Григорианни календарыква декабырьни аIхрее йиссейн сен оIт’мишаъа ва январьни кьома тезе сен къаршиламишаъа. Ман йигъбы, аIдатыхъа гора, байрамбы хьинне алгъайгьи.

 Йишин светский гьоIкумат водун, манчихъа гора Тезе сен гыргыни миллетбыше шадваликва ыккекка. 2019-ъэсын сен таарыхейхъа адкIынийн. Мани сен ыхьайн хайирыкван ва дагъамын ишбы далыйл’ аху. Гьарункъулхъа ман са гьавайл’ (джурайл’) хъады. Сабара инсанаршис мани сенин кьисмат, барака абу. Манбышин ишбы накьышиква адкIын. Шенисанбышис 2019 сен дагъамын, угъад денан ыхьа. Умудааъана гьайин тезе 2020-ъэсын сен  гыргынкъус шадын, угъадыкван, баракайкван ихьес.Йишин светский гьоIкумат водун, манчихъа гора Тезе сен гыргыни миллетбыше шадваликва ыккекка. 2019-ъэсын сен таарыхейхъа адкIынийн. Мани сен ыхьайн хайирыкван ва дагъамын ишбы далыйл’ аху. Гьарункъулхъа ман са гьавайл’ (джурайл’) хъады. Сабара инсанаршис мани сенин кьисмат, барака абу. Манбышин ишбы накьышиква адкIын. Шенисанбышис 2019 сен дагъамын, угъад денан ыхьа. Умудааъана гьайин тезе 2020-ъэсын сен  гыргынкъус шадын, угъадыкван, баракайкван ихьес.Гьел’бедти, Тезе сенийс къассырыйн йигъынджагъбы, маджлисбы, концертбы цIаIхбышди хиваршейид илгъечIуйнбы.Декабрьни 31-чил’ «Сельсовет Цахурский» администрациейн джони хиваршини ушахаршис Тезе сенийн пайбы битIалау. Администрациейна хааIрна Вагиф АIлиев, джуна маIъвын ХанаIгьмад Гераевыква, хивни маданиятни Хавни хааIрункъука Вагиф ГьаIджиевыка «Сельсовет Цахурский» гядакIвани хиварше – Хьойикке, ЦIаIхее, Миххьее – вухьа. Манбы хивни джамаъаIтыква, маъаIллимаршиква, ушахаршиква горушмышивхьа ва Тезе сенийн баракабы гьаы. ДжамаъаIтыс югун угъурбы, джана сагъвалла аIрзуламишавъу. Гойне «Сельсовет Цахурский» администрациейни хааIрункъвее Вагиф АIлиеве джуке хурни ушахаршис, мактабни шигыртаршис пайбы гьуво. Ушахар манчиле гееб шадеебхьа. Шинаб, «Нур» кIазетни редакциейн. администрациейн джамаъаIт байрамыква табрикаъа ва чини къуллухчершис ишее гьаIракатбы арзуламишаъа!