Къийна Россиейл’ инсанаршина ыlмыр хылий хъаъасдимее, манбышда сагъламийвалла гьувааджесдимее гьокуlматын хаlдда джурабаджура проектбыйий программабы илшилхъа адчы водунбы. Мани сардан Дагъыстаныд къырагъыл’ аху деш. Гьаlшде республикее тезе ФАП-бы, поликлиникабы, больницабы ва сабара мани сардан лазымын объектбы аляъа водунбы.
Гьайни сен республикайни сагъламийваллийни министерствайн мани ишиква багълыда хаlбна иш вукку вобна. Манбышди фыкрее сенани аlхырейлхъасее сувал’ни хиваршее инсанаршина сагъламийвалла гьуваджесдимее 20 тезе модульный ФАП-бы аляу истифадейхъа хъувой водун. Манчин сайид Гыл’мецlни хивыс къисматхьа. Гьайни сен республикайни сагъламийваллийни министерствайн мани ишиква багълыда хаlбна иш вукку вобна. Манбышди фыкрее сенани аlхырейлхъасее сувал’ни хиваршее инсанаршина сагъламийвалла гьуваджесдимее 20 тезе модульный ФАП-бы аляу истифадейхъа хъувой водун. Манчин сайид Гыл’мецlни хивыс къисматхьа.
Гыл’мецlни хивни джамаъаlтын тезе ФАП газетяъан хаlдда сенбыний. Гьийбна манчина бана гьинчиле хаlдда сенбына гьихъа алявъуна вухьа. Мана темизба йиссе хъувхьа. Мааъаб инсанаршис югун маалидже ыккейсын имканбы аху ыхьа деш.
Гьаlшде Гыл’мецlни джамаъаlтыхъад югун медицинайн кумаг алятlасдимее гьар джура имканбы водунбы. Тезе аляуйни ФАП-хъад терапевтыний едаршина гоз’ ва сабара медын утагъбы водунбы. Манчиле савагьийда ФАП гьагуйни талабышис уйгъунда водун.
Тикинитийн ишбы ыккеккани устадаршини увгьойка, модульный ФАП-бы аляъасдимее хаlбба вахт вуккан деш. Манбы гьаlзирин утагъбы водунбы. Джигайлхъа гьихьараийле хъийгъа, экlда саъас эйхьенбы.
Гыл’мецlни хивни ФАП-на дохтур Малик Мирзоевни увгьойка, объект аляу быкырхьа водун. Гьаlшде махъа иш къулайка вуккейсдимее медицинайн ыlгьтаджбыйий мебель хъалес аху водун. Манбыд геджвалейхъа гьасарас деш. Сенани аlхырейхъассе тезе аляуйни ФАП-ын аккабы аахъасынбы. Тезе аляуйни объектын хивыс ярашугъ гьели водун. Инсанарыб манчика шадоохьи вобунбы. Манбы хаlдни тентейква манчини аахъыйс гьаlзироохьи. Къийна Сувал-ни маlгьалылни ахуйни хиваршейид ишлемишехьен ФАП-бы, амбулаториебы, больницабы йиссейда водунбы. Манбыд гьинчиле хаlдда сенбына гьихъа аляуйнбы водунбы. Увгьойбышихъа гора, геледжагъыл’ манбыд кlылд-кlылда тезелемишаъасынбы.
