Понедельник, 01 июня 2020, 00:58

Войдите в свой аккаунт

Пользователь
Пароль
Запомнить меня

Язычийна, журналистна едигарыс авхуна мирас

Автор Кьурбан Омаханов Понедельник, 13 января 2020, 14:52 1858
Язычийна, журналистна едигарыс авхуна мирас
||| ||| |||

Ши гьайни дюнйейлхъа къахувойн эл'чер вобунбы. Ненкъус нимеегана ыIмыр обкIуний садджу АллагьыкIле ацIа. Инсан чалышмышхьес ыккан гьайни дюнйейл' джун до къаджейни югни ишбышиква гьассарас. Кьул'п авхъу ахвасда дешда.

 Делесни, ацIани инсанни гьаIкIее, раIгьматыххъа аркIынле хъийгъа одкIуний, вахарийна иш дешобна. Гьар элейс каллехъа са фыкыр хъабайли. 
Декабрьни 25-чил' МаIгьач­къалее йишди миллетна игит' дих, язычий, журналист Фикрет ГьуIсейнов ( КIантIуч Фикрет) раIгьматыххъа аркIын.  64-ни ещее Фикрет ГьуIсейновын йикI даянмышхьа.
ГьIусейнов Фикрет Магьмудна дих 1955 сенни апрельни 6-чил' ЦIаIхни хивее кIалхозчийни хизанее едике ыхьа. Манкъуни деккихъаб Магьмуд дайийхъабый  Асият халайхъаб хаIбна хизан вухьа – 10 дих, 2 йиш. Манбы чалышмишивхьайнбы джон ушахар гьалални къыкыл', тербиейква чIакIыхъааъас.РаIгьматтыгъ Фикрет чоджий хизанее 2 ушах ыхьа. Манкъуна ыIмыр ахуйни джун тай-туш  ушахаршина хьинне абкIын. Джегьилийвалла хивни тасарруфатыква багълыба илгъевчIу.  Мана кIаникIулбынани вахтал' гьаммаше бера гьевлес, сюрий ухьийхьанаъас сувалхъа бакIеехъа гьайкIан ыIхьа.  8-ъэсди сыныфеехъамее манкъвее ЦIаIхни йыIкьнекни мактабее аIълада хъаIдхъы.  Мактабее хъаIдаххъанкъаI, Фикрет ацIаалилхъа  гьаIракатыквана гаде ыхьы.  МаIгьбын инсанар табиятын сейракбагьооли. Нена иш алебтIее, манкъвее раIгьатба гьаллаъа вухьа. Эн хаIдын манкъун гьаIракат адабиятыква, таарыхыква  алаакьан ыхьа. 8-ни сыныфын мактаб таамау, Фикрет ГьуIсейнов хъаIдхъас  МаIгьачкъалайни  автомобильно-дорожный техникумеехъа иккечIу. Мааъад манкъвее йаIхъбышди устадын санаъаIт алеетIу. Манче мана Ватаныс бордж хъелес эскереехъа аркIын.  Эскеренче хъары, районни йаIхъбышди ташкилатее устадна ишлемишхьа. Мааъад джуни къуллухын гьаIракатбы бил'дирау.  Мааъар ишлемишехьенкъаI, Фикрет ГьуIсейнов хъаIдхъас Дагъыстанни хивни тасарруфатни  институтни экономикайни факультетехъа  заочныра иккечIу.  Манке хивни тасарруфатна минитерства эн гуджнаквана вухьа. ГьоIкуматын кIалхозбышилхъа, савхозбышилхъа  гуджнаквана фагьам гьооли вухьа. Мана йаIхъбышди санаъаIтыле илгъечIуна хивни тасарруфатни санаъаIтылхъа. 
«Правда» кIалхозе мана бригадирна ишлемишхьа. Манчиква барабарда кIалхозни кIамсомолни ташкилатна каатиб ыхьа.  Мана джегьил' кIалхозчершиква хьуленихьее элейс Бабаюртни бинабышилхъа окI сааъас,  сук, сикIыл' оозас , йиджбы хъийшалас гьабкIын. Калмыкиени бинабышилхъа дёлеехъа, гаIмрабы хъаъас, темизяъас гьабкIын.  Манке манкъвее джуни елдашиква саджигее ЦIаIхее хайбы аляу. Анджах манчее ёшемишхьес манкъус геер кьисматхьа деш. 
 Совет гьоIкумат дагъылмышхьамее, хивын тасарруфатыд гьыIгъадкырийн, чика сана кIалхозбы савхозбы кьомкIена хъыхьа. Са- кьони сенни аIрее кIалхозна мал-девлет' талан-тараш гьавъу абкIынна.  Тезеда хивее аляуйн хайбы гьассыр, Фикрет чоджий хизаныква МаIгьачкъалеехъа кочмышхьа. Манке манбы ыхьайнбы эн дагъамын сенбы.
 Шагьаре  гиргъыл'на  ишлемишехьи машинбышиква багълыданани ташкилатее. Гойне ачмышауйн «АIттагай» донан ташкилат. Мана манчина ишчий ыхьа. Сабара сенбына мааъар ишлемишхьа, мана медни ишбышилхъа илгъечIу. Мани девырее тиклибы аляъани ташкилатбышее инженерна ишлемишхьа. Гыргыни ишбышил' мана иш ваацIани санаъаIткараршини джаргее ыхьа. 
