«Шукур» командайн угъурбы

Астарханни вилаетил’ йихъбышин «Шукур» донан ташкилат ишлемишехьен геед хаlдда сенбы дешинбы. «Нур» кlазетын мани ташкилатни гьаlкlее, манбыше ыккеккани хайирхагь ишбышике хаlдда макьалабы гьуво.  Къийнийна гаф тезеба къурмишивхьайни «Шукур» донани футболни командайни гьаlкее вухьес.

 «Шукур» команда гьинчиле сабара вахтна гьихъа мааъаб ишлемишоохьени джаванаршди хаишиква савъу. Къийна мани командайн Астарханни вилаетил’ илгъечlени джурабаджура турнирбышее, чемпионатбышее, горушбышее иштыракаъа, югун джигабы аххъахъа.«Шукур» команда гьинчиле сабара вахтна гьихъа мааъаб ишлемишоохьени джаванаршди хаишиква савъу. Къийна мани командайн Астарханни вилаетил’ илгъечlени джурабаджура турнирбышее, чемпионатбышее, горушбышее иштыракаъа, югун джигабы аххъахъа.Гьайни йигъбышее мани командайн  Астархан илгъечlуйни кlыл’ни футболни турнире гьаlракатука оюн гьагу. Мани турнире 16-ни футболни командабыше иштыракау. «Шукур» ¼ финалейхъамее югба хъабы. Манбы аlхырейни горушее Астарханни командайка барабарба гьувагы. Гьувойни алава вахтал’ оюнын гьыlсаб бадалхьа деш. Пенальтыбышее «Шукур» команда йыкьаlл’ авху. Манчихъа ил’дяакы, манбыше хьебыдъэсда джига авхъу.«Шукурни» футболчершини увгьойка, командайхъад ахтына джига авхъасдимее гыргын имканбы ыхьайнбы. Амма манчихъа ил’дяакы, командайс финале гьуваагас кьисмат девхьана. Аlхырейни горушее манбы йыlкьаlл’ авху. Авхъыйни джигайква командайн оюнчер разийба вобунбы. Манбы геледжагъыл’ мани саягъыл’ни горушбышис югба гьаlзиребхьеснбыва эйгьи. Манке цlеббыйна джига джона вухьесдава, — манбыше  увгьо.«Шукур» командайна оюнчий «Йишин Муслагъ» донани фондна хааlрна Шериф Мамедовни увгьойка гора,  маlгьдын турнирбы джони аlрайлид алгъаъанбы. Шаца Муслагъни хивее хаlдын волейболун турнир алгъавгьу.  Мааъад Суавал’ни магьаlлни хиваршейнче абыйни командабыше иштыракау. Кьомадын  джигабы аххъыйни командабышис  мукафатбыйий пайбы гьуво.Къийна «Шукур»-на футболна команда гьийгъанче хъооlни менни турнирбышис гьаlзироохьи. Командайс геледжагъыл’ манчиле ахтыйн джигабы аххъасдимее дора угъурбы аlразаъас.