ИлгъечIуйни сенни аIхырее «Нур» кIазетна хааIрна редактор Байрам АIбдуллаев доюкани генерални МагьаIммад Танкаевни фондни сураке гьелени шарафыквани лышаныс лайикьра къаджы.
М. Танкаевын фонд республикее ишлемишехьи гидгъылыйн хаIдда сенбы водунбы. Фондын ватанылхъан аIшкь, мугьуIб, гьагванбышин сура аххъаххъа. Манбышди ишбышис ахтына кьиймат гьооли. Ташкилат ишлемишехьи гидгъылыйле хъийгъа, маIгьадыни ахтыни доюс хаIбба инсанар лайикьба къавджу. М. Танкаевын фонд республикее ишлемишехьи гидгъылыйн хаIдда сенбы водунбы. Фондын ватанылхъан аIшкь, мугьуIб, гьагванбышин сура аххъаххъа. Манбышди ишбышис ахтына кьиймат гьооли. Ташкилат ишлемишехьи гидгъылыйле хъийгъа, маIгьадыни ахтыни доюс хаIбба инсанар лайикьба къавджу. Б. АIбдуллаев «Нур» кIазетыс хаIбвалла гьааъан хаIбба вахт дешда. Мани сенбышее манкъвее хаIдда югун ишбы къаджы. Гыргыда манбы йихъбышин миллет гьуваджесдимее, манбышин до ахты хъаъасдимее гьауйн ишбы водунбы. Манчини аIрайл’ кьомана джига гьар сен мактабышее шигыртаршини аIрайл алгъайгьени конкурсын авхъааххъа. Конкурс алгъавгьуйна макьсад ушахаршини аIрайл’ едни мизелхъан гьавас хаIд хъауй водун.Манчиле савагьийда Б. АIбдуллаевыхъад инсанар саджигеехъа сааъан гьунарыд водун. Мана экIра-экIра джамаъаIтбышиква горушмишехьи, манбышихъад водун дагъамийваллабы аIрейнче алетIасдимее мисляаIтбы гьели. АхаIни джигее кумаг гьелес гьазирра эйхьи. Б. АIбдуллаев гьаIкеIера заманайс авакIына инсан ворна. Манкъухъад хаIдда хайирхагь ишбы ыккейсын ниятбы водунбы. Манбы ишилхъа адчесдимее, гьам вахт, гьамыд хаIдын сабыр ыккан. Маныд «Нур» кIазетни редакторыхъад водун. Шарафыкан нишан Б. Абдуллаевыс фондни хааIрнынкъее ГьаIсангьыIсейн АIбдуджелилове кIазетни редакциее гьуво. Манкъвее, Б. АIбдуллаеве республикайни гьийд югни сураке гьавъуйни ишбышике ихтилет гьау.«Нур» кIазетни редакциейн, йихъбышди джамаъаIтын, достарше, гьамбазарше Б. АIбдуллаев алятIуйни мани ахтыни шарафыквани лышаныква табрикааъа. Манкъус геледжагъыл’ угъурбы аIрзаъа. Фыкрее аххъыйн гыргын ишбы быкыра ъасдимее джанана сагъвалла гьевленава эйгьи.
