Мишлешин мактаб Сувал’ни маIгьалылин эн хаIдын ва цIедда ачмишхьайн йыIкьнекин мактаб водун. Манчини таарыхни гьаIкIее ши хаIдда макьаалебы одкIун. Мактабын хивыс, районыс, республикайс ацIааликван, билигыкван, тербиейкван шигыртар гьуво. Къийна манбы гьар джура къуллухбышин ишчера ва хизанбышин саIгьыбар вобунбы.
Мактабын аIсас оIзяг мааъаб ишлемишивхьайн ва ишлемишоохьен маъаIллимар вобунбы. Манбыше джон югун аIдатбы гьаIшдед гьувадженбы. АцIаал’ гьувойле гъайре, вахтале-вахталхъа мактабее тербие, билиг гьаIракатеехъа адаччен маджлисбы , конкурсбы, викторинабы, олимпиадабы алгъайгьи. Мактабее ветеранаршикван, эскераршикван, спортсменаршикван, шааираршикван , язычершикван, ааIлимаршикван, ишкараршикван горушбы алгъайгьи. Мани ишбышее, Мишлешин мактаб районни мактаббышди аIрее гьийдни джаргее водун. Гьар байрамбышил’ мактабее йигъынджагъбы илгъечIти. Гьел’бедти, ман мактабни директорын Ислам Ибрагьимовын гьаIракат водун.Мактабын аIсас оIзяг мааъаб ишлемишивхьайн ва ишлемишоохьен маъаIллимар вобунбы. Манбыше джон югун аIдатбы гьаIшдед гьувадженбы. АцIаал’ гьувойле гъайре, вахтале-вахталхъа мактабее тербие, билиг гьаIракатеехъа адаччен маджлисбы , конкурсбы, викторинабы, олимпиадабы алгъайгьи. Мактабее ветеранаршикван, эскераршикван, спортсменаршикван, шааираршикван , язычершикван, ааIлимаршикван, ишкараршикван горушбы алгъайгьи. Мани ишбышее, Мишлешин мактаб районни мактаббышди аIрее гьийдни джаргее водун. Гьар байрамбышил’ мактабее йигъынджагъбы илгъечIти. Гьел’бедти, ман мактабни директорын Ислам Ибрагьимовын гьаIракат водун. ОIт’мишхайни уIлджумее мактабее, дагъайдни сыныфбышди шигыртаршини аIрее « Живая классика» донан конкурс илгъечIу. Ман урусни адабиятыс къассыр. Ушахаршини аIрайл’ ненкъвейий шечIбы друстда хъаIдаххъа, ненкъукейий манчина маIъна хъобкуба ашкарааъас вааIха, ненкъукейий суалбышис джаваббы хъодкуда хъелес аIха баIстбы илгъечIу. Манбышди гьаIракатбышис хъобкуна кьиймат гьевлесдимее , маъаIллимаршике комиссия къурмишау. Ушахарше дойиквани урусаршини шааираршин А.Пушкинын, М.Лермонтовын, С. Есенинын, А.Блокын, Н. Некрасовын, В. Маяковскийн шечIбы йикIеке хъаIдхъы. Конкурсын екунбы гьауйле хъийгъа, жюрийн гъамухьайнбышин добы увгьо.1-ни ва 2-ъэсди сыныфбышди шигыртаршис конкурсе иштырак гьауйхъа гора , гыргынкъус грамотабы гьуво.3-ъэсдийий 4-ъэсди сыныфбышее югун натийджабы гьагуйнбы сечмишавъу. 1 джига 3 сыныфни шигыртее Рамазанов Самире авхъу; 2 джига 4 сыныфни шигырте Сайдумова Камилае авхъу ; 3 джигабы 4 сыныфни шигыртее АIгьмадова Аминае ва 3 сыныфни шигыртее Мамедова Сабинае аххъы. Мактабни чIакIынбыше манбышис дипломбы гьуво.Мактабни директорни увгьойка, маIгьдын конкурс цIаIхбышди адабиятын гьайни дёлесийвалее алгъагьасын. «Йишда макьсад ушахаршин гьавас адабиятылхъа ачмишауй, темизин фыкырбы манбышди йикIеехъа адчуй вобна. Манчин ушахаршин тербие, ацIаал’ , фыкырбы хъобкуни йаIххъылхъа гяйгьи», — Ислам маъаIллимее агъмишау. АIхрее манбыше саджигеедын шикыл’бы цIыIцау.
