Четверг, 24 сентября 2020, 15:38

Войдите в свой аккаунт

Пользователь
Пароль
Запомнить меня

Сагъни джанее - саламатын такьат

Автор Пятница, 20 марта 2020, 11:13 866
Сагъни джанее - саламатын такьат Сагъни джанее - саламатын такьат
|||| |||| ||||

Йихъбы кlылин миллет ыхьейид, къийна манбышихъаб гьеххаликва джурабаджура ишбышил' ишлемишоохьен доюкан санаъаlткарар вобунбы. Манбышда гьаарна гьаъани ишиква миллетын до ахты хъаъас чалышмишехьи. Къыйнийна йизда гаф манбышди санкъуни гьаlкlее вухьес. Мана Татарыстан Республикайни Набережный Челны шагьарее ешемишехьена Аlлиев Фергьад Шаъаlлийна дих ворна.

Совет оlлка дагъалмишхьай йихъбышисыд геед йыlкьда хъады. Йишин джаванар джон до- ланаджах юг хъаъасдимее ватан къалебчес маджбурувхьа. Абкlыныйнбышда аlрее Фергьад Аlлиевыр ыхьана.

Ф. Аlлиев Закаталайни Дагълы (гьихъа Аlлибайрамлы) хивее едике ыхьа. Манкъуна ушахийвалла едике ыхьайни хивее абкlын. Гьамбазаршини аlрайл' Фергьад геер джомард гаде ыхьа. Манкъве хъаlдхъыйка саджигее спортука маlшгъулхьа. Гуджнаква дзюдойн гьичlоркулий хаlдхъехьи ыхьа. Фергьаде мактабе хъаlдаххъанкъа Азарбайджан алгъааlни джурабаджура чем- пионатбышее, турнирбышее иштыракау. Гыргынанкъаl манкъве югун джигабы аххъаххъа ыхьа. Аlрейнче сабара сенбы адкlынийле хъийгъа, манкъве ушахаршин дзюдойн мактаб ачмищау. Фергьадни ув- гьойка, манке секциейхъа абайлени ушахаршин сай ваlщеле агъалланий. Манбышда геллесда къийна Азарбайджанын доюкан спортсменар вобунбы.

Амма манчихъа ил'дяакы, Фергьадыс ма- аъар хаlдда сенбына ишлемишхьес кьисмат дехьайн. Мани ишис къассырыйн йигlылле сен геед дагъамда адкlын. Манкъун ешайиш сениле-сенилхъа дагъам хъехьи гидгъыл. Гьокуlматни сурале гьавъуйни ишис сикlы гьелен кумаг дехьайхъа гора, манкъве иш таргавъуна. Къазанджыс Россиейни суралхъа йаlхъ авхъу. Сабара сенбына мана Магьаlчкъалайни шагьарее ешемишхьа, тикинтибышее ишлемишхьа. Манчика саджигее дзюдойкар маlшкьулхьай кlелиханау деш. Фергьад Дагъыстане хаlббанани доюкани спортсменаршиква танышхьа. Манбышика сарчы тренировкабы сыкlылдад гьаlракатейхъа адчы. Хаlдданани турнирбышее иштыракау. Югун джигабы аххъы.

Хъийгъа мана ешемишхьес Набережный Челны шагьарехъа аркlын. Махъа кочмишхьайни цlеддыйни сенбышее Фергьад тикинтибы- шее ишлемишхьа. Манчика саджигее спортыд кlелиханаъа ыхьа деш. Манкъун спортылхъан аlшкь, гьавас гыргынкъукlле къеджи ыхьа. Аlрейнче сабара сенбы адкlынийле хъийгъа, манкъус шагьарни югни спортни мактаббышди санчее тренерийвалла теклиф гьавъу. Къийна манкъун до Татарыстанни республикее доюкани тренераршини джаргее водун. Манкъуни хаlбваликва ваlщеле агъаллана ушах дзюдойква маlшкьулехьи. Манбыше Россиейл' алгъааlни дзюдойни джурабаджура чемпионатбышее иштыракаъа. Фергьад гьамыр доюкана устад ворна. Манкъухъаб тикинитийн ишбы ыккекана десте вобна. Манкъуни биргаде ишлемишоохьенбы хаlббананбы йихъбышин джаванар вобунбы. Манбышис джуке аlхан кумаг гьелен. Биргадее ненкеджад наразийвалла воохьи деш. Гыргына Фергьадни ишиле разийба вобунбы. Къийнийни йигъыл' Татарыстан хаlбба Азарбайджанни йихъбышди хиваршейнче кочмишхьайн хизанбы ешемишехьи. Манбыше джони аlрайлин югун алаакьабы гьуваджен. Югниписди  йигъыл' саджигейхъа сабайли. Сана-санкъус хыл' авххъаххъа. Фергьадыка растына хъабыйн- быше эйгьен: «Мана гьаlкlена игит инсан ворна. Йихъбышдимее джан гьелес гьаlзирра эйхьи. Гьаммаше чалышмишехьена манбышда заlгьмат ва гьоlрмат гьувааджес». Набережный Челны шагьарее манкъве тезе юрд абчейиб, едике ыхьайн джигабы кlелиханаъа деш. Гьар сен Дагълы хивейхъа, зияратылхъа хьинне, гьайкlанна. Гогьар гьамбазаршика, вуджее хаlб хъавъуйни шыгыртаршика горушмышехьи, вахт марахука алгъагьас чалышмишехьи.

Оцените материал
(2 голосов)
Последнее изменение Суббота, 21 марта 2020 10:34

Читайте также

В Дагестан прилетели ведущие трэвел-шоу «Орел и решка»

сен 24, 2020 Общество

...................................................................................................

Дагестанцы стали чаще пользоваться электронными терминалами для оплаты…

сен 24, 2020 Экономика

...................................................................................................

Олег Матыцин встретился с ведущими спортсменами Дагестана

сен 24, 2020 Политика

...................................................................................................

Власти Дагестане обещали миллион за информацию о беглых зеках

сен 24, 2020 Политика

...................................................................................................

В Дагестане почти вдвое выросло производство кожи

сен 24, 2020 Экономика

...................................................................................................

Глава Дагестана: «Самоуправство, это возврат в прошлое»

сен 24, 2020 Политика

...................................................................................................

Коронавирус: ситуация в Дагестане на 24 сентября

сен 24, 2020 Общество

...................................................................................................

Коронавирус и пневмония в Дагестане отступают

сен 24, 2020 Политика

...................................................................................................

В Дагестане построят Центр единоборств международного уровня

сен 24, 2020 Политика

...................................................................................................

Лучший гостиничный комплекс определят в Дагестане в ходе конкурса

сен 23, 2020 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru