Эйгьи вод: «Спорт-сагъламийваллайна эл’чий ворна». Аlхырейни сенбышее йихъбышди джаванаршини манчилхъан гьавас хаlдхъыхьа. Манбыше джони гьаlракатыквайий гуджука йишди миллетын, Дагъыстанын, Россиейн до ахты хъаъас чалышмишоохье.
Дора манбышин сабарабы йикlел’ хъаваляаъас. Манбы Нияз Сафаров, Шамил’ Раджабов, Аlгьмад Мурадов, Сарыя Джаватова, Саид Аlзизов, Ренат Юсубов, Руслан Юсубов, Самир Аlбдуллаев ва мебынбы вобунбы. Манбышди хаlббананбышди гьаlкlее ши «Нур» кlазетни сайфабышее макьаалебы гьувойнбы. Къийнийна йишда гаф доюкана футболчийни Азербайджанни едаршини савъуйни дестее гьивейгана Айсунни гьаlкlее вухьес.Дора манбышин сабарабы йикlел’ хъаваляаъас. Манбы Нияз Сафаров, Шамил’ Раджабов, Аlгьмад Мурадов, Сарыя Джаватова, Саид Аlзизов, Ренат Юсубов, Руслан Юсубов, Самир Аlбдуллаев ва мебынбы вобунбы. Манбышди хаlббананбышди гьаlкlее ши «Нур» кlазетни сайфабышее макьаалебы гьувойнбы. Къийнийна йишда гаф доюкана футболчийни Азербайджанни едаршини савъуйни дестее гьивейгана Айсунни гьаlкlее вухьес. Дюнйейни акьвал’ хаlдда джурабаджур спортун оlюнбы водунбы. Мани оlюнбышди аlрайл’ кьомана джига футболун авххъаахъа. Футболулхъан гьавас инсанаршини аlрайл’ гьаммаше ыхьайн. Къийнаб манчина джига тахтыл’ вобна. Гьаlшде футбол адамейрше джаб деш, едаршеб гьуваагана. Гойне хьинне, хаlдданани оlлкабышихъад джохъад джон едаршин футболун дестебы водунбы. Манбышее джурабаджур турнирбышее, чемпионатбышее, олимпиадабышее иштиракаъа. Манбышди джаргее Азейрбаджанна едаршике савъуна дестеб вобна. Азербайджан едаршина футбол оlюн гьуваагана десте савъуна хаlдда сенбы дешинбы. Манчихъа ил’дяакы, мана десте хаlдданани турнирбышин, чемпионатбышин иштиракчер вобунбы. Манбы хаlдданани ахтыни джигабышин мукафатчер вобунбы.Едаршини футболни дестейна оlюнчий йихъбышда йиш Мурадова Айсун Вугарна йиш Дагълы хивеенчена ворна. Мани хивын до оlгийл’ Аlлибайрамлы ыхьа. Мана едике 2003-ъэсди сен йихьа. Футболука маlшкьулейхьи 2015-ъэсди сениле гиргъыл’. Хьодъэсын сен водун маlнкьее мани оlюнылхъан гьавас гьагван. Гьаlшде маlнкьын до Азербайджаныл югни футболчершини джарагее водун. Айсунни увгьойка, мани сенбышее йидж хаlдданани хаариджий оlлкабышее йихьа. Футболун онбы гьувагасдимее, Молдовее, Калифорние, Фарер аlдабыше,Украинее, Беларусее, Россиейл’, Даниее, Турциее, Эстониее, Дубайл’, Гурджустаныл’ йихьа. Мана Азебайджанни шагьарбышее илгъааlни чемпонатбышдар иштиракчий ворна. Маlнкьына десте хьебни элеес капширын, кьоlни элес нукlрайн, са элесыб къизлени медалбышис лайикьба къавджу. Манчиле гъайре, Айсун Закаталайни едааршини дестее гьивеега. Къийна манбышди дестейн Азербайджанни чемпионате югун джигабы аххъаххъа водунбы. — «Хаlббананбыше эйгьен футбол адамейршин оlюн водун. Зы манчиква разеехьи деш. Едаршисыб футбол гьуваагас иджаза водун. Манчихъа гора, мысаджаб джаван ичейр футболуке йикl дена хъаъас вуккан деш. Манбышис ахаlни джигее кумаг гьаъас ыккан. Футбол гьуваагас гьавасрас вуккан. Мани карее закlле гьичудджад писин кьеджи дешодун. Маныд спортун са оlюн водун.Къийна Айсун гуджнара гьайни сен ноябырьни вуза Кипрни шагьарее илгъечlесди турнирыс гьаlзирейхьи ворна. Мааъаб манбы гуджнани Белгиейни, Кипрни, Швециейни едаршини футболни дестебышиква гьуваагас. Дора Айсуни дестейс илгъечlесди горушбышее югун натиджабы аххъасдымее, угъурбы аlрзаъас.
