу гьаъас. Гьасре манбышин сес са Самареенче деш, дюн`йейни гьар джигеенче хъаледжен. ГьинаIгьбын  баджарыхнан ва уфтанын ушахар чIакIы хъавъу, тербие гьавъуйни едяаршикIлейи деккяаршикIлед ши сагъулва эйгье. Манбы гьар джура гьыIрматыс лайикьба воб, няъас увгьее гьини инсанарше Ватаныле акьаIна вухьеейиб, миз гьиваадже, йишын аIдатбы гьивадже, миллет гьивадже.Авуд гьелен шикыл`бы мани концертее цIыцIаъийнбы водунбы.

Оцените материал
(1 Голосовать)
Последнее изменение Вторник, 17 декабря 2019 09:41

Читайте также

Более 70 млн рублей выделят Кизилюрту на ремонт дорог

янв 27, 2020 Экономика

...................................................................................................

В школах и детсадах Махачкалы увеличили финансирование питания

янв 27, 2020 Общество

...................................................................................................

В Правительстве Дагестане обсудили меры по недопущению завоза и распро…

янв 27, 2020 Общество

...................................................................................................

Артём Здунов: «Мы должны исключить риск повторного заражения в Кизляре…

янв 27, 2020 Общество

...................................................................................................

В Дахадаевском районе были обсуждены меры поддержки молодых специалист…

янв 27, 2020 Общество

...................................................................................................

В Каспийском море два новых судна начнут добывать кильку

янв 27, 2020 Экономика

...................................................................................................

Власти Кировского района Махачкалы благоустроят 11 дворов

янв 27, 2020 Общество

...................................................................................................

Более 11 тысяч предложений поступило от дагестанцев по расходованию …

янв 27, 2020 Экономика

...................................................................................................

Скончался самый известный ветеран дагестанского спорта

янв 26, 2020 Спорт

...................................................................................................

В Дагестане неплательщиков за электроэнергию ждет жесткая мера

янв 26, 2020 Экономика

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru