Майрам адийн ваIшни сенийн юбилей

Гьайни йигъбышее Бабаюртни Мишлешни бинал’ ешемишейхьени Мурадова Майрам Шаlъбанни йище едике йихьайн ваlш сен алгъавгьу. Мана ыlмрени хаlдни йигъыква табрикеъас хаlдда хивын джамаъаlт, гогьар-гьамбаз сады.

Майрам адий едике 1920-ъэсди сен Мишлешни хивее едике йихьа. Манбы дагъамын сенбы ыхьа.  Гьар сурал’ мысвалла, мыкlаалла вухьа.  Инсанаршихъад еттигъын охьанасын гней, аляъасын палтар ыхьа деш. Гьар карана кеситийвалла вухьа. Манчихъа ил’дяакы, хизанбышее хаlбна мугьуlббат вухьа. Сана-санкъулхъана гьуlрмат, хааlрна-кlыл’на хъуваацlый гьаммаше кьомани джигее ыхьа. Мани девырил’ йихъбышихъад хаlбба кул’фатбынан  хизанбы ыхьа. Ушахаршикlле кlыл’валикеджаб заlгьматна кьиймат ваацlа вухьа.Майрам адий едике 1920-ъэсди сен Мишлешни хивее едике йихьа. Манбы дагъамын сенбы ыхьа.  Гьар сурал’ мысвалла, мыкlаалла вухьа.  Инсанаршихъад еттигъын охьанасын гней, аляъасын палтар ыхьа деш. Гьар карана кеситийвалла вухьа. Манчихъа ил’дяакы, хизанбышее хаlбна мугьуlббат вухьа. Сана-санкъулхъана гьуlрмат, хааlрна-кlыл’на хъуваацlый гьаммаше кьомани джигее ыхьа. Мани девырил’ йихъбышихъад хаlбба кул’фатбынан  хизанбы ыхьа. Ушахаршикlле кlыл’валикеджаб заlгьматна кьиймат ваацlа вухьа.Майрамна джегьилийвалла иш-пешее абкlын. Мана адамийс Къахни районни Лелепашайни хивейхъа хъигъейчlу. Джес Аллагье ушахар вухохасда пай гьуво деш. Маlнкъе  адамийни цlеррыйни хьунащекени ушахаршис тербие гьуво, манбы эвле-атта гьавъу. Хаlдда сенбына мааъар ешемишийхьа,  джурабаджура ишбышил’ ишлемишийхьа. Майрам адее ненкеджаб ыlмрелхъана зигаара гьавъу деш. Джени увгьойка, болвалла вухьейиб, ватанылхъан гьавас гьаммаше джени йикlел’ ыхьа. Сабара сенбына гьихъа мана аlзизни ватанылхъа саркlыл’. Шаквани горушее маlнкъее серастба джени ыlмырике, хизанни гьаlкее марахуквана гаф гьавъу. Мани  сенбышее къаджейнчини ва къайихьыйнчини аллан ихтилет гьау. Къийнар мана ишдена гийъар деш. Джеке ахаlн кумаг хаани аlрайл’ гьаъас чалышмишейхьена. Гойне хьинне мана инджимишейхьес гьайейсар деш. Бинал’ ешемишоохьен едар экlба-экба маlнкъысхъа гафыс илгъеебачlенбы. Мани саягъыл’ маlнкъее джес Оорункъве гьувона ыlмыр вуккекка.Майрамм адий, гьаlшде хыдыл’ Нарманыка ешемишейхьи.  Адийни хатирес ненаджар хъетlа деш. Гыргынкъве маlнкъына джига, гьуlрмат ахтывалей гьувааджи. Майрамм адийни ваlшни сенийни юбилейхъа абыйнбыше уфтанын пайбы ады. Мана пайбышиле хаlрра абыйни мигьманаршис шадыйхьа. Маlнкъее махъа сабыйнбышис джес хьиннена шадна, хошна, хылийна  ыlмыр аlрзуламишавъу.«Нур» кlазетни хааlрни редакторе Байрам Аlбдуллаеве Майрам адий йихъбышди джамаъаlтни доюле табрик гьейъы. Маlнкъыс хылийна ыlмирий джанана сагъвалла аlрзавъу, пайис уфтанна тlетlбишда тlуч гьуво.