АIхреени сенбышее Фикрет ГьуIсейновыхъад джун проектбы гьаъан ташкилат ыхьа. Манкъус  министерствабыше, ташкилатбыше джурабаджур проектбы  бирмишаъа ыхьа.Иш хаIбба вухьейиб, манкъве кьалам гьабсыр деш. Сабара сенбына мана журналистикайква маIшкьулхьа. Манкъун марахукан макьалебы республиквайни ва федерал кIазетбышее чапау.  Манке Ф. ГьуIсейнов Россиейни журналистаршини уIзвывалеехъа алертIу. ЦIаIхбышди таарыхыква маIшкьулхьа. Манкъвее урусни мизел' «К истории цахуров» китаб къайикы. Манчис ахтына кьиймат доюкани таарыхни ыIлимни ааIлимарше гьуво.
Фикрет ГьуIсейнов шакIле баджарагъукана язычий хьинне ацIа. Манкъвее джуна проза урусни мизел' обкIун. 
 Манкъвее  романбы   «Узденьбек», «Конокрад»,  «Последний дервиш», «Тайна старой книги (рукописи)», «Отшельник», «Жрецы Авесты" ва 250  хабарбы, а1фсанабы, меххвар одкIун. Манчин хаIддананбы ши «Нур» кIазете чапауйнбы.  Сабарабы  интернет партале  «Проза .ру» гьаваскарашике тIабалаъас аIхасынбы . Манбы  гыргынбы инсанарше вуккеккани ыIмрени гьаIкIеедынбы водунбы. 
Джуни асарбышиква  Фикрет чоджее кIорана мирас цIаIхбышди таарыхе, адабиятее гьабсыр. Садджу гьаманчина пашманыйвалла цIыцIааъа, джуни ыIмрее китаб къайиккас усул дехьана.  Иням гьаъас ыкканан, авайкесынбы  маIгьбын ишкарар манкъун китаб къайиккас гьазирын.  Шахъаб маIгьбын язычер, шааирар гьаIшде тека-сейракба вобунбы.
Ши, йишди сурале , раIгьматыххъа аркIынни йишди чоджилхъа, достылхъа раIгьмат къухооли. Аллагье гунагьбы багъышаъанбы. Джига дженнетее хъааъана!
Оцените материал
(2 голосов)
Последнее изменение Понедельник, 13 января 2020 15:03

Читайте также

Газета "Нур" провела благотворительную акцию на сумму окол…

мая 31, 2020 Общество

...................................................................................................

Премьер Дагестана Артем Здунов посетил Кизилюртовский район

мая 31, 2020 Экономика

...................................................................................................

Владимир Васильев и Виктор Фисенко обсудили итоги работы группы Минздр…

мая 31, 2020 Политика

...................................................................................................

Артем Здунов посетил один из индустриальных парков Махачкалы

мая 30, 2020 Экономика

...................................................................................................

В Минкомсвязи Дагестана опровергли наличие вышек 5G в регионе

мая 30, 2020 Общество

...................................................................................................

В Дагестане санобработку прошли около 1 000 социальных объектов

мая 29, 2020 Политика

...................................................................................................

Премьер Дагестана Артем Здунов осмотрел строящиеся в пригороде Махачк…

мая 29, 2020 Экономика

...................................................................................................

Делегация Азербайджана посетила палаточный городок на юге Дагестана

мая 29, 2020 Общество

...................................................................................................

Житель с. Степное Кизлярского района убил односельчанина

мая 28, 2020 Происшествия

...................................................................................................

В Дагестане проконтролировано более 397 тыс. тонн продукции на экспорт

мая 28, 2020 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru