Къийна йыlкьнекин мактаб таамауйни шигыртарше гуджнака садибын гьоIкуматын имтагьаIнбы хъели водонбы. Гьайни сен манбы сыкlылда геджвалейхъа гидхьу. Манчина сабаб коронавирусна чlырвалла вухьа. Имтагьанбы хъувойле хъийгъа, манбыше санаъаlтбы аали мактаббышейхъа, техникумбышейхъа, колледжбышейхъа хъелес. Къийна йыlкьнекин мактаб таамауйни шигыртарше гуджнака садибын гьоIкуматын имтагьаIнбы хъели водонбы. Гьайни сен манбы сыкlылда геджвалейхъа гидхьу. Манчина сабаб коронавирусна чlырвалла вухьа. Имтагьанбы хъувойле хъийгъа, манбыше санаъаlтбы аали мактаббышейхъа, техникумбышейхъа, колледжбышейхъа хъелес.
Республикее хаIдда инстиутбы, университетбы, техникумбы ихьейид, аIхирейни сенбышее джегьилер Дагъыстанее аахва деш. Манбыше санаъаlт алятlасдимее Россиейни медни шагьарбышейхъа авайкlан. Гьайни сен Россиейни джурабаджура вилаетбышейхъа хъаlдхъаlс ааlс гьаlзирувхьайнбыб кlыл’ба дешобунбы. Манбышди геллесынкъве дохтурыний, военный санаъаlт сечмишау водун. Мани санаъаlтылхъан аlшкь гьагванбышди сыранее йихъбыб вобунбы. Гьихъа йихъбышди джаванарше маъаlллимын санаъаlтный сечмишаъан. Манке ишикена дагъамийвалла воохьена дешдий. Институт вая университет таамау хъабыйнкъаl, манбышис хиваршее иш воохьенаний. Гьаlшде мани санаъаlтылхъан джаванаршини аlрайл’ гьавас аху деш. Тека-сейрак джаване ман санаъаlт сечмишаъа. Джойиб хъаlдхъы таамувхьайле хъийгъа, мактабейхъа сивийкlал деш. Медни ишбышил’ ишлемишоохьи.
Къийна джегьилершини аlрайл’ Дагъыстанее санаъаlт алятlас чалышмишоохьенбыб растына хъавайленбы. Манбышда сайир Керимов Аслан Джабраил’на дих ворна. А. Керимовее Магьаlчкъалайни шагьарее 10№ мактаб югни кьийматбышика таамау. Манкъухъад кlылваликеджад компьютерилхъан, техникайлхъан хаlдын гьавас ыхьа. Манчихъа гора, геледжагъысын санаъаlтыт манчика багълыданан алятlас чалышмишхьа. Мактаб быкырау, 2014-ъэсди сен санаъаlтбы ДГТУ-хъа хъуво. Манкъве университетын компьютерный технологиейн факультет сечмишау. 2018-ъэсди сен Асланее бакалаврият югни кьийматбышика быкырау, магистратурайн имтагьанбы хъуво. Мааъад хъаlдаххъаlнкъаl, билиг хаlдхъаъасдимее, интернет провайдерна ишлемишхьа. Манчика саджигее манкъве хъаlдхъый практикайка утlумау. Унверситете хъаlдаххъанкъаl Аслан хаlдданани грамотабышисий мукафатбышис лайикьра къаджы. Манкъуни ацlалийс маъаlллимарше гьамммаше ахтына кьиймат гьуво.Гьайни сен манкъве университет чlаlрани дипломыка быкырау. Манкъве инженер програмистын санаъаlт алятlу. Къийна Аслан Республикайни ТФОМС-на ишчий ворна. Аслан сечмишауйни санаъаlтыле геер разийра ворна. Манкъухъад университете ахвасын имканбыд ыхьайнбы. Аспирантура хъаlдхъасын теклифыхъа ил’дяккы, ишлемишехьи гиргъыл’.Къийна Асланни доюлхъа джурабджура джигабышейнче табрикбы хъадайли. Кlазетни редакциейн мана югни хъаlдхъыйс ахтына кьиймат гьувойка табрикаъа. Манкъус геледжагъыл’ угъурбы аlрзаъа.
