Йыlгъ къулайлхъа абчес хъигъебчlы

2018-ъэсди сен Сувал’ни Магьалылхъа ыхьайни фаляакатын хиваршис хаlдын зиянбы гьуво. Манке са уlл’джумна аlра гьидёву гёгъуйни гёгъуйбыше машнен йаlхъбы, инсанар ивийкаран йигъааlр, малкъара гьайкlанан джигъырбы хьинен темизда гьодгъулыйнбы. Къийнад сабара хиваршее манке хъетlуйн зиянбы растына хъайленбы. 2018-ъэсди сен Сувал’ни Магьалылхъа ыхьайни фаляакатын хиваршис хаlдын зиянбы гьуво. Манке са уlл’джумна аlра гьидёву гёгъуйни гёгъуйбыше машнен йаlхъбы, инсанар ивийкаран йигъааlр, малкъара гьайкlанан джигъырбы хьинен темизда гьодгъулыйнбы. Къийнад сабара хиваршее манке хъетlуйн зиянбы растына хъайленбы.

Самурни дамайн гьавъуйни селин манке Джинаlгъни хивни гьийбни чейлагъыле къабчыйни йыlгъыс хаlдын зарарний гьуво. Манке хьинен йыlгъни  йыlкьнекни бастурмабышис гуджний гьавъу.  Гьайни йигъбышее хивын джамаъаlт манчис  ремонтын ишбы  гьаъас хъигъечlу.  Манбыше йуван диракбы бадалау, гьадкьурийн кьувабы тезелемишау.Самурни дамайн гьавъуйни селин манке Джинаlгъни хивни гьийбни чейлагъыле къабчыйни йыlгъыс хаlдын зарарний гьуво. Манке хьинен йыlгъни  йыlкьнекни бастурмабышис гуджний гьавъу.  Гьайни йигъбышее хивын джамаъаlт манчис  ремонтын ишбы  гьаъас хъигъечlу.  Манбыше йуван диракбы бадалау, гьадкьурийн кьувабы тезелемишау.Калел’ни хивни администрациейна хааlрна Ыlбадуллагь Гьаlджиевни увгьойка,  йыlгъ ремонт гьаъас гьаlзириувхьайн хаlбба вахтний. Дюнйе къуlма адкlвасний гозетяъа. Манчисын лазымын ыlгьтаджбы гьийгъанче гьихъа алищу гьаlзирданий. Хивни джамаъаlтни кумагыква ши хылехъа алябтlуна иш аlхырейхъамее быкыравъуна. Гьаlшде тезелемишавъуйни йыlгъыле инсанар, хивын малкъара дагъамийвалла цlыцlдявъу илгъечlенбы. Гьайни сен ман йишин цlеддийн имааджий водун. Гьийд шахъад маlгьдын имааджийбы менни хиваршейид алгъагьасын ниятбы водунбы.Къийна Калелин хивын админстрациее Рутул районее хаlдын гьыlсабехьи водун. Махъа йихьыбле хив Аттал, Джинаlгъ, Калел’, Мухаlх, Кlуссур, Корш гёохьа. Хивар санасанчике акьаlнада водунбы. Къийнийни йигъылхъамее Атталнни, Кlуссурни, Коршни хиваршейхъана машинена йаlхъ дешда.  Мани сардан манбыше хаlбна дагъамийвалла цlыцlааъа.  Добы агъмишауйн хивар хурунбы ихьейид, къийнад мааъад ешемишехьен хизанбы водунбы. Манбышда хаlбна дагъамийвалла ишгъекена вобна. Тlокlан диракбыйий симмар йиссейда ыхьайхъа гора, манбы экlда хъоданбы. Хивар уlлджумбышика ишыгъ дена ахва.Гьар сен юххьан мани хиваршини джамаъаlтбыше чlакlын имааджийбы гьаъа. Гьадкьурийн диракбы тезелемишаъа, хъодуйн симмар цlыцlаъа.Гыргын ман ишбы ыккейсын админстрациейхъад гьар вахтал’ имканбы эйхьи деш. Мани карее хаlдын иштырак инсанаршин эйхьи. Ман дагъамийваллабы аlрейнче алятlасдимее, гьаммаше санаб воохьи. Гьини элеесыб манбыше аlдат харабау деш. Джинаlгъни адамеерше троссена йыlгъ абрелхъа абчу.